لانسر ولا اسبرانزا

[medo390]

ايهما افضل لانسر 2000 كريستاله ولا اسبرانزا a516 من حيث المتانه والعمر الافتراضى لقطع الغيار واستهلاك الوقود وعزم الموتور انا كنت راكب لانسر 2000 بصراحه كانت مريحانى وعربيه جميله جدا بس واحد صاحبى لسه جايب اسبرانزا بصراحه فيها اوبشن جميل وعجبنى بس انا بينى وبين نفسى بخاف من الصينى بس فى ناس كتير بتشكر فى الاسبرانزا وناس كتير برضه كرهاها والانسر لها شعبيه جامده جدا وناس كتير حباها واقليه بتكرها انا عارف انى طولت بس بصراحه اوبشن الاسبرانزا مغرى بالنسبه لسعرها انا محتار ومش عارف اعمل ايه

[crime]

اقولك انا بقى يا معلم الانسر ف كل حاجه نمبر واحد الانسر يبانى والاسبرانزا صينى وميغركش ان هى رخيصه بس قطع غيرها نااااااااااار وتروح التوكيل تتنفخ وتيجى
الانسر بقى باشا ف كل حاجه والكريستاله بالذات عربيه تحفه وحماله قسيه وتستحملك ف كل حاجه
اتوكل على الله واشترى الانسر

[cmatcho]

نفسي اعرف جبت منين ان قطع غيارها نار
وتوكيل ايه اللي ها يروحه
كل ميكانيكيه مصر شغالين فيها
وكل قطع غيارها موجوده عند اصغر محل لقطع الغيار
نفس اسعار الفيرنا والانوس
واسعه بغباء
عاليه عن الارض
موتور حديث
جميع الكماليات
الصاج الخارجي اسال اي سمكري عليه وهو يقولك عامل ازاي
فراما ا بي اس
جنوط اسبور وكاوتش عريض
لو ركبت لها مساعدين لانسر انسي
تكييف رائع بشهاده المعارضين
اركب عربيه من 10 سنين ومعرفش حالتها عامله واشتغلت لما قالت يا بس
لو فكرت بعمليه ومكسب وخساره
الاسبرانزا تتفوق بمراحل

[medo390]

شكرا يا جماعه لردودكم بس انا كنت راكب لانسر كريستاله هى بتتحمل بس اسبرانزا الله اعلم شكلى كدا هخلينى فى الانسر بصراحه انا محتار بين اليابانى لانسر وبين الاوبشنز اسبرانزا هو العقل يقول اختار اليابانى لكن اسبرانزا تغر انا بجد محتار العربيات دى بجد حاجه تتعب

[crime]

المشاركة الأصلية كتبت بواسطة cmatcho نفسي اعرف جبت منين ان قطع غيارها نار وتوكيل ايه اللي ها يروحه كل ميكانيكيه مصر شغالين فيها وكل قطع غيارها موجوده عند اصغر محل لقطع الغيار نفس اسعار الفيرنا والانوس واسعه بغباء عاليه عن الارض موتور حديث جميع الكماليات الصاج الخارجي اسال اي سمكري عليه وهو يقولك عامل ازاي فراما ا بي اس جنوط اسبور وكاوتش عريض لو ركبت لها مساعدين لانسر انسي تكييف رائع بشهاده المعارضين اركب عربيه من 10 سنين ومعرفش حالتها عامله واشتغلت لما قالت يا بس لو فكرت بعمليه ومكسب وخساره الاسبرانزا تتفوق بمراحل

يا باشا سير الكاتينه بتاع الاسيبرانزا ال 2007 120 جنيه ومعروف اوى ان قطع غيار الاسيبرانز غالى وان الصين بتبيع العربيه رخيصه وقطع غيار غاليه اسال اى حد عندوا اسبيرانزا يا باشا هيقولك ياريتنى ما جيبتها ولو الاسيبرانزا اتقارنت بالانسر هاتبقى صفر على الشمال جنب الانسر اسال ف كلامى ياباشا هتلائى ان انا صح