عربية تقيلة ولا خفيفة؟؟؟ طبعا الخفيفة أحسن

[borio1704]

المشاركة الأصلية كتبت بواسطة PoweRPassioN تسلم على الموضوع المميز والشرح الميسر وفي أنتظار المزيد من مشاركاتك المفيده

المشاركة الأصلية كتبت بواسطة خميس حسن موضوع مميز جدا و مفيد ياباشمهندس احييك

المشاركة الأصلية كتبت بواسطة mohamed selem بصراحه انت مبدع وبجد موضوع فادني كتير ومتابع معاك لحد متقول انا زهقت منكو

المشاركة الأصلية كتبت بواسطة sherif ride بجد موضوع من التوعية الماسية له مذاق و فائدة نادرة استمر يا بشمهندس!! منتظر جديدك

المشاركة الأصلية كتبت بواسطة mssa الموضوع مفيد جدا

أشكركم جميعا على مروركم الكريم... على أمل أن تظل مشاركاتي مفيدة لكم دائما

واطمنوا.... مش حازهق منكو أبدا....

وأي خدمة...

[borio1704]

المشاركة الأصلية كتبت بواسطة dr_eslam_66 أيوة كدة يا ودييييييييييع.:fun_36_3_1 6[1]: دا أنا هشهرك. ههههههه لا صحيح أنا مش عارف أقولك إيه غير إني هنا مع الموضوع دا ولحد فعلا ماتقول إنتوا خلاص وجعتولي دماغي. بس هوا الفكرة بس إنك كل الحلول الي شرحتها لإعادة توزيع وزن السيارة غير عملية أو منطقية أساسا. ياعني لا هينفع أجيب نوع ماتور بوكسر أو V إذا كان ماتور عربيتي رأسي ودا بسبب بسسيط جدا إني عربيتي 50% من تكلفتها ماتور وغير صعوبة إني أغير شكل الماتور نفسه في قلب حوض العربية. تاني حاجة إني مش هشيل الفرش بتاع العربية بكل بساطة لأنه لا يمكن الإستغناء عنه وكمان هوا أصلا وضعه منخفض ياعني بيساعد على إني مركز الثقل بيكون منخفض. كمان مش هينفع أقص سقف العربية وإلا هغرق في المطر. هههههه أنا بهزر معاك كلامك من الوجهة النظرة مفيد وصح مليون في المية إستمر ياهندسة وعلى من يريد أن يطبق أن يبحث عن الطريقة المناسبة له.

يااااااااااااااااه.... أخيرا حد حيتبناني؟؟؟؟؟

الله يكرمك يا د. إسلام... والله انت رفعت معنوياتي.. انت وكل اللي ردوا قبل كده

الحمد لله إني قدرت أشيل فكرة إن العربية التقيلة حلوة والعربية الخفيفة وحشة

بالنسبة للحلول بتاعة إعادة توزيع الوزن ففعلا تطبيقها صعب بالنسبة لمعظم الناس بسبب إن تكلفة تعديل السيارات عالية على معظم الناس، ده غير إن العربية بعد التعديل (الحقيقي) غالبا مبتبقاش مناسبة للاستخدام العائلي... بمعنى إنك يستحسن يبقى عندك عربية تانية غير اللي حتدعدلها لو عندك عيلة.

بس التعديل مش مستحيل... تخفيف الوزن ممكن تشوفه لو تابعت أي سباق رالي... وللعلم.. فيه فئة في سيارات الرالي القوانين بتفرض إنها تبقى أصلا عربية عادية وبعدين تتعدل عشان تدخل السباق.. بس في المقابل.. شوف تكلفة التعديل بتبقى كام

ياسيدي... ده انت لو لعبت Need 4 Speed حتلاقي نفسك بتعدل في العربية وتشيل من وزنها وتركب كبوت فيبر وتعرض جنوط وتغير في العفشة وتعمل حاجات تانية كتير عشان تزود أداء وتماسك العربية.. واللي في اللعبة ده حقيقي لإنه تقليد للواقع 100%

وصدقني حتى لو مش بتهزر... أنا متقبل رأيك وعلى الرحب والسعة في أي وقت



...

[borio1704]

المشاركة الأصلية كتبت بواسطة sam ram موضوع ممتاز و شرح وافي و مبسط لاقصى درجه ... الواحد بقاله كتيييير مفتقد النوعيه دي من الموضوعات اتمنى الموضوع يضم مقارنه في الاداء بين العربيات الرياضيه ثقيله الوزن بمحركات كبيره (اغلب الامريكي او النيسان جي تي ار مثلا ) والعربيات خفيفه الوزن بمحركات متوسطه (زي المازدا مياتا مثلا ) احييك بشده ومتابع باهتمام

أنا مش ناسيك يا بشمهندس سامح... وبحاول أجمع معلومات في موضوع المقارنة ده

بس بصراحة لما بدأت أدور في النت... جه في دماغي عربية الناس مش واخدة بالها منها وهي في رأيي أفضل مثال على موضوعنا

العربية دي هي:

دايهاتسو كوبن DAIHATSU Copen








العربية دي خفيفة جدا... ثباتها عالي جدا.. أداءها ممتاز.. موتورها صغير

معلش ... دي أول مرة حجيب أرقام.. بس لما نيجي للمقارنة الأرقام ما بتكدبش

بيانات عن الدايهاتسو كوبن:

الوزن: 850 كجم
الموتور: 1300 سي سي كامة مزدوجة - بنظام تغيير توقيت الصمامات
قدرة الموتور: 86 حصان عند 6000 دورة في الدقيقة
التسارع (0 - 100 كم/س): 9.4 ثانية
مقاس الإطارات: 165/50R15
الثبات: عالي جدا: خمس نجوم (من أكثر من تقرير عن السيارة)

تعالى نقارن بشكل مبدأي الأرقام دي مع أي عربية المفروض إن أداءها عالي

* وزن معظم السيارات الاسبور الحديثة ما يقلش عن 1200 - 1400 كجم
* معظم مواتير العربيات الاسبور ما تقلش عن 2000 سي سي
* معظم مواتير العربيات السبور بتديك على الأقل 200 حصان
* تسارع السيارات في الحدود الدنيا حسب الأرقام دي بيبقى في حدود 8 - 9 ثواني
* مقاس الإطار في معظم العربيات الاسبور بيبقى على الأقل عرضه 205 .. وقطر الجنط 16 - 18 بوصة... مع نسبة ارتفاع الكاوتش 45 - 55 %


الدايهاتسو كوبن ممكن التسارع بتاعها يكون ضعيف نسبيا... بس خد بالك إنها ممكن يتحط فيها موتور أكبر شوية (1600 سي سي مثلا مع تربو) وده حيديك على الأقل 160 حصان.. تقريبا ضعف القوة بتاعتها حاليا

بس تخيل إن عربية بالتماسك والثبات العالي ده مقاس الكاوتش بتاعها 165 بس.... ده دليل توزيع الوزن المثالي بتاعها بالإضافة لخفة وزنها



...

[moneer_marco]

المشاركة الأصلية كتبت بواسطة borio1704 أهلا وسهلا بيك في المنتدى اللي حضرتك قلته ده صحيح 100% بشكل عام .. عشان تزود تماسك العربية حتضطر إنك تخلي عفشتها ناشفة... وده بيشمل السوست والمساعدين والكاوتش... والعربيات الاسبور عفشتها أنشف من السيارات العادية وعشان كده تماسكها أعلى وبشكل عام برضو .. عشان تقلل من وزن العربية .. ممكن تلجأ إنك تستخدم خامات أخف بس في نفس الوقت ممكن ما تتحملش زي الحديد... لو تاخد بالك من إن العربيات الاسبور بقى فيها أجزاء كتير من الفايبر كاربون.. ودي مادة خفيفة جدا وصلبة جدا جدا لدرجة إنها في أي صدمة بتتكسر زي الإزاز!! باختصار... لو عايز ثبات أعلى حتضطر تتنازل شوية على مستوى الراحة والتحمل... في المقابل ممكن تتفادى حوادث مميتة لو عربيتك ثابتة، والرك في الآخر على اللي بيسوق بس موضوع المطب المفاجئ ده حيقلب العربية سواء مركب جنوط حديد أو ألومنيوم أو حتى خشب... ولا انت مش معايا؟؟؟ ...

انا بأشكر حضرتك وسوف احكي موقفين حصلوا بالفعل واحد مع صديق لي والاخر معي
الاول:
صديقي كان معاه عربية لانسر ومركب فيها جنوط اسبور وهو ماشي علي الطريق السريع بسرعة 110كم خبط بالفردة اليمين في قالب حجري كبير وكانت النتيجة ان الجنط اتكسر والغربية طارت ناحية الشمال واتقلبت وبمعجزة لم يصاب احد بأذي والحمد لله
الثاني:
كنت ماشي بالليل في الصحراوي وفجاءة شوفت قوالب حجرية كبيرة وسط الطريق وكنت على سرعة 120كم فكان امامي اختيارين الاول اخد الحجارة وسط العربية ودة معناه تدميرها المهمم حاولت افاديها شمال على اد ما اقدر لكن خبطت العجلة اليمين في حجر كنت انا وابني 14 سنة فقط في العربية انا قات ضعنا خلاص ولكني شغلت الخطر ومسكت في الدريكسون جامد وانا وابني كنا حاطين الاحزمة وفعلا لم افعل شيئا غير ذلك ومستني قدري الي ان توقفت اليارة بسلام ومن خلفي سيارة نقل تقيل حس اني في خطر عمل عللى حمايتي من الخلف منع اي عربية تعدي الى ان توقفت انا ماسك في الدريكسون وسائق النقل جاء لي ونزلني وطمأني اني بخير المهم شوفت ايه اللي حصل في العربية لقينا ان الجنط متني ولان الفردة تيوبلس فنامت ده لان الجنط حديد مش اسبور انا حكيت هذه المواقف علشان الناس تستخدم الحاجة اللي مميزاتها اكثر
عربيتي فيرنا فيفا
واسف على الاطالة وربنا يحميكم ويحمينا من شر الطرق المصرية

[borio1704]

المشاركة الأصلية كتبت بواسطة moneer_marco انا بأشكر حضرتك وسوف احكي موقفين حصلوا بالفعل واحد مع صديق لي والاخر معي الاول: صديقي كان معاه عربية لانسر ومركب فيها جنوط اسبور وهو ماشي علي الطريق السريع بسرعة 110كم خبط بالفردة اليمين في قالب حجري كبير وكانت النتيجة ان الجنط اتكسر والغربية طارت ناحية الشمال واتقلبت وبمعجزة لم يصاب احد بأذي والحمد لله الثاني: كنت ماشي بالليل في الصحراوي وفجاءة شوفت قوالب حجرية كبيرة وسط الطريق وكنت على سرعة 120كم فكان امامي اختيارين الاول اخد الحجارة وسط العربية ودة معناه تدميرها المهمم حاولت افاديها شمال على اد ما اقدر لكن خبطت العجلة اليمين في حجر كنت انا وابني 14 سنة فقط في العربية انا قات ضعنا خلاص ولكني شغلت الخطر ومسكت في الدريكسون جامد وانا وابني كنا حاطين الاحزمة وفعلا لم افعل شيئا غير ذلك ومستني قدري الي ان توقفت اليارة بسلام ومن خلفي سيارة نقل تقيل حس اني في خطر عمل عللى حمايتي من الخلف منع اي عربية تعدي الى ان توقفت انا ماسك في الدريكسون وسائق النقل جاء لي ونزلني وطمأني اني بخير المهم شوفت ايه اللي حصل في العربية لقينا ان الجنط متني ولان الفردة تيوبلس فنامت ده لان الجنط حديد مش اسبور انا حكيت هذه المواقف علشان الناس تستخدم الحاجة اللي مميزاتها اكثر عربيتي فيرنا فيفا واسف على الاطالة وربنا يحميكم ويحمينا من شر الطرق المصرية

اللي حضرتك قلته ده له تفسير علمي

أولا.. الألومنيوم عموما (أو سبيكة الألومنيوم بمعنى أصح) مادة أقل مرونة من الحديد.. وبالتالي لما تحصل صدمة في المعدن حيتكسر أو يتشقق.. إنما الحديد بينتني لإنه أكثر مرونة (وده على حسب نوع الحديد أو الصلب المستخدم)

بس حضرتك ربطت بين إن العربية اللي مركبة جنط ألومنيوم اتقلبت والعربية اللي مركبة جنط حديد متقلبتش، والحقيقة مش كده خالص

الموضوع ليه علاقة مباشرة بانتقال الوزن في لحظة الصدمة

خلينا نشرح أكتر...

عربية حضرتك ما اتقلبتش لإنك حاولت تفادي الحجر وتروح ناحية الشمال ... فالوزن كله راح ناحية اليمين... وبعدين أخدت المطب على العجلة اليمين برضو... كده مركز ثقل العربية كله على جنب العربية اليمين وبالتالي الحجر مستحيل يرفع العربية لدرجة الانقلاب

إنما العربية اللي كانت مركبة الجنوط الألومنيوم اتقلبت لإن الحجر جه تحت الجنب اليمين (الخفيف) لحظة ما كان بيفاديه... حضرتك ممكن تتأكد من صاحب العربية لإنه أكيد كان بيحاول يروح ناحية اليمين


أنا اتعرضت لنفس الموقف والحمد لله العربية ما اتقلبتش... بس طلعت على جنط استبن بتاع ميكروباص كان ماشي قدامي... وحاولت أفاديه وأروح على اليمين بس أخدته على العجلة الشمال

لو كنت أخدته على العجلة اليمين كانت العربية أكيد حتتقلب... بس الحمدلله ... لسه لينا عمر

...