|
#11
01-12-2010, 05:34 PM
|
|||
|
|||
رد: السلسله الذكيه للصيانه الوقائيه
شكرا مهندس سمير بس بصراحة المفروض كل مشاركة لحضرتك تتحط فى موضوع لحسن المشاركات حتوه فى النص والقارئ مش حيوصلها بسهولة
شكرا ليك باشا بفكرك بالرسالة الى بعتهالك على الخاص برجاء قرائتها 
|
|
#12
01-12-2010, 06:15 PM
|
|||
|
|||
|
رد: السلسله الذكيه للصيانه الوقائيه
موضوع جميل من مهندسنا الكبير ... واحشانى مواضيعك
 بعد اذنك يا باشمهندس لو اتحط منظف الرشاشات ومتحرقش على الماتور او ماعملتش مشوار طويل هل حيأدى الغرض منه ولا فى قلق لو محرقتش التفويلة كلها
|
|
#13
01-12-2010, 06:49 PM
|
||||
|
||||
رد: السلسله الذكيه للصيانه الوقائيه
ويفضل التخلص منه فى مشوار صد رد دا غير أن عدم التحميل الجيد على الموتور بيقلل فترات ضخ البنزين كل شوط حريق من أشواط المكنه وأحنا أساسا عاوزين نطول عملية ضخ البنزين بالمنظف داخل الأماكن الحساسه كما بينا وحقولك على حاجه حلوه تخيل أنت واكل أكله دسمه ( بط مثلا ) ....أو واكل فسيخ مثلا وقعدت تفصص فى البط وتفسخ فى منابك لحد ما أديك بأت محمله بالدهون من أثر عملية التفسيخ لمنابك طبعا بعد كده حتحتاج تغسل أيديك بالماء والصابون وطبيعى حتظل الأيد فيها آثار للبط أو الفسيخ بتضطر تعمل أيه علشان تتخلص من آثار الدهون أو رائحة الفسيخ بتزود فترات الدعك بالصابون ( رغوة الصتابون مع الدعك الجيد لليدين ) نفس القصه بالضبط الصابون ..................بيعادل منظف دورة البنزين مع مروره فى الأماكن الحساسه زى البيكات والرشاشات أيديك .................... بتعادل البيكات أو الرشاشات يبقى أيهما أفضل لحسة صابون ( منظف بنزين ) ....يعد كده بنظام السلامو عليكم بتاع حكيم على الرشاشات والبيكات ..........أى عدم التحميل على المكنه والتحريق المعتدل ولا دعكه محترمه بالمنظف .....زى مواوييل ( محمد عبد المطلب ) ....أى طول بقاء المنظف أثناء تطويل نبضات حقن البنزين فى البيكات أو الرشاشات ( حسب نوع المكنه ) كفترة دعك محترمه للأماكن الحساسه فى دورة البنزين عن نفسى بأحب الطرب الأصيل .....زى الست وعبد الوهاب وخلافه
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#14
01-12-2010, 08:17 PM
|
|||
|
|||
رد: السلسله الذكيه للصيانه الوقائيه
حتى الامثله ما شاء الله مدروسه ربنا يباركلك في علمك تحياتي
|
|
#15
01-12-2010, 11:23 PM
|
||||
|
||||
|
رد: السلسله الذكيه للصيانه الوقائيه
هل تريد تغيير كاربوراتير سيارتك بنفسك
لو كنت تمتلك سياره بمحرك نظام كاربوراتير وواجهتك مشاكل مع الكربوراتير تستدعى تغييره ومع وجود خلفيه ميكانيكيه بسيطه يمكنك أجراء هذا العمل البسيط بنفسك إليك الطريقه بمنتهى البساطه 1 - أفتح الكبوت وشيل عمة فلتر الهواء كاملة من على الكربوراتير لكشف ممنطقة التشغيل كما بالصوره  2 - دور مكنتك وأفحص وجود أى تسريبات بنزين حول مناطق حبك الكربوراتير 3- أضبط مسمارى الهواء والبنزين بطرقهم المعروفه نفترض بأه مفيش فايده من عملية الضبط ومكان مسمار الهواء بايظ من كتر عجن الصنايعيه إللى بتروحلهم كل شويه وعمالين يربطوا ويحلوا لحد مابوظوا قاعدة أو سن مسمار الهواء يبقى للأسف باظ الكربوراتير ولازم يتغير مسمار الهواء هو المشار إليه بالسهم السفلى  4 - بطل مكنتك وأفحص تواجد ملوثات داخل زور خانق الكربوراتير بالمره فوجود تلوث شديد فى زور الكربوراتير بالمواد الكربونيه السوداء دليل على كون البنزين وافر فى سحبه بنزين كتير من غرفة العوامه وغالبا بيكون هذا بسبب وجود تلف داخلى فى بنيان الكربوراتير زى عوامه بايظه الكلام ده ( لما بيكون الكربوراتير من جواه ) لونه أسود غطيس مع ملاحظتك أنك عمال تستهلك بنزين بغزاره 5- كده خلاص وجب تغيير الكربوراتير ( باظ خلاص ) ولازم يتغير حتبدأ فى فصل خراطيم التخلخل المرنه وتعلم كل خرطوم بعلامه محدده علشان حتركبه فى نفس مكانه على الكربوراتير الجديد وياريت وأنت بتحل كل خرطوم تكتب عليه رقم بقلم علام ونفس الرقم على الزور إللى حليت منه الخرطوم علشان لما تحب تقارن نفس الأوضاع بالكربوراتير الجديد 6- حتحل برضه خراطيم دخول البنزين وخروجه من الكربوراتير ( الخرطوم إللى جاى من الكاركه أو الرداخ ...........والخرطوم بتاع الراجع الزياده ورايح لتنك البنزين ) 7- حتفصل واير البنزين أو الأكسراتير من على بكرة الأكسراتير  8- قبل حل صواميل تجميع الكربوراتير من على المانيفولد تأكد تماما من أنك علمت مكان كل خرطوم هواء تخلخل أو خرطوم بنزين ( زى ماقولنا سابقا ) 9 - أبدأ فى حل الصواميل إللى مثبته الكربوراتير مع المانيفولد وأرفع الكربوراتير التالف  10 - حتقارن الكاربوراتير التالف بالكاربوراتير المشترى للتأكد تماما من أنهم أخوات 11 - شيل الجوان إللى كان بين الكاربوراتير والمانيفولد وركب مكانه جوان جديد ( ممكن تصنع جوان أن لم يكن هناك جوان جديد ) وركب الجوان على المانيفولد 12 - بحرص وعنايه حتركب الكربوراتير الجديد على الجوان الموجود على المانيفولد ولسه مركبينه 13 - ركب صواميل التثبيت وربط بطريقه هندسيه ( طريقة المقص ) أو الرباط باليد أولا للصواميل ثم عملية الشد على الصواميل بتوزيع الرباط على الأركان ( نظام مقص أو صليبه ) لضمان عدالة توزيع الرباط وعدم السماح لأى خطأ رباط 14 - وصل واير الأكسراتير بنفس الطريقه إللى حليته بيها من قبل وركب كل الخراطيم على أماكنها المظبوطه وخد الأرقام إللى كتبناها على أزوار الخراطيم بالكربوراتير القديم دليل لك كمقارنه بأزوار الكربوراتير الجديد 15- لعمل تدوير سريع للأطمئنان على نجاح شغلك أأقفل مسمارى الهواء والبنزين على نهاية مشاويرهم وبلطف أيضا لعدم التأثير على بيت مسمار الهواء زى ماكان بايظ فى الكربوراتير القديم وأفتح كل مسمار من الأثنين لفه واحده كامله وجرب الدواره حتلاقيها دارت معاك بس السلانسيه حيكون عالى شويه ولعمل ضبط دقيق لمخلوط السلانسيه يمكنك الأستعانه بمتخصص أو تنفيذ الخطوات ( كما فى هذا الموضوع ) دوس هنا إن أردت تنفيذ هذا بنفسك
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
 |
|
|
بعد اذنك يا باشمهندس لو اتحط منظف الرشاشات ومتحرقش على الماتور او ماعملتش مشوار طويل 
