عفشة السفينه 132 ( تحت الانشاء )

[mOuStaFa_ERTU]

المشاركة الأصلية كتبت بواسطة محمدصلاح القاضى فى الموضوع هنتكلم عن كل حاجه فى عفشة السفينه ال 132 اولا نبدأ بسرد مكونات العفشه للعربيه من الامام 2 ديسك فرامل 2 مساعد 2 يايى او سوسته 4 بيضات مقص ( 2لكل مقص ) واحده فوق والتانيه تحت 2 مقص علبه دركسيون تيش نص مناول 2 شداد عمود ميزان من الناحيه الشمال للعربيه ومتصل بالناحيه اليمين للعربيه هنبدأ بديسكات الفرامل بتتكون من : الديسك وتيل امامى وتيل خلفى وبستم الفرامل وصموله لربط الديسك على البلى الامامى وتثبيته طبعا طريقه تغيير التيل قدام اسهل ما يمكن من خلال مسمار مكانه فى البيستم من تحت تفكه خالص وبعدين تقرص بالمفتاح على البستم وتطلعه لفوق وبعدين هيبقى امامك التيل الامامى وراكب بواسطه حاجات زى البرشام بيقولوا عليها بسكوته وبعدين عندك التيل الخلفى نفس الموضوع ودا لو عاوز تغيير التيل لكن عندك مشكله معاه ممكن تفكه وتخشنه كويس عشان اما تدوس فرامل يمسك كويس وبعدين اما تيجى تركب البستم تانى هتزنق بالمفتاح على البستيم عشان يرجع مكانه ولحد ماينزل تحت وعند تركيب المسمار اللى تحت اللى فكانه علشان نطلعه لو فى بوش فى المسمار مع البستيم وحسيت انه ملقلق تجيب علبه كانز وتقصها وتطبع حتت صاجه منها على المسمار وتركبه ان شاء الله البوش هيروح لو عاوز تغير بلى الديسكات اللى قدام هتعمل اللى حصل بالظبط لكن قبل ماتفك اى حاجه تدوس فرامل وتخلى حد يفك صمولة الاكس بعد رفع الغطا بتاع الشحم من عليها هوااا المسمار تفك زى الاول وتغير البلى وتركبه تانى واما تجى تقرط على الصموله تخيله يدوس فرامل برضه وتقرط جامد عليها ثانيا التعليق قدام وهو دا سر تعب اصحاب وملاك 132 بسب اجزاء التعليق الكتييره اللى قدام بيتكون كل جنب من : مساعد وبطحات وسوست و بيض وبارات تيش النص وعلبة الدركسيون فى الجانب الشمال من العربيه ويقابلها هناك مناول وشدادت المساعد عيبه بيكون واضح اوووى للكل وهيا اما مرشح زيت من حوالين الاولسيه بتاعه اللى جوا او العربيه ميله من اى جنب كأن الكاوتش نايم ولو حبيت تغييره فيفضل المرنوو حاجه نضيفه جدااا جدااا وسعر الاتنين حوالى 450 جنيه تقريبا لكن اوعى تغيير وتركب مساعد هوا من بتاع النص نقل لانه ابن جزمه حديده بيوبظ العفشه نهائى لكن المونرو خفيف وبياخد ويدى بشكل ودى البيض عيبه ان العربيه بتزيق من قدام وانت ماشى او الدركسيون بيتقل ويخف الحاجات دى كلها ويفضل اما تشترى بيض للمقصات هاته تركى البيضتين ب 60 جنيه وهو موجود فى علبه حمرا والحمد ماشى تمام معايا لانى ركبت الالمانى ومستحملش خالص شهر وفكيته ثانيا علبة الدركسيون لو مش باور هتبقى 3 بليه ولو باور هتبقى ليها طرمبة باور وخراطيم داخله ليها تبش النص وهو دا العن حاجه فى العفشه كل اللى فى السوق مضرووووووووووب الصينى زى الالمانى زى التركى زى الاندونيسى المهم تشترى اللى يريحك لانه كله واحد فى الاخر وقبل ماتركب تلحم بارات العجل فيه بالكهربا لانه مع الوقت بيفك الشداد دا بقى مش ممكن يتقطم لكن يتوعج لو دخلت لاقدر الله فى رصيف او فى اى حاجه والعفشه من الخلف تتبع غداا

برنس والله انا شكلى كده هاجى طنطا اظبط العفشه ولو حكمت اغيرها كلها والله بس مشكلتى انى معنديش حد بيفهم خالص واللى ملاحظه ان طنطا كلها 132 كتيره اوى مش عارف ليه يوم ما انوى هعدى على حضرتك ونظبط الاداء ده لو معندكش مانع

[محمدصلاح القاضى]

المشاركة الأصلية كتبت بواسطة mostafa3tef برنس والله انا شكلى كده هاجى طنطا اظبط العفشه ولو حكمت اغيرها كلها والله بس مشكلتى انى معنديش حد بيفهم خالص واللى ملاحظه ان طنطا كلها 132 كتيره اوى مش عارف ليه يوم ما انوى هعدى على حضرتك ونظبط الاداء ده لو معندكش مانع

تشرفنى والله انت بس انوى وانا ان شاء الله اعمل مع حضرتك كل حاجه
ودا رقمى اما تنزل طنطا ابقى كلمنى وانا اقابل حضرتك 01019510910

[abokoko]

لحام بارات تيش النص
ده فى ال132 فقط
ولا الكلام بينطبق على ال لادا
لان عفشة ال ال لادا برضه متكونه من اجزاء كتيره جدا

[محمدصلاح القاضى]

العفشه من الخلف
تتكون من :
الكرونه (الدفرنسيل)
عمود كردان
2 مساعد
2 سوست مساعد
بطاحات
شدادات
طنابير
وضفدعه فرامل

أولا الفرامل
تتكون الفرامل فى السياره 2000 من طنابير وفى 1800 من ديسكات تقريبا لكن ال 2000 من طنابير
وطريقة فك الطنابير اسهل ما يمكن اهتجيب مفتاح 10 وشاكوش تقيل
اولا هتخبط خبطه بالشاكوش على الطنبوره من جميع الجوانب ودا لازاله صدأ المسامير وبعدين فى حاجه اسمها دليل بيقبى متثبت فى الطنبوره عشان تظبط عليه الجنط وتركبه هتفك دول بمفتاح عشره وبعدين تشد الطنبوره عليك ان شاء الله الطنبوره هتطلع عادى جاد اا
هتلاقى قدامك حاجات كتيير اوووى
منها القباقيب بتاعت التيل وخزنة فرامل وسوست شادد التيل من تحت وبعدين مسمار الرجلاش وهتلاقى واير فرامل اليد راكب فى قبقاب من تحت لتغييير التيل او خزنه بايظه اولا هتجيب مفك عاده وتخلع السوسته اللى تحت اللى ماسكه التيل وبعدين هتفك البرشام اللى راكب على القبقاب من الامام ودا بيتفك بالبنسه هتضغط عليه لانه وراه يايى او سوسته وبعدين تلفه وهيطلع لوحده وبعدين تخلع التيل براحه جدا عشان ماتبوظش الخزنه وهتلاقى القبقاب نزل ونزل معاه مسمار الرجلاش وهتلاقى واحد تانى متثبت هتفكه نفسه الحوار اللى فات وتسلك منه واير فرامل اليد وتنزله وبعدين اذا كان التيل خلص ممكن انك تغيره او تملاه ودا بيكون ليه ناس بتعمله وتكلفته 120 جنيه للفردتين اللى ورا مع مسح الطنابير من الداخل لكن لو عندك مشكله مع الخزنه هتفكها وتجيب زيها جديده فى حدود 25 جنيه وبعدين تركب تانى وتقفل واهم حاجه تشد السوسته اللى تحت عشان بتلم التيل من على الطنابير عشان الطنابير ماتسخنش وبعدين تركب الطنابير بدون رباط ولفها ولو خفيفه شيل الطنبوره تانى ووظيفة الرجلاش هنا تظهر بقا ترجلش لحد ما تفتتح التيل شويه وبعدين تركب تانى وتلف لو بقت محمله على خفيف يعنى تلف لفه وتقف كدا بقت تمام تظبط الدليل بقا على الاكس عشان يتربط كويس ودا لو مش جاى على فتحات الدليل بالظبط هحط المفك فى اى فتحه لمسمار العجل ولف لحد ما تبقى الفتحات كلها على بعضا وركب وان شاء الله هتبقى تمام

ثانيا الكرونه
ودا بقى اهم حاجه فى العفشه اللى ورا
بتتكون من:
تروس تفاضليه جوا يعنى بتنقل الحركه من الكردان للاكسات بتاعت العجل
والكرونه من اهم الحاجات اللى بتحتاج لصيانه مع كل غيار زيت
تبص الزيت تشوفه ناقص او لو عاوز تغيره وان عملت موضوع قبل كدا عن الحكايه بتاعت ونة الكرونه وعلاجها فى القسم هنا
ثالثا الضفدعه طبعا كله بيضحك على الكلمه
لكن الضفدعه دى بتركب على الدفرنسيل من برا وبتتوصل بسلك صلب مع جسم العربيه وفيها خزنة فرامل وخرطوم زيت باكم داخل وواحد طالع ودى وظيفتها انها اول ما جسم العربيه يضغط على الدفرنسيل نتيجه مطب هوا او مطب حقيقى تقوم تهدى العجل اللى ورا لكن مش بتفرمل ودى بتحس بيها لو ماشى على طريق مش مظبوط قد كدا وبتجرى لو رفعت رجلك من على البنزين هتلاقى العربيه بتكن شويه عن ماتبقى ماشى على طريق مظبوط وترفع رجلك من على البنزين
المساعدين اللى ورا مكانهم راكبين على الدفرنسيل من تحت وجوا الشنطه فى العربيه ودول لو مش مظبوطتين هتلاقى العربيه بتلعب من ورا وان ماشى يعنى مش ثابته و راكب عليهم سوست ودا لو باظ اما تحط حاجه تقيله فى الشنطه او تركب حد معاك تلاقى العربيه هبتط من ورا ودول بيتغيروا باتنين استعمال نضاف
الشدادات ودول راكبين على الفرنسيل ومتثبتين من الناحيه التانيه وبجسم العربيه من تحت ودول بيخلو الدفرنسيل ياخد ويدى بشكل ودى برضه ودول مش بيوظوا الا لا قدر الله اتحك جامد او خبط فى رصيف لا قدر الله
وكدا تبقى انتهت عفشة العربيه كلها من الامام والخلف والى موضوع جديد ولقاء اخر
واى استفسار رقمى 01019510910

[abokoko]

المشاركة الأصلية كتبت بواسطة abokoko لحام بارات تيش النص ده فى ال132 فقط ولا الكلام بينطبق على ال لادا لان عفشة ال ال لادا برضه متكونه من اجزاء كتيره جدا

فى انتظار رد حضرتك