هل يمكن تحويل فيات 132 لسيارة حديثة؟

[hazem_khidr]

132 من يوم ما نزلت كانت سابقه عصرها
جنوط مروحه كانت بتنزل في ال 132 و البورش 911 و بس !!!
خامات جديده للصالون واضحه في التابلوه و فرش الابواب و طاره الدريكسيون
شماسات سقف غير مسبوقه بالنسبه لجميع سيارات عصرها
اكصدمات حديثه لم تري النور في اي سياره بخلاف ال 132في حين ان جميع السيارات كانت تجهز باكصدمات نيكل
موتور قوي جدا و اول سياره 4 باب تصل من صفر الي 100 كم /س في عشر ثوان

اكتر عربيه حبيتها في حياتي ولو لقيت واحده نضيفه منها حاليا ممكن اشتريها جنب عربيتي

[eng.mahmoud]

http://www.masrmotors.com/vb/showthread.php?t=85319

شوف دي عربية جاهزة وفخمة وجامدة ب 21 وممكن بطقم جنوط وتغير لونها وتظبط تكييفها مش هتحتاج حاجة تانية وركبلها غاز ب 3000 جنيه مستعمل او تقسيط جديد كله كله مش هتكمل معاك 30 الف جنيه وهتبقى اجمل عربية في مصر وعلى ضمانتي

[sayed2077]

المشاركة الأصلية كتبت بواسطة mustafa mahmoud بص انا لسة صارف 28 الف جنيه على 132 ارجنتا و الحاج عمال يصوتلى على المصاريف ديه فخد الكلام ده نصيحة انت تشوف عربية نضيفة اوى اوى تجيبها 1. اول حاجة تشوف سمكرى نضيف هياخد فى حدود 1500 جنيه 2. بوهيجى نضيف و تنزل تجيب بويا نضيفة عشان تبقى شكلها حلو يعمل 2500 جنيه او اعلى او اقل حسب نوع البويا و الصنايعى 3. تروح للمكانيكى تظبط الماتور ( او تسقط ماتور اعلى ) انت و راحنك و ديه مش هقدر اقولك سعرها 4. كهربا تنزل عزبة شلبى او الحرفين تجيب ضفيرة استراد و تستنضف كهربائى و يزبطلك الكهربا 5. تشوف بتاع عفشى كويس تزبط العفشى و لو عايز تغير هات عفشة اسبور 6. سروجى و تعمل عمرة صالون كاملة ( سقف - ارضية - كراسى - فرش البيبان ) ده مش بيعلى على 1500 جنيه و كدة غالى كمان كدة انت يدوب نضفتها نيجى بقى للترويق 1. تروح على بتاع الجنوط تجيب جنط 17 او 16 انت و زوئق و تجيب عليه كاوتش عريض سرعات ده فى حدود 6 او 7 الاف عشان تكون حاجة نضيفة 2. تطلع على فتاع الفاميه و الاستيكر فيم عشلى خفيف اوى عشان المرور هيدك شكل حلو و تشوف كام استيكر نضيف كدة بس فى الرايق و تكربن الكابوت و الشنطة و الطابلوه و شوف انت لو هتزود انت و شوقك حسب ذوبك و ده مش هيكمل 500 جنيه 3. تروع لبتاع الاكسسوار تركب زينون فى حدود 500 جنيه 4 مكن عشان انت اربع فوانيس و تجيب بقى عدة صوت حلوة كاسيت بايونير او كونيود و سمعتين بايونير 600 و جى ام سينفونى 4 قنوات و زيرو باور و بازوكا ديه كدة 3 الاف و شوف انت بقى السنتر و الانزار و الزجاج الكهربا و مكن الرفع و ادى كمان 2000 جنيه و اركب و ادعيلى و قريب ان شاء الله هنزل صور عربيتى بعد التفنيش

الراجل ده برنس وهيبقى معاك عربيه اصلى اصلى اصلى بس بجد هتتعب اوووى لما تظبطها صح ويكون فيها تكيف وباور وقاعده موريحه وماتور قوى يساعدك وقت اللزوم و كمان هتبقى احلى كمان من العربيات الحديثه غير كده ده قلك ازاى تظبط كل حاجه فيها من الالف الى الياء فنصيحتى اخى الغالى لو غاو ومعاك تصرف هتجيب اى عربيه تعبانه مش مهم موتور ومش مهم فرش وصالون ومش مهم اى حاجه نهائى اهم حاجه بس انك تجيب عربيه الشاسيه بتاعه سليم ولا يكون فيها لحامات فى قايم ولا بتاع اهم حاجة وانت بتشترى تعمل حسابك انك بتشترى شاسيه بس واكييد هيبقى ارخص من 20 الف اللى انت بتقول عليها بكتييير و تجيب العربيه تروح تفككها وترمى كل حاجه فيها الماتور بقى والكاوتش و كل حاجه فى العربيه ترميها بس خلى الماتور معاك علشان بعد ما تركب ماتور جديد وهتروح ترخص لازم الماتور القديم يبقى معاك ياما مش هيرخصولك العربيه وتشترى كله جديد تشترى ماتور استيراد بتكيفه بباوره وتعمله عمرة علشان يبقى كانه جديد نوفى وتشترى عفشه كامله جديده تماما وتظبط صالوون جديد تماما وضفيرة جديده تماما و تظبط سمكرة بقى من الالف الى الياء و تظبط دهانات بقى وهوب انذار وسنتر و ازاز كهربا للاربع ابواب و تعزل العربيه صح الصح بعوازل علشان الصوت والحرارة اللى بتيجى من بره وكله جديد فى جديد وبعد ما تظبط العربيه روح وخد معاك الماتور القديم ورخص العربيه من هنا وهوووب كل الحاجات القديمة اللى انت فككتها من العربيه روح بيعها لو جابتلك اى حاجه يبقى اشطه بس يا باشا كل اللى بقولك عليه ده هو مش صعب خالص هو عبارة عن فلوس ولازم الفلوس تكفى كل حاجه هتعملها علشان لو عملت حاجه وحاجه لا او الفلوس مكفتش هتتعب لازم تبقى عامل حسابك على كل حاجه من قبل ما تعمل اى حاجه ومعنى ان حضرتك عملت كل اللى فات ده وخلاص خلصت العربيه بجد هتحس ان معاك عربيه احسن من اى عربيه حديثه بمعنى الكلمه فى كل شىء قوة ومتانه وراحه ورفاهيه ومش هتتعب مع عربيه زى ديه ابدا وربنا يعينك

[ahmedrampoo]

ياجماعو لوسمحتوا انا عايز عربية فيات 132 تكون 2000 سي سي وموديل 80 او اكتر وتكون بحالة كويسة لو حد عندة عربية للبيع :w6w200504112 236376d

[ahmed_zamalek7]

انا بشوف ناس راكبه العربيه ديه وظبطها صح انت ممكن تجيب من الاخر وتنجز وتروح الحرفيين فى ناس هناك مخصوصه للتظبيط انزل وخد فكره دول ممكن يعملو ليك تابلوه جديده وتركب فى دى فى دى مثلا وفى ناس بتغير فرش الباب يعنى تعمل سنتر وحوارات فيه واعرف التكلفه وربنا يوفقكك هى فكره جامده الصراحه بس اهم حاجه العزل فى العربيه تجيب احسن حاجه اصل وش صوت الموتور مش هيبقى هادى زى الجديد والتكييف اعتقد العربيه تستحمل موتور قوى ومتنساش تبقى تركب عازل حرارى انا سئلت عليه على عربيتى قالى هتتكلف 1500 ده امريكى شفاف يعنى المرور مش هيكلم وانت اكيد هتبقى ارخص من 1500 المهم ده يظبطك قوى فى التكييف عشان بيقلل الحراراه جوه العربيه غير بقى عده الصوت وربنا يوفقك بس نصيحه بلاش الالوان الغربيه الناس بتحطها التلاقى داهن اخضر ولا لبنى والوان تلاقى كله بيبص عليك وفى موضوع كان عن العزل فى المنتدى ابحث عنه كان عن انواع المواد العازل للصوت والحراره بس فعلا هتحس انك راكب عربيه فخامه وراحه ورفاهيه وقوه