|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#6
|
|
رد: مشكله بقرابه المياة والردارتير
شوف معايا الصورة دي: المية لما بتسخن بتتمدد (زي أي حاجة بتسخن) .. وكمان بيتولد ضغط عالى جوه دايرة التبريد... ولو فضلت المية بالوضع ده ممكن يحصل تسريب من أضعف نقطة في الدايرة عشان كده غطاء الرادياتير بيتعمل فيه سوستة تسرب الضغط الزائد (ومعاه شوية بخار ميه) ويتحوش كل ده في القربة وبعدين لما العربية تبرد.. ضغط الميه بيقل ويبدأ يشفط من القربة، والمية اللي طلعت ترجع تاني في الحالة دي... المفروض المية ما تنقصش في الرادياتير، إلا إذا كان عندك عيب في غطا الرادياتير أو في تسريب في الدايرة غطا القربة في العربيات اللي فيها غطا رادياتير مهمته هي مجرد الحافاظ على المية إنها تخرج من القربة أثناء حركة العربية ويقلل من التبخر العادي اللي بيحصل لو سبنا القربة مكشوفة إنما في العربيات اللي مافيهاش غطا رادياتير، فغطا القربة مهمته الحفاظ على الضغط داخل دايرة التبريد إنما بالنسبة لموضوع إن العربية ما بتسخنش كويس، فده سببه عدم وجود ثرموستات الكوعة، وما لوش علاقة بإن مروحة الموتور شغالة علطول أو لأ معلش... شوف معايا الصور دي كمان: ثرموستات الكوعة هو عبارة عن "محبس"، مهمته إنه يتحكم في وصول المياه للرادياتير، يعني لما العربية تبقى باردة يمنع وصول المياه للرادياتير عشان الموتور يسخن بسرعة وياخد وضع التشغيل بأسرع وقت، ولما المياه تسخن يبدأ يفتح السكة للرادياتير عشان يبردها، وبكده يحافظ على درجة حرارة ثابتة للتشغيل إلغاء الثرموستات ده اختراع من الميكانيكيين المصريين عشان يريحو دماغهم من مشاكل سخونية العربيات، يمكن يبقى له أسبابه لما قطع الغيار ما تبقاش موجودة. لو عرفت الفايدة من ثرموستات الكوعة هتعرف ينفع نشيله ولا لأ ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية طيب ليه درجة حرارة التشغيل لازم تبقى ثابتة؟؟ الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. وده بيعمل تآكل ما بين الشمايز والبساتم وعمود الكرنك ده غير إن الزيت ما بيكونش وصل للزوجة الصحيحة للتزييت. من الآخر... الموتور البارد موتور بيفوت بسرعة. ده غير إنك في الشتا لو سقت على طريق سريع ... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان. يعني... لما تشيل الثرموستات.. هتفوت موتورك وتصرف فلوس زيادة على البنزين وكمان مش هـتتمتع بأداء العربية ده شكل ثرموستات الكوعة بتاع اللادا وآسف للإطالة ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه |
#7
|
||||
|
||||
رد: مشكله بقرابه المياة والردارتير
واللهى يا باشا بجد حضرتك أفدتنى كتير جدا بس فى نقطة حضرتك نسيتها هى أن الردارتير بيجيب هواء هل ده جوان وش السلندر عايز يتغير ولا أقرط عليه أربطه وبالنسبة لموضوع أن المروحة من غير ثرومثتات أنا أشتريت السيارة كده وبالنسبة للثرومثتات داخل كوعة المياة اللى بتبقى داخل العربية بيتهيالى أنها جاى من روسية يعنى مش مظبوطة على الجو بتاعنا وفيدتها أنها زى ما حضرتك قولت تسخن السيارة فى أقصر وقت ممكن علشان روسيا كلها ثلج وجو بارد يصل الى 30- تحت الصفر يعنى أكتر من الفريزر هل يوجد كوعه مياة بها ثرومثتات تشتغل فى الجو بتاعنا أحنا مصر 25 - 28 - ولغاية 32 - 33 درجة مئوية الثرومثتات اللى فى العربيات الروسى مظبوطة على بلادهم مش بلادنا.
وأنا فعلا يا باشا بجد أستفدت من حضرتك وأرجو أنى مكونش ضيقت حضرتك بكلامى بس انا قولت نتبادل وجهات النظر لايفسد للود قضية وأرجو أن نتناقش مع حضرتك فى كل ما تعرفه عن السيارة لادا. ملحوظة : أنا عمتا مش مقتنع بأن العربية تبقى مروحة دريك الأفضل على ثرومثتات أفضل حرارة تشغيل للمحركات القديمة يترواح ما بين 75 - 90 درجة مئوية ده بالنسبة للسيارات القديمة السيارات الحديثة أفضل حرارة تشغيل للمحركات الحديثة يترواح ما بين 90 - 120 درجة مئوية. أخوك محمد :Wkis s5: |
#8
|
|
رد: مشكله بقرابه المياة والردارتير
خطأ شائع إن: "ثرموستات الكوعة مخصص للدول الباردة" حضرتك ما دايقتنيش ولا حاجة... بس فعلا اللي حضرتك بتقوله ده خطأ شائع بين معظم المصريين بسبب إن الميكانيكية عايزين يكبروا دماغهم من مشاكل السخونية... وخصوصا إن قطع الغيار كانت شحيحة في الستينات والسبعينات.. أيام ما موضة شيل الثرموستات دي طلعت عايز أقوللك إن الدول اللي الجو عندهم بارد مشاكلهم في المية مش الثرموستات... لإن المية بتجمد في الشتاء، وحتى لو الثرموستات موجود وشغال كويس، المية بتبقى متجمدة في الرادياتير ... وبرضو الموتور بيجيب وش سلندر علشان بيسخن ومفيش ميه دخلت تبرده (ماهي متجمدة في الرادياتير) المشكلة دي بتتحل عندهم بإنهم يحطو مية خضرا في الرادياتير إنما ثرموستات الكوعة شغلته إنه يحافظ على درجة حرارة التشغيل ثابتة من غير تأثر بالجو الخارجي، يعني لما تمشي في الزحمة العربية ما تسخنش، ولما تسوق على الصحراوي العربية ما تبردش. كون إن العربية مش بتسخن بسرعة ده مش ميزة... ده عيب ... زيه زي سخونية العربية.... بس زي ما قلت قبل كده... تأثيره مش بتحسه مباشرة... إنما هتضطر تعمر موتورك قريب وأكبر إثبات على كلامي... ليه العربيات في الخليج (اللي جوهم أحر جو في العالم) ما بيشيلوش الثرموستات من عربياتهم؟؟؟؟؟ لإن ببساطة.... ثرموستات الكوعة مظبوط على درجة حرارة التشغيل... مش درجة حرارة الجو، فمهما اتغيرت درجة حرارة الجو ساقع أو سخن... هيفضل الموتور سخن ويديك أعلى كفاءة تشغيل وعمره يطول. على فكرة ... الفرق ما بين الدول الباردة والساخنة في دايرة التبريد بيبقى في الرادياتير... مش في الثرموستات بالنسبة لموضوع فقاقيع الهوا... معتقدش إن عندك مشكلة أساسا، لإنك ما جبتش سيرة إن المية بتنقص.... على فكرة ... لو الجوان مش مربوط مش حيدخل هوا في الدايرة... بالعكس... المية هي اللي هتخرج عشان ضغطها أعلى.... عمرك شفت خرطوم جنينية مخروم بيدخله هوا؟؟؟ أكيد لأ... ده بيغرق الدنيا حواليه موضوع الهوا ده غالبا بيبقى بسبب طلمبة المية... الطلمبة مع الضغط العالي ممكن تعمل فقاقيع الهواء اللي حضرتك بتقول عليها دي... عموما اكشف عليها وشوف إذا كان في منها تسريب ولا لأ.
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه |
#9
|
||||
|
||||
رد: مشكله بقرابه المياة والردارتير
[QUOTE=محمد حسن عبد الرحمن;734507]
ايوة يا باشا ولما أفتح الردراتير القى فقاقيع هواء صغيرة جدا داخل الردراتير بس من كام يوم كان عندى مشكلة فى خرطوم الماء الواصل من طرمبة المياة الى كوعة المياة والمياة كانت بتنقص ياما وكانت القربة بتسحب مياة وتديها للردارتير عادى ويريت يا باشا تقولى ايه العدة الخاصة بتربيط جوان وش السلندر وسؤال أحتمال يكون سخيف هى مسامير جوان وش السلندر فى محرك لادا لازم تفك غطاء التكيهات لكى تصل الى مسامير جوان وش السلندر وسؤال آخر لو فكيت غطاء التاكيهات علشان أربط جوان وش السلندر لازم أظبط تاكيهات بعد كده ولازم أغير جوان تاكيهات. والف شكر ليك يا باشا وفى أنتظر رد حضرتك. أخوك محمد :120105~3 52: [/QUOTE] لا شكر على واجب يا أ\ محمد حاول تروح لميكانيكى بعد ماتجرب تغيير غطا الردياتير والقربة بواحد أصلى وخلى بالك علشان تقرط ع الوش لازم تظبط التاكيهات وتغيير جوان غطا التاكيهات سواء كاوتش او فلين لتجنب تسريب الزيت كإجراء وقائى لكن لو لسة جديد ممكن ينفع يركب تانى والميكانيكى برضو له نظره فى الموضوع انا ماشفتش العربية |
#10
|
||||
|
||||
رد: مشكله بقرابه المياة والردارتير
حاول تروح لميكانيكى بعد ماتجرب تغيير غطا الردياتير والقربة بواحد أصلى وخلى بالك علشان تقرط ع الوش لازم تظبط التاكيهات وتغيير جوان غطا التاكيهات سواء كاوتش او فلين لتجنب تسريب الزيت كإجراء وقائى لكن لو لسة جديد ممكن ينفع يركب تانى والميكانيكى برضو له نظره فى الموضوع انا ماشفتش العربية[/QUOTE] واللهى يا باشا مش عارف أشكر حضرتك أزاى لكم المعلومات الوفيرة وحسن تعاون حضرت معايا الف شكر لحضرتك.
أخوك محمد : balloons71: :GR OWIN~12: : CONGRA~238: |
|
|