الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

[tham1010]

المشاركة الأصلية كتبت بواسطة abooead بقى شفيق بيمثل الدوله المدنيه هههههه فعلا عكاشه بوظ دماغكم على الاخر ياباشا شفيق يمثل الدولع العسكريه وهى عكس الدوله المدنيه

وهل مرسى يمثل الدولة المدنية؟ يا راجل مرسى قالها صريحة " أنا هعملها دولة دينية ذى ما تكون البلد التى أشتراها له السيد الوالد قبل ما يموت" هل الدولة الدينية أفضل من العسكرية؟ طبعا لا يا أخى.

الخارج على الدولة العسكرية هيكون ثائر مثل ثوار يناير. ولكن الخارج على الدولة الدينية هو خروج على الحكام الذى يجب أن يعاقب لانه يعس فى الأرض فسادا فيجب أن يقطعوا ويصلبوا أو تقطع أيديهم وأرجلهم من خلاف أو ينفوا من الأرض.

[tham1010]

المشاركة الأصلية كتبت بواسطة abooead واقف بطوله ههههههههههههه فعلا بأمارة رجال الحزب الواطى الى وراه ورجالة امن الدوله اصحه وفوق من النوم قال واقف بطوله قال لو واقف بطوله مكنش اخد غير جزمه واحده بس

يا أخى أنت عارف الحكاية عاملة زى أيه. زى ما بتروح تشترى عربية والبائع يقول لك العربية دى عطلانة وأنا هبعها على إنها عطلانة مش بتتحرك. وتروح لواحد تانى يقول لك العربية دى ممكن تعطل فى المستقبل لان فيها قطع غيار مش أصلية وبتصصلح فى مراكز مش معتمدة. أنت لو مجبر تشترى واحدة من الأثنين نشترى أيهما. طبعا هتاخد الشغالة لان اللى واقفة مش منها امل. أما الشغالة هتقول "ربنا يستر ويمكن تطلع كويسة وقطع الغيار تعيش فيها" أحنا دلوقتى كشعب فى نفس الموقف دة. قدمنا مرسى اللى بيقول أنا بتاع الدولة الدينية، وأنا من الأخوان ولا يمكن هتبرأ منهم، وعندنا نظام الخلافة، وأحنا أتظلمنا كثير وجاء الوقت اللى نعيش فيه به. فى المقابل هنجد شفيق الذى ممكن المستقبل يثبت انه مش وحش قوى زى ما الناس فهمة. هو قال عاوز دولة مدنية، ومصر فوق كل شئ، ولا عودة للنظام السابق لان ما فات قد مات. أحنا بنمشى وراء الامل ولكن اللى بيختار مرسى بيكون محدد اللى عوزة. مرسى لا يمكن يجى فى يوم ويقول لك أنا هعمل الدولة مدنيةـ، لا يمكن هيقول لك أنا هسجن الأخوان لو أنحرفوا عن السبيل الصحيح، ولا يمكن هيخرج على المرشد، ولا يمكن هينسى أنه لابد من التنسيق بين أعضاء الأخوان حول العالم، ولا يمكن يقف فى وجه حماس لو أستغلوا حدود مصر وهربوا السلاح والعربيات المسروقة منها، ولا يمكن هيسيب الحكم لغير الإخوان. أنت مخدش بالك من حركة إسقاط الأحكام السياسية ولا أيه. دة خطوة بيظهروا فيها أسماء كثيرة كانت لها قضايا تمهيدا لإنخراطهم فى العمل السياسى.

إذا نحن أمام واحد محدد تماما هو أيه وعاوز ايه ( مرسى)، أمام واحد ممكن يكون عكس ما نحن نظن.

أقول لك فكرة، تعالى نفرض أن شفيق دة خرج من الحكومة مثلا قبل يناير بشهر مثلا ونزل لك بشخصة. وتعال نفترض أن مرسى مش تبع الأخوان خالص ولا بينادى بالدولة الدينية. حاول تتخيل كدة الأثنين أمامك بشكلهم ومؤهلاتهم وخبراتهم. حاول توزنهم كدة كأشخاص. كفة مين هترجح أمامك. مش ممكن أن كل فريق بيخوف التانى من حاجة يعنى جبه شفيق بتخوف الناس من الأخوان وجبىة الأخوان بتخوف الناس من الفلول. ويمكن لا يكون دة يخوف ولا دة يخوف ويطلع كلنا غلطنين فى حق الأثنين. اوزن الأثنين بميزان الشخص والشخصية وأبعادها وخبراتها وقولى رأيك....

[ahmed_zamalek7]

كل واحد حر مهو الحاطط صوره حمدين كان حد علق عليه وهو فى نظرى مثلا راجل فاشل وهيبوظ البلد ديه حريه شخصيه اليحط صوره شفيق او حسنى مبارك حتى كل واحد حر

[nktis]

متابع...
ليه تعليق...انا عن نفسي لا اشكك في نزاهه شفيق والله اعلم منا بيه...يمكن يكون الراجل مظلوم.؟.بس الفكره اننا عايزين نغير نظام حكم ونجرب نظام جديد...
يعني بالعقل عملنا ثوره عشان نشيل الرئيس ونجيب رئيس وزراءه وكمان طيار ...حاجه تجيب الاحباط والتشاؤم...
هتقولوا اصل الاخوان ملهمش في السياسه والدوله الدينيه..............الخ. ..
الاخوان طول عمرهم شغالين سياسه بس النظام كان كابس علي انفاسهم...
بالنسبه للدوله الدينيه فلا اعتقد ان الاخوان ممكن يقدموا عليها ..؟ وان ارادوا تطبيق الشريعه فالبنسبه للاقباط فعندهم شريعتهم يحتكموا اليها....
طيب...ليه الاقباط اللي معارضين تطبيق الشريعه بياخدوا بشريعتنا للاحتكام بينهم في المواريث.؟.
اخيرااا...بتاع الاخوان نازل ببرنامج جامد ووراه حزب معاه فلوس ...نسيبهم الاربع سنوات يطحنوا نفسهم ويصرفوا ويبنوا مصانع وبعد كدا مع السلامه لو معجبوناش...صح ولا ايه.؟.

[mhamdy75]

ملخص مؤتمرات شفيق

بواسطة: شروق
بتاريخ: الأربعاء، 6 يونيو 2012 - 20:36

1- مفيش اقصاء لاى قوى سياسية ولن يسجن سياسى او صاحب رأى حنموتهم على طول هوا احنا فاضيين ولا عندى سجون كفاية للناس دى كلها .

2- حرق مقاراتى لايعنى حرق احمد شفيق لأنى حرقت واتحرقت قبل كده .
...
3- منهج الاخوان التزييف ويتاجرون بالدين اما انا حشيّتلكوا المنهج وفى الاخر انا بس اللى حنجح .

4- انا مش حرجع النظام السابق لأنو مسقطش عشان يرجع .

5- اما مش حذف ايات القرآن انا ححذفكم انتم شخصيا .

6- انا تاريخى واضح ومعروف (سرقة المطار ، بيع اراضى الدولة ، موقعة جمل ، حرق ملفات امن الدولة ، تهريب الفلوس برة) يعنى كفاءة .

7- الاخوان حيأكلوكم عيش بلدى انا حأكلكم باتيه وكرواسون .

8- الاخوان حيرجعوكم لورا انا حطيركم لفوق ..آه اماااااااااال .

9- الاخوان حيجبولكم المرشد انا حجيبلكم البراعم جمال وعلاء مبارك متعودين عليهم ومجربينهم واللى نعرفه احسن من اللى منعرفوش .

10- بطمن كل ام ان مش حلاحق ابنها اللى بيختلف معايا و ان شاء الله يكتب مع النبيين والصدقيين ويكون سبب فى دخولها الجنة .

11- انا موافق على وثيقة العهد اللى انتو عرضتوها وحتنتهى اول مامسك الحكم اما الاخوان لسه بيفكرو فيها .

12- حتنازل عن البلاغات المقدمة ضد الناس اللى حرقت مقاراتى بس لما اكسب حنفخهم

13- انا حضمن حقوق الشهداء اللى انا قتلتهم برقبتى ومبارك والعادلى حيطلعوا براءة بالقانون اللى بنحترمه ومفيش دية عكس موقف الاخوان الذين طالبوهم بالتنازل عن حقوقهم مقابل الدية .

14- اختارو لمصر رئيس خبرة دانا عاشرت المشير 21 سنة .

15- الاخوان عايزنها دولة اخوانية ايرانية افغانية وانا عايزها دولة شفشيقية صومالية .

16- الاخوان يتهمون الاقباط بالخيانة ويبتزوهم اما انا بفجرلهم كنايس علطول .

17- الاخوان هم النظام السابق اما انا على نظام حكاوى فريندز .

18- لقد سمعت نداء التغيير فى مصر فقمت بسرعة غيرت البدلة العسكرية ولبستلكوا البلوفر .

19- انا حرجعلكم ثورتكم اللى سرقوها الاخوان منكم وبعدين اخدها اشيلهالكم عندى عشان محدش يضحك عليكم تانى .

20- شباب الثورة حيشاركونى فى الحكم بس لسه مستقرتش البنبونى بالفراولة ولا النعناع .

21- الاخوان داخلين من الشباك وعايزين يغتصبوا الثورة اما انا داخل من الباب وطالب القرب منها .

22- سألغى الديون عن الفلاحين اما الاخوان حيجيبوا عبد الواحد والكرباج وحيرصوا الفلاحين وهاتك ياضرب .

23- انا حلغى مديونية التاكسى الابيض والاخوان حيركبونا حناطير واركب الحنطور واتحنطر

24- انا خلى مصر دولة عصرية حتى شوفوا المطار وقارن بينه وبين موقف العاشر ولا عبود مش احسن من الاخوان اللى مبيعرفوش حتى يطيروا طيارة ورق .

25- انا حرجع الامن فى 24 ساعة بعد مالرجالة خرجت امبارح هما بأه حنبوظلهم اى فرصة لرجوع الامن .

26- الاخوان بيدعو للتظاهر اما انا حجيبلكم الاستقرار و عجلة الانتاج لحد عندكوا وفى تاكسى .

27 -انا حخليلكم مصر كما يريدها الشعب فى خلال 4 سنوات القادمة اما باقى ال30 سنة خلوها عليا .

28- انا بحب فيلم بخيت وعديلة والاخوان بيحبو التعذيب وفيلم احنا بتوع الاتوبيس .

29- انا قتلت واتقتلت هما بيتقتلوا بس .

30- انا بسعى للتقدم وجيت نورت البيت ولبسى جامد تنين وابن ناس خالص اما الاخوان بيسعوا للتخلف وحيسكنونا فى اكواخ وخيم ولبسهم مش كاجوال خالص وولاد تيت .

31- انا بعرف ابرر واقول مبررة انا جامد فحت هما مش بيعرفوا.

32- أنا دايما بقول إيه .. إيه ..!؟ وده بيدل انى بفكر تفكير عميق قبل ما اتكلم مش زيهم لكلك كتير

33- أنا ابن 25 يناير والاخوان أصلا هما أولاد مبارك وأنا اعتصمت فى خيمة مستخبية بميدان التحرير فى التمناشر يوم بتوع الثورة

34- وكمان أى حد مخنوق من الاخوان زيى لازم ينتخبنى لأنى هدخلهم كلهم السجن وهدخلكوا انتو كمان