ليه اللى بيحصل ده ؟؟

[خالد الجوكر]

المشاركة الأصلية كتبت بواسطة amr elsisi 1 راجع علي الموبينة والمارش

لا يا استاذ عمر الموبينه والمارش تمام بس انا ف اخر مره عطلت منى لما الميكانيكى جه يدورها قالى بقت تمام وبتاع بس فى مشكله عندى

البنزين بيسيل من الكربراتير وعايز يغير جوانى نص ودايماً ديماً بتشرق وانا لما بتسخن وافتح الكبوت واجى ادور والبنزين سايل بتولع من جنب الكربراتير كده فبضطر استنا تهدى شويه والبنزين اللى عليها يهدى ويبطل ينزل وادور بتدور بس بتبقا بتقطع وشرقانه بفضل مغذى بنزين لغاية ما تظبط وتمشى كويس

وربنا يعدينا منها على خير واغيره وارتاح بقا منها انا بقيت بخاف امشى بيها على فكره ومستنى اخلص شغلى ده او احاول افضى نفسى شويه كده واعملها جرررررررررى

[احمد على 1999]

احتمال المشكلة في الراجع بسبب ابرة الكاربراتير او العوامة

[خالد الجوكر]

المشاركة الأصلية كتبت بواسطة احمد على 1999 احتمال المشكلة في الراجع بسبب ابرة الكاربراتير او العوامة

مهو يا استاذ احمد ده اللى اتقالى من الميكانيكى اللى جه يدورها بيقلى الابره معلقه تقريباً او حاجه زى كده وقالى مش هتبطل تانى وعطلت تانى بنفس الطريقه مع الشرقه مش عارف بتشرق ليه

المهم هو قالى السيلان ده هيه عايزه جوانى نص وانا ان شاء الله احتمال بكره اروح اعمله مش عارف ايه جوانى نص ده بيقلى تحت الكربراتير والعربيه بقت بترج جامد ف اول الدوراه وانا بسخن بلاقى المكنه بترج جامد مش عارف ربنا يستر ومتفتحش ع البحرى اصلها مش ناقصه

[احمد على 1999]

يا رب خير بسيطة ان شاء الله
الموضوع مش حيخرج عن الكربراتير يا مسهل الحال

[حسام البورسعيدى]

اول حاجه صلح الريدياتير واتاكد من انه بقى تمام علشان تعالج موضوع السخونه وتخلى الامبير ما يعديش النص فى اى ظرف من الظروف سواء الصبح او بالليل فى زحمه او غيره ...

لو استمر تنتيش العربية لما تسخن يبقى ده عيب الموبينه وغالبا هى موبينه الكترونى .. وحلها تغييرها بواحده تكون نضيفه ..

وخللى بالك اوعى تسافر بيها على كده وخصوصا العريش .. الطريق كله صحرا وهناك مفيش غير كام ورشه بس .. يعنى لو عطلت بيك هناك هتحتاس ولو عطلت على طريق العريش كل سنه وانت طيب .. بعد الشر عليك وعلى العربية طبعا .....