ما الفرق بين الجنط والكاوتش العادى ؟؟؟

[Hisham.Elgazzar]

المشاركة الأصلية كتبت بواسطة momen_bondok انا متشكر جداً على فيض المعلومات الجميلة دة وما إستخلصتة من المشاركات إن الكاوتش العادى أفضل من حيث المتانة والتحمل على الطريق وما الجنوط إلا مظهر بالدرجة الأولى تليها خفية الوزن والثبات ولكن يبقى سؤال ما هى الامور التى يجب على من أراد شراء جنوط مراعاتها عند الشراء

التايوانى والتايلاندى لا يعلى عليهم الصراحة
ومش شرط يكونوا اخف من الحديد بل العكس
واهم حاجة التصميم مايكونش عريض لما تركب الكاوتش يحك ونتا بتلف
واهم حاجة المسامير او الجوايط تكون تمام وطبعا العفشة عشان منظلمش الجنوط
ومش شرط تجيب كاوتش جديد لو اللى عندك تمام وتيوبلس بس العيب فى الجنوط الحديد
انا الحمدلله عامل أبونيه دلوقتى عند بتوع الكاوتش - بسبب الكاوتش المستعمل والجنوط الحديد اللى عندى

[Hisham.Elgazzar]

المشاركة الأصلية كتبت بواسطة handtools123 وبعدين الجنط العادى سعره رخيص وحديد ويستحمل ولو أتلوح بسهوله تعدله عند الراجل بتاع الملك الصالح ويرشهوملك نيكل لو مصدى وهات طاسات حلوة وركبها عليهم وأربطها بأبزيم عشان ولاد التيييييييييييييييييييييي ييييييييييييييييييييييييي يييييييييييييت

المشكلة يا مستر HandTools123 انه الجنط لما بيصدى من جوا وده بسبب انه حديد ومع الظروف الجوية وإستخدام الهوا العادى بدل النيتروجين بيتكثف مياة داخل الجنط بيسبب الصدأ والتأكل - وبالتالى الجنط ينفس
انا اشتريت جنط حديد جديد من عند بتاع قطع الغيار ولما روحت اركب الكاوتش وحطيته على مكنة الترصيص لقيت الجنط بايظ
وصعب تجيب جنط حديد دلوقتى ينفع يشتغل معاك تيوبلس كل ده ضحك على الدقون وتضييع فلوس
اما بالنسبة للطاسات سألت عليها
الطقم بيعمل 150 جنية و الحجات المضروبة ب 90 جنيه
العيال السريحة بتوع الزبالة بيقصوا الكوليه اللى بتربط بيه الطاسه بنفس المفك اللى بينطر بيه الطاسة من على الجنط والموضوع مش بياخد 5 ثوانى يبقى برضو تضييع فلوس على الفاضى

الخلاصة وأنا آسف انى طولت عليك :
طقم جنط محترم تايوانى - تايلاندى - صينى (LM)
الكاوتش حسب حالة اللى عندك لو ينفع تركبه على ماتفرج أو تشترى جديد
المسامير والرينجات أو الجوايط والصواميل ويا سلام لو تخلى صامولة منهم بمفتاح ألنكيه (نجمة) دى بقى محدش هيعرف يسرقها
وتملى تغطى العربية عشان متلفتش النظر ليها وبالتوفيق بإذن الله
تقبل مرورى

[Hisham.Elgazzar]

[Neo206]

[handtools123]

هشام باشا أزى حضرتك الأول Hisham.Elgazzar
أنا كنت مريت بمشكلة التيوبلس مع الجنط الحديد وعندك حق كان كل شوية يحصل تسريب فى الهوا من الجنط فريحت دماغى وركبت كوتش داخلى لكل فرده ب 30 ج والصراحة ماشية كويس ومحدش أيعرف ينصب عليا فى الأخرام بتاعة الكاوتش عشان انتا عارف بتوع الكاوتش يقولك دى العجله فيها 15 خرم ولا 10 أخرام ويبوظلك العجله فأنا من رأيى الناس اللى على أدها زى حالاتى ومعهاش فلوس دلوئتى تجيب جنوط كويسة وغالية 2000 أقل واجب ده غير تمن الكاوتش الجديد تعمل زى ما أنا عملت تركب كاوتش داخلى لحد ما ربنا يفرجها
وأخيرا أشكرك مستر Hisham.Elgazzar على المعلومات القيمه