فقط بـــ100 جنيه مصري بس ظبط عربيتك جامد

[mijodian]

المشاركة الأصلية كتبت بواسطة momsam شكرا على الافادة وردك محترم جدا بس يا جماعة خدوا بالكم متكتروش من النواكل احسن العربية تقلب تبقى زى الميكروباصات كفانا الله الشر

العفو تحت امرك ... والله انا مش بحب النواكل اوي لانها بتلمع بزياده ومش بتمشي علي اي لون بس فيه ناس بيحطوها للحمايه مع انها لو ضغط عليها بايدك هتتكسر

[mijodian]

المشاركة الأصلية كتبت بواسطة abosyam الف شكر على النصيحة دى بس انا شايف ان الموضوع هيوصل ل150 بالتركيب وجازاك اللة خيرا

لا ابدا كل اللي فات ده انت ممكن تركبه بنفسك ماعدا بس التفييم ولو بتعرف تعمله ممكن برده لانه بمسطره وشويه ميه تنظيف زجاج مش قضيه برده وان شاء الله تحس بالفرق الطفيف للعربية

[mijodian]

المشاركة الأصلية كتبت بواسطة فادي مكرم الله ينور تسلم ايدك

شكرا الله يخليك

[Dr. Mostafa El Nazer]

المشاركة الأصلية كتبت بواسطة mijodian السلام عليكم انا لفيت كتير في اكسسوارت السيارات وشوفت وعرفت الحاجات الانسب للعربية هقولك شوية حاجات وسعرها من اي مكان ده اعلي سعر اللي هقوله عشان فيه اسعار اقل اول حاجه الفاميه هتفيم العربية مثلثات فقط اللي علي جانبي عربيتك ورا الابواب الخلفية هتكلفك حسب عربيتك الجزئين من 5-10 جنيه نصيحة : مش تفيم الازاز الخلفي ولا الامامي ولا اي ازاز لان المرور هيوقفك وهيخليك تنزله كله ده لو مرضوش ياخدو فلوس طبعا ستارة كاشفة فيه ستاره عمودين بسعر 25 جنيه وفيه منها ب 60 بس هات اللي ب25 هتعيش زي ال60 واحسن وهي هتبقي ورا علي الازاز كانك فيمت الازاز طبعا لحماية الكراسي الخلفية من الشمس تغيير لون التابلوه و العداد للثلجي هتجيب 4 لمبات بسعر 10 ج صيني لان مفيش غيره بس هاتها ن غير كعب وهتغيرهم مكان اللمبات الموجوده في العربية تغيير فوانيس الظل الاساسية للعربية الفانوس اللي بيتفتح مع التابلوه اول تكه بس مش العالي ولا المتوسط النور ده هتجيب لمبتين بسعر 5 جنيه بس وهتدي شكل تحفة الطاره - الدريكسيون هتجيب كوفر جلد سعره بيبدا من 20حد 40 واحسن شيء اللي هو ب20 جنيه يستحمل بيكون كوفر جلد حلو جدا بيديك احساس مختلف للعربية وضع حامل موبايل في السيارة هتجيب حامل لزق للسيارة للموبايل ده جميل اكسسوارات برده بس مهمه كل ده وانا عارف انه ناس هتقول مش اكسسوار انا بتكلم لو عربيتك مفيهاش اي حاجه او شاري مستعمل جديد وعايز تروش العربية شوية ده سعره 10 ج من اي محل موبايلات عطر التكييف عطر التكييف هيكلفك 5 جنيه بس من اي موول محترم او اكسسوارت عربيات برده احسب بقي كده معايا فاميه = 10 جنيه ستارة = 25 جنيه لون التابلوه = 10 جنيه فوانيس الظل = 5 جنيه الدريسكيون = 20 جنيه موبايل = 10 جنيه كده 80 جنيه مصري بالتمام والكمال وقول 10 جنيه مصنعيه للكهرباءي اللي هيغير اللمبات وده حد اقصي وقول 10 جنيه فرق في الاسعار كمان يبقو 100 جنيه بس العربيه هتكون مختلفه وهتحس انك راكب عربيه محترمه انا عملت ده في عربيني كنت جايبها كركوبه مستعملة لانسر 93 بطة نبيتي والموضوع ده جربته مع اصحاب كتير عربياتهم مختلفه بس افضل الوان ده النبيتي - الابيض - الاحمر - الاصفر - الاسود وحسب الزوق تحت امركم ويارب يكون الموضوع مفيد انا بتكلم في اللي عايز يروشن العربيه ومش عايز يصرف طبعا اصحاب الخبره عارفين ان فيه جنوط ب 900 ج بس لوحدها وغيره بس انا قولت اجيب اكتر حاجات وتفرق في شكل العربيه وروح العربيه جدا وفي نفس الوقت مش عك دي حاجات بسيطه وجميله هتغير مذاق القياده لديك ان شاء الله ارجو افادتكم تحياتي

الله ينور ... تسلم ايدك

[HaMaDa-ToUBaR]

تسلم ايدك كلامك جميل جدا وشغل فعلا بيفرق فى العربية وبيغير الوضع بالرغم من بساطتة