هتجن :استهلاك البنزين صدمنى !!!

[ahmed_eng2001]

رأى الخوة الاعضاء اكثر من رائع ..... و المشكلة مش حتخرج عن الى ذكروه ان شاء الله

الى حصل معايا قبل كدة ان الماسورة الى داخلة على الكاربراتير بدات فى تسريب البنزين .... و طبعا البنزين ده كان بيتبخر على طول من حرارة المحرك

الاستهلاك الى حضرتك ذكرته فى البداية .. اعتقد ان ده استهلاك ال 6 سلندر

[ahmedraafat00]

المشاركة الأصلية كتبت بواسطة borio1704 من اللي حضرتك بتوصفه... فيه احتمال لكذا حاجة طريقة السواقة عادية من وجهة نظري... ما تعملش كل الفرق ده.... إنما حكاية التسخين دي 3 مرات في الأسبوع... دي أكيد ليها تأثير... أتوقع أنك ممكن تستهلك من ربع إلى نص لتر في كل مرة من غير أي تغيير في عداد الكيلومتر، يعني حوالي 1 إلى 2 لتر في الأسبوع استهلاك بنزين بدون استفادة فعلية بس من المؤكد إن العربية فيها مشاكل تانية... عشان كده محتلجين نشيك على كذا حاجة: * دايرة البنزين مفيهاش تسريب... من أول التانك لحد الكاربيراتير أو الرشاشات * نسبة الخليط سليمة.... يعني الرشاشات سليمة / أو الكاربيراتير متعاير صح * توقيت الإشعال مظبوط * تاكيهات الموتور مظبوطة * مفيش أي معوقات للحركة... يعني فرامل قافشة مثلا... أو اسطوانة دبرياج مفوتة... أو عمود كردان معووج * ضغط الهواء في الإطارات مضبوط صح ومفيش كاوتش مهوي * زوايا العجل سليمة إيه تاني؟؟؟؟؟ مش عارف.. ده اللي جه في دماغي حاليا لو عايز تعرف طرق تانية لتوفير البنزين... ادخل على الموضوع ده: http://masrmotors.com/vb/showthread.php?t=61557 ...

شكرا يا باشا عالرد والاهتمام
طيب هل استهلاك البنزين فى التسخين من ربع الى نص لتر ده بالنسبه للعربيات ال1600 سى سى ولا ال2500 ؟ عشان لو حضرتك بتتكلم عال 1600 يبقى اعتقد انا ممكن الاستهلاك يكون الضعب يعنى مثلا لتر ولا حاجه وساعتها يبقى امر طبيعى ومقبول

هوه انا الخروجه الجايه هشيك على هوا كل الكاوتش و هزود زيت لانه ناقص شويه وهسوق بهدوء ومش هحرق ومش هسخن كتير وهشوف النتيجه هتبقى ايه لو فضلت نفس المشكله هتطر أسفا انى ألجأ للميكانيكى
بالنسبه للفرامل فهي كويسه والاسطوانه من حوالى شهرين الميكانيكى كان فاكك الفتيس وقالى كويسه بس غيرنا ديسك
وشكرا يا فندم على موضوع تقليل استهلاك البنزين الاكثر من رائع

[ahmedraafat00]

المشاركة الأصلية كتبت بواسطة ahmed_eng2001 رأى الخوة الاعضاء اكثر من رائع ..... و المشكلة مش حتخرج عن الى ذكروه ان شاء الله الى حصل معايا قبل كدة ان الماسورة الى داخلة على الكاربراتير بدات فى تسريب البنزين .... و طبعا البنزين ده كان بيتبخر على طول من حرارة المحرك الاستهلاك الى حضرتك ذكرته فى البداية .. اعتقد ان ده استهلاك ال 6 سلندر

شكرا يا استاذ احمد عالرد والاهتمام
لو روحت للميكانيكى هقوله يبيص عالماسوره دى برده
وبالنسبه للاستهلاك فانا قريت فى احد المنتديات ان جيب شيروكى اربعه سلندر 2500 يتراوح من 180 ل200 فى الصفيحه

[amr elsisi 1]

ربنا يعينك

[ahmed_eng2001]

المشاركة الأصلية كتبت بواسطة ahmedraafat00 شكرا يا استاذ احمد عالرد والاهتمام لو روحت للميكانيكى هقوله يبيص عالماسوره دى برده وبالنسبه للاستهلاك فانا قريت فى احد المنتديات ان جيب شيروكى اربعه سلندر 2500 يتراوح من 180 ل200 فى الصفيحه

لا شكر على واجب

عذرا ....
استهلاك الستة سلندر .... من 120 الى 160 لتر .... اعتذر عن الخطأ ده

ربنا يعينك .... و متستهونش بالموضوع ده .... لحسن يكون الكربيراتير بيسرب و لا حاجة يعمل مشكلة لا قدر الله