مشكله معقده في اوبل كورسا هاتشباك

[samehlila]

بسم الله الرحمن الرحيم
لمبة التشيك سليمة لاني لما بركب االتي بي اس بعدها بدقيقه بتطفي و انا اتأكدت من الوصلات و عملت سكان لاني عندي الكابلات و البرامج و مفيش اي error codes و عملت ريسيت احتياطي و برضه نفس المشكله انا شاكك ان الرشاش بيضخ بنزين زياده هجرب الاول اركب عليه مقاومة تقلل الفولت اللي داخل له علشان مايفتحش علي الآخر و بعدين هقول هنا عملت ايه و ايه اللي تم ان شاء الله

[احمد على 1999]

هو فى دخان بلون من الشاكمان ؟

[askafrawy]

طيب اخبار طلمبه البنزين ايه؟
لو تقدر تنزل بيها اسكندرية ممكن اوصفلك الميكانيكى البتعامل معاه بدل ماتغير كمبيوتر ورشاش ويفضل العيب موجود انا راى توصل للعيب عشان متغيرش حاجات كتير عالفاضى

[samehlila]

المشاركة الأصلية كتبت بواسطة احمد على 1999 هو فى دخان بلون من الشاكمان ؟

فيه دخان من الشكمان في صورة عدم احتراق كامل للبنزين زي هباب اسود كده نتيجة عدم وجود حريق ده لما بركب التي بي اس انما طول مافيشته مش راكبة العربية بتدور و الدخان الاسود ده ضعيف بس العربية ماشية بالزق و الغيارات مش بتجيب آخرها و بعدين زي ماتكون بتقطع يعني لو شيلت رجلي من علي الدبرياج و غذيتها بنزين تحس انها بتترجرج كده و بتشد و ترخي زي ماتكون راكب مرجيحه

[samehlila]

المشاركة الأصلية كتبت بواسطة askafrawy طيب اخبار طلمبه البنزين ايه؟ لو تقدر تنزل بيها اسكندرية ممكن اوصفلك الميكانيكى البتعامل معاه بدل ماتغير كمبيوتر ورشاش ويفضل العيب موجود انا راى توصل للعيب عشان متغيرش حاجات كتير عالفاضى

طلمبة البنزين ضغطها تمام و هيه جديده مش قديمة بس العربية كانت شغاله عليها تمام و انا اختبرت الضغط بتاعها

و بعدين ميكانيكي ايه ده الميكانيكي الراجل اللي انا شاري منه العربية بيقول له العربية موجوده في المكان الفلاني مش راضيه تدور قال له دورها و هاتها و انا اظبطهالك
طيب بذمتك لو العربية دايرة هروح لميكانيكي ليه
نص الميكانيكية عاملين فيها مهندسين و تروح له بالعربية يقول لك انا مش بشتغل في الموديل ده لانه حافظ مش فاهم يعني حافظ الكام موديل اللي شغال فيهم و اعطالهم بس
و الف شكر علي الاهتمام