قصص حوادث

[sasa3]

المشاركة الأصلية كتبت بواسطة frontera09 كنت ماشى على طريق الساحل الشمالى ادام مراقية وكان فى الجزيرة اللى فى النص خرفان كتير ومرة واحدة لاقيت سرب خرفان قاطع عليا الطريق ضربت فرامل على الاخر وضربت خروف وباخد غرزة من التانى لاقيت اخووة قدامى ومصدرلى قرونة دخلت فية شلتة لحد ما العربية وقفت بعد ما استوعبت الموقف ببص جانبى لاقيت اتنين من العرب ماسكين سكاكين وبيجرو جايين عليا قلت هما حيدبحونى ولا اية ودخلو على الخرفان دبحوهم وللاسف مكنتش عربيتى كنت واخد عربية والدى من غير ما يعرف

كنت تاخد قرونه و تركبها و تقول للوالد روحت بدلتهالك بـ ""دودج""

[مهند النجار]

مرة كنت ماشي ع الكورنيش وو اخد يمين
فجاة طلعت عربية نص نقل من شارع جانبي مكانت هتلبس فيا
كنت ماشي ع 100 ك\س و عارفين باية
سيات 133 كانت هتتتقلب
جت سليمة ما حدش يمشي بسرعة ع اليمين

[eng.fathy86]

انا كنت على طريق مصر أسيوط الصحراوي الشرقي راكب ميكروباص تويوتا 2010 وقبل بني سويف بحوالي 7 كيلو لقينا الميكروباص لابس في عربية ملاكي مرسيدس ولما حاول يفاديها لبس فيه من وراه ميكروباص تويوتا تاني
طبعا كلنا عارفين السرعة على الطريق ده بتبقى كام وتخيلوا الاصابات والوفيات كانت اد ايه
يمكن الحمد لله انا من اخف الاصابات طلعت بكسر مضاعف في الساق اليمنى و جرح قطعي بجفن العين اليسرى (6غرز) وبعد الكدمات البسيطة اللي اخدتلها شهرين على ما راحت
والحمد لله على كل شئ

[Rania Elhoseny]

يا ساتر استر يارب لا انا بسمع بس محصليش حالجة لحد دلوقت ربنا يعافينا جميعا
متستغربش اصلى لسة جديدة علشان كدة مدخلتش التجربة دى ويارب مدخلها ابدااااااااااااااااااا

[Mohamed Elhasafy]

كنت مسافر من الإسكندرية للقاهرة و كان الوقت بالليل و العربية كانت لسة زيرو و كان بقالى كام سفرية شوشو عمال يوسوس ليا إنى أقفل العداد رغم إنى كنت بمشى 120
المهم لقيت بى إم الفئة الخامسة مستعجل و عمال يقلب نور قمت شديت معاه و طلعت منه و بعد كده هو طلع منى فأخدنى الغرور بالعربية و قلت يعنى هو هايمشى أكتر من 180 و حتى لو وصل ل 200 أنا معاه
المهم طفيت التكييف علشان أجمع بسرعة و أخدت اليمين علشان هو كان ماسك الشمال ووصلت ل 175 و عديت منه لغاية أختفى من المراية
و فجأة لقيت الأسفلت الغامق و عين القطة إختفوا و بعد ثانية و احدة لقيت قدامى حاجات حمراء فعليت النور لأكتشف أن الطريق بيضيق حارتين من اليمين و قافلينه ببلوكات خرسانة و قاموا مشكورين بوضع علامات حمراء عليها
و فى جزء من الثانية: فرامل على قد ما قدرت نزلت سرعتى لحوالى 90 ثم سبت الفرامل خالص و أخدت شمال و الحمد لله دخلت الطريق بس بعدها لقيت صاحبنا ورايا بيقلب نور قمت زى الباشا منور إشارة يمين و خليته يعدى مع ألف سلامة
الدروس المستفادة:
1- بلاش مكابرة فى السرعة لإن السرعة مالهاش كبير
2- 120 , 140 , 180 كله بيوصل ... المهم مين يوصل بالسلامة و مين يوصل كفتة
3- ما تجريش أبداً على طريق مش حافظة صم و خصوصاً بالليل
4- أوعى تفرمل قوى مع لف الطارة بدرجة كبيرة و خصوصاً لو على سرعة عالية لإن العربية ممكن تلف منك أو تتقلب
كفانا الله و إياكم شر الطريق