سؤال عن كيفية استلام العربية

[eslam31]

ان شاء الله هستلم العربية الفيرنا بتاعتي بعد العيد وكنت عاوز اعرف اية الحاجات اللي المفروض استلمها معاها واية الحاجات اللي ابص عليها كويس يا ريت المساعدة علشان دي اول مرة ليا استلم عربية ومعرفش اعمل اية

[blacklist002]

- بصيت على قراءه عداد السياره وده هام جدا
2 - كنت مهتم بان تكون السياره عليها الورق الابيض الملصق على السياره من الخارج
3 - لفيت حول العربيه وتاكدت من صاج السياره بانه بدون خدوش وبالذات الفوانيس اماميه وخلفيه
4 - من الداخل جميع الاوراق واللزق الشفاف يكون ملصق على السياره من الداخل مثل الابواب من الداخل وذرا النور وذراع المساحات
5- تجربه الكاسيت والراديو وال cd (طبعا مفيش فى السياره سى دى ) مش عيب لو خدته ماك وانت رايح
6- تجربه التكييف بشكل سريع
7- تاكد من وجود كتيب الضمان والكتالوج
8- تاكد من وجود الاستبن والكوريك وشداد العربيه لاسمح الله فى حاله عمل قاطره للعربيه بسياره نقل مثلا
9- تاكد من المفتاحين للسياره واطلب كود المفتاح لانه مهم جدا جدا فى حاله فقد المفتاح
10-جميع الكراسى بالسياره تكون مغلفه بالاكياس البلاستيك
11- افتح كبوت السياره وتكد من وجود الزيوت بها كزيت الفرامل والموتور وماء الرادياتير
12- مفيش مانع زى انا ماعملت تاخد نمر تجاريه لحين وصول الورق المبايعه والافراج ( لو مش موجود وهيوصل بعد يومين مثلا ) وهو عاده مايحدث وحدث معى.
13- اقرا الفاتحه وتوكل على الله وسوق على مهلك وياسلام لو كان استلام السياره فى وقت بعيد عن وقت خروج العاملين من العمل .
14- الف مبروك

[ebaaa3i]

أنا متشكر جدا ليكوا انتو الاتنين السؤال كان على طرف لسانى و الإجابة وافية جدا

[ابن فنان]

مشكوررررررررررررررررررر

[samehsaeed]

معلومات فوق الممتازة بارك الله فيك