عربيتك النيو اكسنت عاملة كام كيلو ..؟؟؟؟

[شريف بسيوني]

يأسفني اني اخبركم بتجربتي حتي تعم الفائدة انا اشتريت السيارة نيو اكسنت وقدر ربنا اني عملت حادث بها واكتشفت النصب الكبير الى بيحصل فينا كشعب مصر وحسبنا الله ونعم الوكيل فى غبور اللهم انتقم منة شر انتقام اكتشفت ان السيارة جايلنا مصر مختلفة تماما عن السيارة فى باقي دول العالم اختلاف كلى وجزئي واكتر صدمة تلقتها واكتفي بها حتي لا اطيل عليكم ان شاسية الأكصدام الداخلى متغير عن باقى الدول لأن الأكصدام عندي ادمر القشرة والشاسية بتاع الأكصدام واكتشفت ان شاسية الأكصدام الى راكب ضعيف جدا تشيلة بصباعك الصغير ولما رحت اشتري شاسية اكصدام استيراد من الحرفيين الى بيجيبوا عربيات من امريكا وغيرها لقيت شاسية الأكصدام الى في العربية النيو اكسنت الى جاية من برة مختلف تماما عن الى عندنا لما فكهولي قدامي من العربية مقدرتش اشيلة بأيد واحدة شلتوا بايدي التنين بعكس التاني الى كان فى العربية الزيرو الجديدة الى شلتة بصباعي الصغير ودي بالنسبالي كانت صدمة كبيرة قوي حسيت اننا بناخد على قفان كلنا كشعب مصري بيكسبوا فلوس مقابل حياتنا يعني ممكن كنت اموت فى الحدثة بسبب شاسية الأكصدام المعفن الى راكب واكتشفت كتير وكتير وربنا معانا والله احنا شعب بيقاسي كتير من الحرمية الى ملية البلد واخيرا انصح كل مصري اوعة تشتري عربية جديدة من مصر اوع والله العظيم هترمي فلوسك فى الأرض ولا قدر الله ممكن تخسر حياتك كمان وربنا يسترها علينا جميعا . وعلى فكرة عربيتي موديل 2008 وعامل 23000 كيلو

[hazemfigo]

نيو اكسنت 2010 وعامله 25500 كم والحمد لله مفيهاش مشاكل

[mahmooud135]

عاملة دلوقتى 20000 الف كيلو والحمد لله الحمد لله زى الفل

[mohandes]

المشاركة الأصلية كتبت بواسطة mohandes معايا موديل 2010 ومفيش مشاكل فيها غير اللي رايح واللي جاي يخبطها وهي راكنة واللي يعدي عليها بمفتاح يجرح بيه الشنطة اعتقد ده عيب عربية

فعلا عيب عربية لان الخبطات مازالت تتوالى عليها وهي مركونة هههههه هاتجنن دنا مالمستش بيها حد وانا بركن بعمل حساب اللي عاوز يطلع واللي ممكن يخبطني وبرضو مفيش فايدة
ده مرة كنت رايح الساحل نزلت لقيت البواب مطوقهاش فإديتها تطويقة سريعة ولما وصلت الساحل لقيتها مطبقة من الجمب محدش يقولي ازاي
المهم هي مانيوال عاملة 31000 دلوقتي

[المعز لدين الله]

هى عاملة 4000 موديل 2010 وهى ما شاء الله كويسة عدا الخبطات وهى واقفة من طوب للعيال وخلافه ولكن الحمد لله