استفسار هااااااااام

[ashrafsoft]

السلام عليكم ،،،

ارجو الافادة من الاخوة الكرام بخصوص البوجيهات حيث انى غيرت بوجيهات من يومين واشتريت النوع NGK ثلاث شمعات .

هل هو مضر او لا يتوافق مع السيارة ؟
لانى بعد ما ركبتهم لقيت مؤشر السرعة اوقات بيركن يعنى اكون ماشى على سرعه وهو على زيرو وفجأة يرجع الى السرعه مرة اخرى ؟ هل ده من البوجيهات ولا من ايه ؟
كمان اليوم وهو المؤشر على زيرو وانا على سرعه حوالى 80 لقيت اللمبة الخاصة بفحص الموتور نورت واول ما المؤشر طلع للسرعه السليمة انطفت ؟ ممكن الافادة بخصوص حدوث هذه المواقف

شكرا مقدما

[melkhayat83]

لو كتالوج السياره بيقول ان البوجيهات 1 شمعه يبقي لو حطيت بوجيهات 60 شمعه ولا ليها اي لزمه والعكس غير صحيح بمعني ان لو المصنع قايل 2 او 3 شمعه وحطيت 1 شمعه هايأثر شويه
بالنسبه لموضوع عداد السرعه مالوش اي علاقه بالبوجيهات العلاقه بين الأتنين زي علاقه الخيار بالفراوله دي حضرتك عند حد كهربائي يبص علي العداد ووصلاته

[ashrafsoft]

شكرا لرد حضرتك
طيب اللى فهمته يعنى كون العربية نازلة ب بوجيهات 1 شمعة وركبت لها 3 لا يؤثر عليها لا بالسلب ولا الايجاب ؟ صح كده . انما لو العكس هيحصل تأثير
طيب هل فى علاقة بين عدم انتظام مؤشر السرعه ولمبة فحص الموتور اللى نورت اليوم
اسف على الاطالة

[melkhayat83]

المشاركة الأصلية كتبت بواسطة ashrafsoft شكرا لرد حضرتك طيب اللى فهمته يعنى كون العربية نازلة ب بوجيهات 1 شمعة وركبت لها 3 لا يؤثر عليها لا بالسلب ولا الايجاب ؟ صح كده . انما لو العكس هيحصل تأثير طيب هل فى علاقة بين عدم انتظام مؤشر السرعه ولمبة فحص الموتور اللى نورت اليوم اسف على الاطالة

الجزء الأول من كلام حضرتك صح يعني لا هايثر بالسلب او بالايجاب
الجزء التاني : لمبه فحص الموتور او Check Engine وهي اللمبه الي اول ماتنور تلاقي قلبك اتقبض وكله بيخاف منها وهي في الحقيقه لا تعني انك تفحص الموتور كامكنه وبساتم وغرف حريق وخلافه
العربيه فيها كنترول ( كمبيوتر) ومتصل بيه جميع الحساسات الموجوده في العربيه واي خلل في اي حساس نتيجه انه تالف او غير نظيف او السلك مهزوز او فيشته متشاله تلاقي علاطول اللمبه دي بتنور مع وجود خلل مادي انت بتحسه في اداء العربيه وساعات مابيكونش في حاجة انت حاسسها خلاصه الرغي بتاعي ده ايه
ان حضرتك هتحتاج تفحص العربيه علي جهاز كشف الأعطال وتعرف العطل الي ظاهر معناه ايه والحساس الي فيه مشكله هو ايه ووارد ان موضوع عداد السرعه يكون مرتبط باللمبه او لا - لأني بصراحه ماعنديش معلومات كافيه عن مكونات عربيه حضرتك انا بكلمك عامه علي اي عربيه

[mhamdy75]

حساس السرعة عايز نضافة أو تغيير

وهو سبب اضاءة اللمبة

وممكن تنتش كمان