لهذه الاسباب لن انتخب ابو اسماعيل

[nktis]

انا ايدت الشيخ حازم بس لو طلعت والدته امريكيه يبقي كدب ( انا متوقع انها امريكيه وهو بيكذب بداعي السياسه)
وحاليا وسط كميه المعلومات من كونها امريكيه او انه بيتهاجم علي حد كلامه فهو سقط في حسباتي لانه كان من الاول عرف الناس ان والدته جايز تكون امريكيه لحصولها سابقا علي جواز السفر..
ده غير انهم بيقولوا انه ادلي بمعلومه غلط عن وفاه والدته بعمر 68 وهي توفت عن 64 عام بداعي اللعب والسياسه ....
ونفسي الجدل ينتهي لانه لو طلع والدته امريكيه ...
وعلي اللي شفته من تهريج من انصاره اللي بيتلعب بيهم لبشاشه وجه الشيخ ...وانهم هيولعوا البلد فده كلام فاضي....
الاولي نتبه لسرقه الثوره لان قريب هيقال انها كانت عمليه ارهابيه من الشعب وهنسمع قريب هذا الهتاف ( النظام يريد تغيير الشعب )

[mhamdy75]

يا جماعة الخير عادى جداً إللى بيحصل

والله إحنا كلنا مش واخدين بالنا من حاجة مهمة

هى إييييييييييييييييييه ؟؟

إن التغيير الحقيقى إللى بيحصل من حولنا من قديم الأذل

هو( الموضوع )إللى بيفرقع على الساحة ثم نتناقش فيه ونختلف عليه ما بين مؤيد ومعارض ويروح الموضوع ويجى غيره

والناس الجد شغاله وماشيه على طريقها ( بمبدأ دعونا نعمل فى صمت ) وبتحقق إنتصاراتها وإحنا بنتكلم بس

صباح الفل يا بشر يا لا نتكلم من غير إختلافات عشان مش هانطول غير الكلام وكمان نخسر بعض

ماحنا أحلى شعب يتكلم ونمسك فى الهوا ومستنيين حد يغيرنا

[AbOnOrA]

يا دكتورة هبة يعلم الله انى لم اسىء الظن بيكى ابداً ولم يتغير رائى عن حضرتك من بداية اشتراكك فى المنتدى وحتى الان بكل ما تابعته من مشاركات وموضوعات لحضرتك سواء اتفقت معاها او اختلفت
فتاكدى ان مش ده اللى وصلى ولا كلامى كان رداً على الفكرة اللى وصلتلك

لكن الكلام فى الموضوع ده بحكم الاستقطاب الحاصل بيفرض علينا اننا نتكلم كفريقين (مؤيدين ومعارضين) وكلامى رداً على مشاركة حضرتك لا اقصد بيه شخصك ابداً سواء فى ان الليبراليين ميعرفوش ربنا او فى كلمة كاذبون اللى كررتها اكتر من مرة واكرر حاشا وكلا لم اقصد حضرتك شخصياً وعموماً فى كل مشاركاتى فى الشأن العام لا انتقد او اهاجم اشخاص وانما افكار واساليب

اما عن رأى التيار المؤيد لابوسماعيل عموماً من الليبرالية والقوى المدنية فهو واضح لا جدال فيه وسامعين اسواء الاتهامات والشتائم فى ميكروفات الجوامع ليل ونهار وحضرتك شوفتى حصل ايه فى منصة القوى المدنية فى الجمعة اللى فاتت

واما عن رأئى فى (ادعائات وكذب حملة ابوسماعيل) فهى كما ذكرت فى كل نقطة ادعائات غير دقيقة وتحمل الكذب والتدليس اكثر ما تحمل من الحقيقة وخاصة كل ما يبداء ب ( الاول والاكثر والوحيد )

وانا اللى بعتذر لحضرتك يا دكتورة اذا كان سأئك اى كلمة او معنى فى كلامى واتمنى ان ثقتى (وعشمى) فى حضرتك يكون متبادل .. او كما يقال الاختلاف فى الرأى لا يفسد للود قضية

[mar mar]

مش بطيق الراجل ده مش مستريحالوا اصلا مش عارفه لو كسب ممكن اعمل ايه يا هولع فيه با في نفسي

[AbOnOrA]

حقاً العلم نورون اغلبية مؤيدى عمر سليمان وعمرو موسى وحازم ابو اسماعيل من تعليمهم (تحت ) المتوسطة بينما 80 % من مؤيدى عبد المنعم ابو الفتوح تعليمهم فوق المتوسط 30% منهم تعليم جامعى
فحسب استطلاع لمركز الأهرام للدراسات : 60% من مؤيدي عمر سليمان من الأميين أو التعليم تحت المتوسط في حين أن 70% من مؤيدي أبو الفتوح من التعليم فوق المتوسط أو الجامعي ... العلم نور و الجهل ظلمات