حكومتنا الجميلة ترفض3 اختراعات تقلل الحوادث

[خالدخليفة]

اولا/ المطالب اللى طلبتها الحكومة منه عادية جدا ومقدور عليها لانها هتسجله باسمه بعد كده بس هو مكسل يمشى فى الاجرائات واستسهل انه يروح المصرى اليوم وحكاية السنة دى هيا اللى انا بستغربلها مش معقول من كتــر الاختراعات ومش ملاحقين عليها ثم الراجل ده يقدر يسجله بره مصر فى خلال اسبوع
ثانيا انا مفهمش فى ميكانيكا السيارات لكن نظام القطارات الحالى عندنا آمن جدا و ده كلام هتستغربو له بس مشكلتنا فى العنصر البشرى والاهمال ليه لان السكة الحديد بتحقق ايرادات عالية جدا ومع ذلك مفيش تطوير لجرارات ولامرتبات بل بتتسرق وزمان قالها راجل عجوز قال يابنى اللى عنده حتة ميكروباس بيصرف على 5 بيوت 2 سواقين و2 تباعين وصاحب العربية يبقى ازاى تخسر السكة الحديد ولذلك احساس اصحاب الو ظائف الصغيرة فى السكة الحديد يؤدى الى الاهمال وبالتالى حدوث الكوارث طيب هنقول دليل بسيط
معقول جميع حوادث السكة الحديد دايما وبنسبة 100% مش 99% تعملها قطارات الغلابة فقط
مفيش مرة قطار مكيف خبط قطار تانى او فرامله باظت او دخل فى اى حاجة محصلش
ده سببه الاهمال وعارفين ان الغلابة فى مصر ملهومش للاسف دية
ثانيا هل تعلمون ان نظام السكة الحديد عندنا مش عبيط وانه نظام متطور جدا
نشرح نظام اشارات السكة الحديد
الاشارات الملونة معظمنا فاهم انها عبارة عن اخضر تمشى اصفر تهدى السرعة احمر تقف ومتشكرين
طبعا لا
انما كل اشارة تحتها فى الارض 3 علب
علبه جواها التحويلة اللى بتحول القطار من اتجاه لاتجاه والتانية تقريبا موصلة بالتليفون بتاع الاشارة لان كل اشارة فيها تليفون علشان لو حصل عطل فى اى منطقة واللاسلكى اللى مع السواق فيه اى مشكلة ينزل السواق ويتكلم من اى تليفون افرض وقف فى قرية او بين الغيطان هيجيب تليفون منين (من الاشارة )
نيجى للعلبة ال3 وهيا دى العفريت اللى عليه الشغل كله
العلبة دى طالع منها كابلين ملحومين فى الشريط ليها 3 وظائف اولا تصوير القطار ونقل صورته على شاشة موجودة فى برج المراقبة ثانيا قياس سرعة القطار ونقلها مباشرة الى نفس الشاشة ( يعنى المراقب بسلامته واقف اددام الشاشه مفروض زى المايسترو شايف القطار وشايفه ماشى بسرعة كام وبيتحكم فيه عن بعد)
ثالثا /ودى اهم وظيفة ان الوان الاشارات ليها معانى ومدلولا تفلو الاشارة خضرا سرعة القطار ممكن توصل 120 ومتزيدش لانهم مثبتين السرعة بسبب بعض السئقين المجانين طيب ولو اخضر متردد (فلاشر يعنى) معناه السرعة لاتزيد عن 90 لان السائق ملوش دخل ابدا النظام معمول بحيث ميديش السائق اى فرصة للاختيار اللا لو فى مفاجأة فى السكة تريللا معدية عيل حيوانات او اى حاجة طيب السائق داخل على اشارة خضرا متردد بسرعة ازيد من 90 والمراقب شايفه فيتصل بيه عن طريق جهاز الاى تى سى الموجود فى الجرار طيب افرض الجهاز مقفول بيتصل بيه على اللاسلكى اللى مستلمه سواق حيطة وقافل اللاسلكى يتصل برئيس القطار على اللاسلكى اللى معاه ويخليه يجرى جوه القطار يشوف السواق ده غير انه لو رد عليه السواق واعتذرعن السرعة ا لزيادة بيسيبه او بينبه ويعنفه كمان لان معاه ارواح طيب لو دخل على الاشارة الصفرا بسرعة تزيد عن 60 هنا سيادة الجنرال المراقب مبيتصلش بالسائق ولا بيفكر وانما بيدوس على زرار ادامه يوقف القطار ازااااااااااااى
عن طريق العلبة اللى فيها كابلين ملحومين فى الشريط بيعمل مجال مغناطيسى عن طريق جهاز الاى تى سى يفتح الفرامل ويفصل الهوا بتاعها ويوقف القطار لان ممكن السواق يموت يغمى عليه تيجى ساعة وقاته اثناء ماهو سايق لكن معاه ارواح وثانيا لو حصل حادثة لاقدر الله الهيئة بتدفع فى حالة الوفاة 20 الف جنيه والاصابة 5000 و دى كلها خسائر على الهيئة غير خسارة القطار نفسه وتعطيل الحركة بسبب الحادث ودى خسائر تانية
طيب واحد ممكن يقول السواق بيقفل جهاز الاى تى سى (a t c ) بيبان على الشاشة ان قائد القطار رقم كذا قافل الجهاز وبيتصل بيه باللاسلكى ويجبره على فتحه والا يقفل اقرب اشارة ليه ويوقفه و ميطلعش القطار الا لما يفتح الجهاز طبعا ده لو سواق القطار صعيدى قريبنا وراسه والف سيف انه يمشى اللى فى دماغه وده مستحيلل يحصل لان الهيئة وقياداتها فى القاهرة بيتبلغو بسرعة واقرب محطة بينزل السائق المستهتر ويركب غيره
اه والله العظيم الكلام ده فى مصر
طيب نظام الاشارات الكهربائية ده معمول بيه فين
فى المسافة من اسكندرية حتى بنى سويف بطول 332 كيلو متر وبعد كده من بنى سويف لاسوان يطول 775 كيلو ومنبنها لبورسعيد بطول 150 كيلو ومن طنطا لدمياط بطول 118 كيلو ايه اللى بيحصل
كشك المحولجى بتاع زمان بيتصلو ببعض بالتليفون ويساله القطار الفلانى جه عندك يقول له لسه فلو متاخر يتصل بالسواق ورئيس القطار ويسالهم عن السبب
ابتداء كانت السكة الحديد دائمة التطوير ومن عهد سليمان متولى وحتى عصام شرف فكانو العمال صابرين وساكتين لكن عهد منصور شهد كمية ظلم رهيبه لهم وخاصة انه صرف 8 مليار جنيه لقطاع السكة الحديد وحد وهى = نصف قيمة رخصة المحمول ال3 ومظهرش اى حاجة لا مرتبات ولا تطوير ولا اى حاجة غير كام جرار قديم علتهم شركة جنرال موتورز اللى منصور الوكيل بتاعها فى مصر وانا بقول جرارات قديمة لان النظام الجرار اتلغى من كل دول العالم المتحصر دلوقت كل القطارات جراراتها عبارة راس ورا و راس ادام على راى واحد راكب م كفر الشيخ بيسالنى عن القطار التوربينى فقلما وصفته قال اه القطر ابو راسين وضحكنا وسيبكو من الدعاية اللى بيعملوها لمنصور لانه حبيب جمال مبارك فقط لكنه ولابيفهم اى حاجة فى النقل مع احترامنا له كرجل اعمال وبكل بساطة هو مهندس زراعى فما علاقته بهندسة النقل والدليل مترو الانفاق لم يتاخر ابدا اللا فى عهده بسبب احساس صغار العاملين بالظلم واحساس كبار العاملين ان الوزير مش فاهم حاجة وانا شخصيالما فهمت كده وكنت بركب القطار يوميا روحت البيت كتبت وصيتى اه والله العظيم
ولذلك اكبر دليل على كل ده ان الحوادث الكبيرة حصلت فين فى قليوب ودى فيها تحكم مركزى اللى هو نظام مراقبة الاشارات والعياط و دى نفس الحكاية يعنى مش فى مناطق مفيهاش اشارات والشاشات والمراقبة والكلام ده
اما نظام الصدادات اللى عمله اخونا الحداد ده فهو موجود فعلا صداداة قوية بسوسته هيدروليكى يعنى ممكن يكونو حسو ان الاختراع الاخير ده موجود وتقدرو تشوفوه فى المترو للى مبيروحش ناحية محطة القطار
معلش طولت عليكم لكن لتوضيح ليه تم معاملة الحداد ده كده وثانيا هو نفسه استسهل بدل ميعرضها على اى جهة محترمة جرى على المصرى اليوم
بينما لو بعت لاى جهة فى اى دولة بمساعدة اى حد يعرفه واكيد يعرف كتير طالما فاهم فى النقل والتريللات هياخد براءة الاختراع فى اقل من اسبوع ويبيعه كمان
اخيرا و دى نكتة والله مع احترامنا لوزير النقل الجديد لكنه بوسطجى بيفهم فى الادخار والودائع والكلام ده علاقته ايه بالنقل
وحسبى الله ونعم الوكيل معلش طولت عليكم
ملحوظة / كاتب هذه السطور 13 سنة بركب السكة الحديد يوميا وركبت مخلتف انواع القطارات من البضاعة حتى النوم ومكنتش بركب وبس ولكن كنت بسال واعرف النظام ماشى ازاى لحد م عرفت الكلام ده كله