BYD F3 - كيف تستلمها من المعرض .. سليمة وبلا عيوب

[ahmed mustafa]

شكرا جزيلا و ممكن نضيف اننا لازم نبص على العدادات كلها كمان

[تامر الفولى]

المشاركة الأصلية كتبت بواسطة ziabassem شكراً يا أستاذ أبو جيسي على المعلومات المفيد والتي بالفعل يحتاجها أي شخص في شراء سيارة بصفة عامة .. وليس بي واي دي فقط بصفة خاصة .. ومش غريبة على حضرتك مساعدة المقبلين على شراء السيارة في فحصها والتأكد من جودتها بس أنا حاسس أن الموضوع ده معمول علشان يفيد أحد الأصدقاء اللي حجز العربية وحيستلهما على خير إن شاء الله .. مش عارف ليه ... ههههههههه وألف مبروك مقدماً لكل اللي حيشتري العربية .. ويكون هذا الموضوع مفيد له عند الاستلام .

مع احترامى لوجهة نظر سيادتك
بس عاوز اعرف انت ماشى بنظام خالف تعرف؟
ولا انا اقول فا انا موجود؟
ولا حضرتك عندك عقه من البى واى دى؟
انا شايف انك باستمرار بتهاجم العربيه دى
اتمنى انك تفهم العربيه دى كويس عشان تقدر تحكم عليها
وبعتذر لتطفلى

[ziabassem]

المشاركة الأصلية كتبت بواسطة تامر الفولى مع احترامى لوجهة نظر سيادتك بس عاوز اعرف انت ماشى بنظام خالف تعرف؟ ولا انا اقول فا انا موجود؟ ولا حضرتك عندك عقه من البى واى دى؟ انا شايف انك باستمرار بتهاجم العربيه دى اتمنى انك تفهم العربيه دى كويس عشان تقدر تحكم عليها وبعتذر لتطفلى

لا يا فندم مفيش تطفل ولا حاجة .

بس اللي عاوز أعرفه من حضرتك .. أيه اللي خلاك تقول أني ماشي بنظام خالف تعرف ، وأني نظام أنا أقول فأنا موجود ؟! .. وأني بهاجم العربية دي (F3) باستمرار ؟

على فكرة أنا لو أي نوع عربية معجبتنيش عمري ما بخش وأهاجمها .. فما بالك بعربية بفكر في شراءها في المستقبل .. ومن ضمن اختياراتي .

وأرجو ان تكون وجهة نظري وصلت لحضرتك .. ومتنساش تجاوبني على السؤالين .

[Abojessy]

المشاركة الأصلية كتبت بواسطة تامر الفولى مع احترامى لوجهة نظر سيادتك بس عاوز اعرف انت ماشى بنظام خالف تعرف؟ ولا انا اقول فا انا موجود؟ ولا حضرتك عندك عقده من البى واى دى؟ انا شايف انك باستمرار بتهاجم العربيه دى اتمنى انك تفهم العربيه دى كويس عشان تقدر تحكم عليها وبعتذر لتطفلى

الأستاذ .. تامر ..
أعتقد أن هناك سوء تفاهم فى هذا الموضوع .. وأنك تعتقد أن صديقنا .. ziabassem شخص أخر ..
لأنة لم يهاجم هذة السيارة ولا أى سيارة أخرى منذ عرفتة من فترة طويلة فى منتديات أخرى ..
بل العكس هو الصحيح .. فقد شارك معى بجهد كبير فى عدة موضوعات عن السيارة BYD ومنها :

- صور ومواصفات BYD L3 التطور الطبيعى للسيارة BYD F3
http://www.masrmotors.com/vb/showthread.php?t=42473

- تحالف مرسيدس مع BYD وأنشاء شركة مشتركة !
http://www.masrmotors.com/vb/showthread.php?t=40856

أما عن العبارة التى علقت حضرتك عليها فى مشاركتة وهى :

المشاركة الأصلية كتبت بواسطة ziabassem بس أنا حاسس أن الموضوع ده معمول علشان يفيد أحد الأصدقاء اللي حجز العربية وحيستلهما على خير إن شاء الله .. مش عارف ليه ... ههههههههه

فقد قال صديقنا باسم .. هذة الجملة على سبيل المداعبة .. لأنة منذ فترة ينافس زميلنا العزيز أ / أيهاب .. فى مداعبات مرحة ومحترمة عن من منهم سيشترى السيارة أولا
وقد حجزها أ / أيهاب بالفعل قبلة .. فكانت هذة الجملة على سبيل الهزار فقط .

كما احب أن اوضح أن صديقنا .. ziabassem .. يجهز الأن لموضوع مصور عن سيارات BYD يتناولها من جانب جديد .. وأنا واثق أن موضوعة سيكون متميز ويلقى أعجاب الجميع ..
فضلا عن أنة قرر شرائها ولكنة ينتظر نزول الأوتوماتيك .

لذلك يا أخى العزيز أنا متأكد من أن هناك سوء فهم ومن المؤكد أنك تظنة شخص أخر .
وعلى العموم كلنا زملاء فى هذا المنتدى المحترم .. ولا يفسد هذا المودة بيننا

والسلام عليكم ورحمة الله

[freewelly]

موضوع بجد رائع عن نفسى استفدت منه كثيرا لك منى مزيد التحية وبارك الله فيك