الحمد لله اشتريت كيا برايد وعندي شوية اسئلة

[Walid Elfeqi]

الحمد والتوفيق لله اشتريت كيا برايد كوري موديل 98 1300 سي سي هي مانيول وفيها تكيف نازل من بلادها وعلى فكرة هي سيدان مش عصفورة
كنت متحتاج الكتالوج بتاعها لو عند اي حد منكم لو سمحتوا
كمان مش لاقي اي جروب ليها على الفيس والرابطة اللي هنا الناس مش موجوده علطول
ودي اسعار قطع الغيار اللي جبتها من عند حلمي سليمان
طقم اربع مساعدين كوري 800
كبالن تايواني 250
سلك سرعة 50
طرمبة مايه 150 كوري
سير كاتينة 60
فلتر بنزين 20
طقم بوجيهات 40
سير الدينامو الكوري ب 20
وكنت عاوز اعرف الدركسيون بتاعها باور ولا لأ
افضل انواع الزيوت اللي بتستعملوها المناسبة لاداء العربية ؟؟

[AbOnOrA]

الف مبروك ربنا يهبك خيرها ويكفيك شرها وبالنسبة للبرايد احنا يمكن اكتر موقع على الانترنت فيه موضوعات عنها ، فاسئل انت بس ومتشيلش هم

الاسعار ديه كويسة وبالنسبة للزيت انا كنت بفضل الشيل الجركن الاصفر

[nktis]

الف مبروك ربنا يعطيك خيرها و يكفيك شرها

[Walid Elfeqi]

المشاركة الأصلية كتبت بواسطة AbOnOrA الف مبروك ربنا يهبك خيرها ويكفيك شرها وبالنسبة للبرايد احنا يمكن اكتر موقع على الانترنت فيه موضوعات عنها ، فاسئل انت بس ومتشيلش هم الاسعار ديه كويسة وبالنسبة للزيت انا كنت بفضل الشيل الجركن الاصفر

المشاركة الأصلية كتبت بواسطة nktis الف مبروك ربنا يعطيك خيرها و يكفيك شرها

شكرا ليكم وربنا يتقبل دعائكم
انا كنت عاوز اعرف اذا كان الدركسيون باور سترينج ولا لأ
كمان كنت عاوز اعرف ايه افضل مقاس للكوتش بتاعها لو من غير جنوط ولو هاحط جنوط يبقى المقاس كام

[احمد على 1999]

هو الدركسيون بيلف بسهولة و انت واقف ؟
هل فيه علبة زيت فى الماتور الغطا مكتوب عليه power steering ؟