العودة   مصر موتورز مجتمع السيارات > السيارات الأوروبية > فيات FIAT

فيات FIAT فيات FIAT الايطالية استطاعت ان تتجاوز ازماتها الماضية بعد فشل تحالفها مع جنرال موتورز عن طريق تقديم موديلات لاقت نجاحا كبيرا مثل جراند بونتو فيات 500 باليو سيينا ليينا بونتو


إضافة رد
 
أدوات الموضوع
  #1  
قديم 23-09-2013, 09:25 PM
eslamafify eslamafify غير متواجد حالياً
 
تاريخ التسجيل: Mar 2012
المشاركات: 90
eslamafify will become famous soon enougheslamafify will become famous soon enough
نقاش تعديل فيات 126 لاوتوماتيك ... وبعض المشاكل ...




انا من فترة كنت فتحت موضوع باسم

ال 126 كلت دماغى بتعديلاتها

وكان معايا ريتمو مطلعة عينى وشديتها وبيعتها

والحمد لله اشتريت عربية 126 موديل 1991 بعدها بكام شهر

هى دلوقتى معايا بقالها 4 شهور تقريبا

عربية جميلة اوى وبتنجز فى الزحمة جدااااااااااااااااااااااا وبتشم البنزين وبجيب بيها 100 و 110 عادى
هى العربية على ابوها بدون اى تعديلات طالما حالتها كويسة تبقى فوق الممتازة ولا يعيبها اى شيئ الا الحجم الصغير

بس طبعا انا جايبها عشان اعدلها مش عشان اركبها كده

وكان التارجت الاساسى انها يركب عليها موتور كبير بفتيس
اوتووماتيك وتتكيف

وموضوع الوتوماتيك ده لا تراجع فيه حتى لو كنسل الفكرة

بعد بحث ومداولات كل الفتيسات الى بالطول واوتوماتيك يا اما مش موجودة فى مصر يا اما لو موجودة هتدوخ عليها عشان تجيبها ومش عتلاقيلها قطع غيار

زى الفولكس البيتلز القديمة وزى الرينو وكده
الجديد بقى مشكلة
كونترول وكمبيوتر وحوارات معرفش تتعدل وتشتغل ولا لا وحتى لو هتبقى صعبة جدا

انا فكرة مرة فى فتيس Audi
بس طبعا ليه كونتلوله وانا لازم اركب موتور فيات عشان المرور

اعرفكم الاول على عربيتى








طبعا موضوع الاوتوماتيك ده عملى مشاكل ولحد دلوقتى متحلتش

لانى غيرت فكرة انى احط الموتور بالطول رغم انى كنت متمسك بيها جدا
(الى هو فى الغالب لحد دلوقتى فيات اونو 1400 كربراتير)

ودلوقتى الحل عشان اعرف اركب فتيس اوتوماتيك ويبقى عندى اختيارات كتيرة
انى اركب الموتور بالعرض
زى كده





بس فى شوية مشاكل
اولا الموتور والفتيس الى فى الصور دى بتوع
الـ Toyota Aygo

هو لف الفتيس اكتر من 90 درجة عشان الاكسات تعرف توصل للعجل وعمل ادبتر للفتيس



واضطر يقطع من كرتيرة الزيت عشان يعرف يعدى الكبالن للعجل

هنا






كل ده جميل بس انا معرفش اعمل الكلام ده لانى هركب فتيس اوتوماتيك مش هقدر الفه كده عشان الزيت

(ده الى اكتشفته يعنى)

طب انا لو خدت اى فتيس جر امامى وقلبته عشان الاكسات تبقى ناحية العجل لجوا ده معناه انى هينتهى بيا الحال باربع او خمس غيارات لورا وواحد بس لقدام

العربية هتمشى لورا

طيب يبقى ايه الحل؟؟؟؟؟؟؟؟؟؟؟؟

اننا نجيب فتيس من ماتور بيلف عكس
يعنى لو موتورنا بيلف مع عقارب الساعة (الى هو الاونو مثلا) يبقى الفتيس يجى بتاع موتور بيلف عكس عقارب الساعة
clockwise & anti-clockwise

(مع انى معرفش اصلا الانو بيلف ازاى؟)


المهم

الى عرفته ان مواتير الهوندا بتلف عكس وبالتالى نجيب فتيس هوندا
(معلومة عايز اتاكد منها 100% قبل اما ابدا طبعا فعايز رايكم)

انا عملت شوية بحث عالنت عالهوندا

فالى فهمته انها بتلف عكس عقارب الساعة مع ان معظم العربيات بتلف مع عقارب الساعة
وبالتالى تبقى بتلف عكس الفيات لو افترضنا ان كل الفيات بيلف مع عقارب الساعة مع انى شوفت موضوعات عن مواتير فيات بتلف عكس بعضها فمش فاهم
انا اصلا فى العربية دى لما روحت اشترى مارش لقيت مارش بيلف يمين والتانى شمال وبالتالى يبقى المووتور فيه منه واحد يمين وواحد شمال (ولا ايه بقى ؟)

المهم على الافتراض الى انا افترضته انا عملت شوية صور توضح الى فى دماغى
الاول قبل الصور وانا بدور على فتيسات الهوندا لقيت الموديل ده HONDA CIVIC HX CVT GEARBOX واعتقد ده الى منتشر عندنا هنا (مش متاكد برده) دى يفيدنا فينا الناس بتوع الهندا


هو عموما الفتيس بينفع لموديلات
1996 و 1997 و 1998 و 1999 و 2000
ودى صوره على ايباى لو حد عارفه
http://www.ebay.com/itm/96-97-98-99-...-/310633780772



الغريب ان الفتيس ده من الصور كده شكل حجمه صغير بالمقارنة بالفتيسات التانية ودى حاجة ممتازة

دى صورة توضيحية لمواتير الهوندا والفيات واحد شمال والتانى يمين

عشان الى تاه منى فى موضوع عقارب الساعة واللفة الطويلة دى





البروز الى فوق الموتور ده انا عامله كدليل لاتجاه دوران الموتور عشان لما نلفهم نعرف كل واحد حركته فى انى اتجاه بافتراض انهم عكس بعض زى ما اتفقنا

الصورة الى جاية بقى بتبين موتوتور الهوندا بفتيسه لو دورناه 180 درجة عشان نعرف اتجاه حركته فين



وزى ما هو واضح اتجاه الحركة هيخلى العربية عندى تمشى لورا بدل قدام لاننا لفينا الموتور والفتيس

الحل بقى اننا ناخد فتيس الهوندا على وضعه كده ونركبه على موتور فيات وبما ان موتور الفيات بيلف عكس الاتجاه يبقى ظبطنا الحركة والعربية تمشى لقدام عادى

زى ما هو فى الصورة الى جاية كده



طبعا السؤال هنا مش ممكن يبقى ميكانزم الفتيس نفسه برده مقلوب وكل ده يبقى فشنك


الصراحة مش عارف انا قولت اوضح الى بيدور فى دماغى عشان نتناقش فيه


انا كنت فاكر ان كل الموديلات الهوندا من التسعينات لحد الفين الاوتوماتيك فيها cvt بس لقيت انى فاهم غلط فى اوتوماتيك عادى وفى cvt


المهم انا لقيت ان فى فتيسات اوتوماتيك عادى وفى حاجة اسمها واطى وعالى والواطى تقريبا بنص تمن العالى وبيبقى اصغر

وبيحطولهم زيت كهربا (ايه زيت كهربا ده ؟)

فانا كده تهت معرفش ايه الموديلات الى فيها كده والى فيها كده عشان ادور عليها واشوف احجامها وزيتها وكده

وطبعا محتاجين نزله بور سعيد فصعب اروح اشيك لى الحاجة بس انا ناوى اخد صنايعى معرفة معايا وانزل اجيب الموتور والفتيس مع بعض فعايز اسيرش الاول عشان انزل على موديل وسنة وعارف بجيب ايه

فطالما التارجت اوتوماتيك يبقى العادى ولا cvt
وادور عليهم فى موديلات ايه

سؤال رفيع كمان

هو انا لو هجيب موتور فيات وفتيس هوندا لازم اجيب دفيرة الموتور بتاعته ودفيرة الفتيس ( وسربنتينت الزيت بتاعته والدراع بتاع الفتيس بتاع نفس العربية بتاعت الفتيس وسلكه؟) وهل محتاج الفولام بتاع الموتور الهوندا؟
انا كده صح ولا حاجة ناقصانى او مزودها وملهاش داعى

انا كده كده الموتور لازم يبقى بكومبرسور التكييف ومكنة الباور ومش هاجيبه الا كامل بدفيرته معادا الفتيس بس فى الغالب انا مرتاح للاونو التربو 1400 بس ده برده هيتوقف وانا بشترى على اتجاه الدوران ومكان رقم الموتور (هبقى اضبطها وانا هناك ان شاء الله)

فدلوقتى ايه الافضلى فالفتيس

اوتو عادى ولا cvt وليه

وسمعت كمان ان زيت الفتيسات ال cvt غالى جدا ومش موجود ايه صحة الكلام ده واسعاره


فلو حد من الناس الى ليها فى الهوندا يقد يفيدنا نجيب ايه وهنعمل ايه مع الكونترول تاع الفتيس


وايه الفرق بين العالى والواطى والاسعار وكده يبقى جزاكم الله كل خير

معلومة قالهالى واحد صاحبى بيشتغل فى التكيفات
ان الهيونداى اكسل فيها عربيات موتيرها ناحية السواق زى الهوندا فممكن تكون بتلف عكس والله اعلم يعنى
والاكسل فى منها اوتوماتيك وبالتالى على افتراضات اتجاهات الدوران الى انا مش فاهم فيها حاجة دى يبقى العربية دى كمان تدخل فى الموضوع زى الهوندا وقطع غيارها سهلة بس معرفش الاوتوماتيك منها ايه ظروفه ومتوفر ولا ايه





ولا يمين من شمال مش هتفرق

برده مش فاهم موضوع الدوران عدل وعكس ده هيجننى

طبعا الموضوع فيه شغل كتير سواء الميكانيكا او غيرها

تعديلات للعفشة والفرامل و و و بس انا معنديش استعداد اعمل كل التعب ده والمصاريف دى وانا مش مفتنع بالى هركبه

عشان كده موضوع الفتيس الاوتوماتيك ده مصيرى للفكرة دى لو ممشيش هكنسلها

انا زهقت وبقالى كتير اوى بدور فى الموضوع ده وعملت الموضوع ده كاخر امل ليا

انا طبعا اتفرجت على مواضيع تعديل ال 126 والسيات ال 133

بتاعت استاذ
cars admire

والله الانسان ده محترم جدا وخدوم جدا انا طلعت عينه بقالى 3 شهور اسئله وهو صابر عليا

ان شاء الله ربنا يكرمك cars admire ويزيدك

واعزرنى على التعب الى تعبتهولك الفترة الى فاتت


انا مجمع معلومات كتير و صور وفديوهات ومواقع تقريبا لكل تعديلات العربية
موضوع الفتيس ده الى مقدرتش الاقيله حل

وعموما ان شاء الله لو الموضوع مشى انا هابديت خطوات الشغل هنا بالصور والفديوهات ونتناقش فيها كلنا بخطواتها

بس ده لو الموضوع مشى اصلا

لو حد يعرف حد له فى القصة دى او فاهم فى شغل الهوندا او يقدر يفيدنا بحاجة ياريت يضيفه معانا فى الموضوع

معلش طولت عليكم بس حبيت اعرض المشكلة بشكل واضح

سلام عليكم













التعديل الأخير تم بواسطة eslamafify ; 23-09-2013 الساعة 09:32 PM
رد مع اقتباس
  #2  
قديم 23-09-2013, 10:00 PM
cars admire
Guest
 
المشاركات: n/a
عاجل رد: تعديل فيات 126 لاوتوماتيك ... وبعض المشاكل ...

R OSE4U
رد مع اقتباس
  #3  
قديم 23-09-2013, 10:29 PM
atgps atgps غير متواجد حالياً

 
تاريخ التسجيل: Aug 2009
المشاركات: 1,023
atgps has a reputation beyond reputeatgps has a reputation beyond reputeatgps has a reputation beyond reputeatgps has a reputation beyond reputeatgps has a reputation beyond reputeatgps has a reputation beyond reputeatgps has a reputation beyond reputeatgps has a reputation beyond reputeatgps has a reputation beyond reputeatgps has a reputation beyond reputeatgps has a reputation beyond repute
افتراضي رد: تعديل فيات 126 لاوتوماتيك ... وبعض المشاكل ...

مبدئيا، لايمكن تركيب موتور بعكس دوران الموتور الأصلى للفتيس الاوتوماتيك، لأن تصميم الفيتيس الاوتوماتيك يعتمد على اتجاة دوران أساسى لايمكن عكسه.
__________________

رد مع اقتباس
  #4  
قديم 23-09-2013, 10:56 PM
الصورة الرمزية ramy safwt
ramy safwt ramy safwt غير متواجد حالياً
من انا؟: The Toy maker
التخصص العملى: CEO
هواياتي: innovation
 
تاريخ التسجيل: Jun 2013
الموقع: Cairo
المشاركات: 436
ramy safwt has a reputation beyond reputeramy safwt has a reputation beyond reputeramy safwt has a reputation beyond reputeramy safwt has a reputation beyond reputeramy safwt has a reputation beyond reputeramy safwt has a reputation beyond reputeramy safwt has a reputation beyond reputeramy safwt has a reputation beyond reputeramy safwt has a reputation beyond reputeramy safwt has a reputation beyond reputeramy safwt has a reputation beyond repute
افتراضي رد: تعديل فيات 126 لاوتوماتيك ... وبعض المشاكل ...

بص انا مش فاهم ليه انت متمسك بال 26 و اللى هتصرفه عليها

لكن عشان تعمل موضوع زى فأنت محتاج تلغى الكونترول بتاع الاوتوماتك و تعمله كارت تحكم مخصوص

عشان تركب فتيس امامى بالخلف فده قصة غريبة الصراحة بس دية ليها حلين

الحل الاول انت تاخد الفتيس الامامى تحطه قدام و توصل بيه و بين الموتور بالخلف بقنطرة و ده معناه مش كيون عندك مساحة للشنطة لكن هيكون معاك عزم و ثبات معقول

الحل الثانى انك تركب ريفيرس جير بوكس 1:1 قبل الكبالن يعنى الريفيرس ده هيركب قبل الكوبلن الداخلى على الفتيس و الكوبلن الداخلى هيركب فيه هو شخصيا و طبعا ده فى الناحيتين


السؤال اللى عاوز افهمه ايه الحسابات العلمية اللى اتبنى عليها نقل فتيس جر امامى ليقوم بوظيفة دفع خلفى ؟؟
__________________

رد مع اقتباس
  #5  
قديم 24-09-2013, 12:04 AM
الصورة الرمزية amr elsisi 1
amr elsisi 1 amr elsisi 1 غير متواجد حالياً

التخصص العملى: مفتش صيانة
 
تاريخ التسجيل: Oct 2011
الموقع: الاسكندرية
المشاركات: 2,464
amr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond repute
افتراضي رد: تعديل فيات 126 لاوتوماتيك ... وبعض المشاكل ...

انا مش عارف اقول لك اية
خايف تزعل مني
عامتا ربنا يعينك
__________________

]من اهم مواضيعي المصورة
http://masrmotors.com/vb/showthread.php?t=90049 (كيف تتعرف علي قدرة المحرك)
http://masrmotors.com/vb/showthread.php?t=111175 (كيف تعتني بدورة التبريد)
http://www.masrmotors.com/vb/showthread.php?t=124669(شرح دورة الوقود وتنظيف الرشاشات)

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
رد مع اقتباس
إضافة رد

الكلمات الدليلية
126, اوتوماتيك, رامى صفوت, هيدروجين, كارز ادماير

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:09 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017