الفرق بين بنزين 80 و92

[جمال عبدة]

اخواني الخبراء انا قرات المشاركة دي بس بجد مش عارف هل دا كلام جد ولا تهيئات
فحبيت انقلة لكم ليقول الخبراء رايهم لنعرف من الصح ومن الخطأ

طب اية الفرق بين الـ 80 وال 92
هل نسب الشوائب اكثر فى الـ 80 عنة فى الـ 92 ؟؟؟ الاجابة لا
هل تنكات البنزين فى المحطات مختلفه من حيث خامة التنك او الاعتناء بنضافة اكثر من الـ 80 ؟ الاجابة لا
طب هل طالما المحرك رشاشات وليس كربراتير يبقى اجبارى احط 92؟الاجابة لا بدليل ان محركات الديزل حقن مباشر والوقود زيت الديزل مش بنزين 80 الاخف
هل بنزين الـ 80 يوجد به مياه اكثر من الـ 92 ؟ الاجابة لا لان البنزينة اللى بتغش البنزين بمياه مش هاتفرق ولو ان ما فيش بنزينة بتغش البنزين باى مادة تانية وانما ممكن تكون الخزانات صدت وتسرب اليها مياه جوفية المهم ان حتى لو البنزينة هاتغش البنزين بمياه لية هاتغش 80 وتسيب 92
طب اية الحكاية؟
الفكرة كلها فى تصميم المحركات ونسب الانضغاط ......قديما كانت نسب انضغاط المحرك تقريبا 1:8 والان فى المحركات الحديثة نسب الانضغاط 1:12
طب اية الاضرار الى ممكن تحدث نتيجة استخدام بنزين 80 ؟ الاجابة وطبعا راى شخصى لا يوجد اى اضرار من استخدامة ولو سلمنا جدلا ودة مش بيحصل ان الرشاشات تتسد نتيجة استخدام 80 نحسب هاتتسد بعد فترة اد اية ونشوف تمنهم كام ونحسبها حسبة اقتصادية
الاخ اللى بقول ان بنزين 80 بيضر حتى العربيات القديمة !!!!! هل ايام تصنيع تلك العربيات كان يوجد بنزين 90 ؟؟؟؟
على فكرة زمان ولو فى حد فاكر كان فى بنزين عادة وبنزين سوبر للى فاكر البنزين الاخضر والاحمر وكان الـ 80 دة هو السوبر

[eng/walaaeldeen]

السلام عليكم
اخيرا حد كتب كلام مظبوط
احب ان اضيف ان البنزين 80 المشكله في ان درجة الأشتعال الذاتي له اقل من 90 وال90 اقل من 92 وهكذا فلهذا السبب لا يستحمل نسبة انضغاط عاليه لذلك يشتعل قبل ميعاده فيسبب موجة اشتعال غير الموجه القادمه من شمعة الأشعال

لذلك نسمع صوت التسفيق(صوت حديد بيخبط في بعضه) وكأن السياره مقدمه كهرباء
ورقم الأوكتان ليس له علاقه بنظافة البنزين
والله المستعان

[جمال عبدة]

شكرا باشمهندس وليد علي مروركم الكريم

[myson medo]

المشاركة الأصلية كتبت بواسطة eng/walaaeldeen السلام عليكم اخيرا حد كتب كلام مظبوط احب ان اضيف ان البنزين 80 المشكله في ان درجة الأشتعال الذاتي له اقل من 90 وال90 اقل من 92 وهكذا فلهذا السبب لا يستحمل نسبة انضغاط عاليه لذلك يشتعل قبل ميعاده فيسبب موجة اشتعال غير الموجه القادمه من شمعة الأشعال لذلك نسمع صوت التسفيق(صوت حديد بيخبط في بعضه) وكأن السياره مقدمه كهرباء ورقم الأوكتان ليس له علاقه بنظافة البنزين والله المستعان

يعنى أفهم من كده ان مفيش فرق يخوف بينهم غير فترة الاشتعال
وان ممكن اى عربية تحط 80 بدون مشاكل حتى الحديثة ؟؟؟

[mr_astra]

على فكرة
انا اللى كاتب الكلام المقتبس دة
وبعترض على الجملة دى

هل دا كلام جد ولا تهيئات

كان افضل انك تعمل مشاركة وتسال فيها عن اللى انت عاوزة بدون ما تقول على كلام حد انة تهيئات