توكيل EIM بالاسكندرية شكرا!!!

[spear7]

يا حالولي طيب حلو و الله طبعا دة رعب منهم بسبب ان الشركة الام في فرنسا مستحلفة لهم عشان الميجان 2 اللي سمعتها بقت في البزرميط زائد ان القطاع الفرنسي عاوز يدخل سوق مصر تاني بقوة بعد سنوات عجاف في مجال الفرنسي هما كدة يلفوا يلفوا و ميلقوش سوق غيرنا يلا المهم الحمدلله و ربنا يبارك في اللوجان لكل من تملكها و حقيقي عربية محترمة و تستحق كل قرش اندفع فيها و يارب دايما كدة

[mokhtar872000]

المشاركة الأصلية كتبت بواسطة akerima السلام عليكم انا زي ما انتم عارفين معايا لوجان بقالها 3 شهور يوم 29/09 اللي فات رحت التوكيل عشان كان عندي صوت تكة في العفشة ورا والصوت ده من يوم ما جبت العربية مش جديد بس زاد شوية وانا بقيت واخد بالي منة جامد المهم انا كنت مركب حلية علي الشكمان فقلولي ان ممكن يكون الصوت منها بس انا اقنعتهم ان الصوت ده من الاول وبعدين جالي التقرير ان العفشة اتربطت - عفشة ايه يا جماعة بقولكو الصوت من ساعة مجبت العربية المهم خدت العربية ومشيت وانا متاكد ان الصوت متعالجش ولشدة دهشتي ان الصوت اتعالج والعربية مشاء الله كمان فاقت وبقت خرافية مش ده المهم اللي جاي هو اللي خلاني احترمت الناس دي جدا من يومين لقيت التليفون بيرن ايوه مين احنا توكيل رينو العربية معاك تمام تمام جدا الحمد لله حتي لو مش تمام كفاية السؤال يا جماعة!!!! فبجد شكرا توكيل رينو الاسكندرية المحترم ويا رب تفضلوا كدة علي طول ويخللنا الحلوة لوجي

تمام يا باشا انا برضه بعمل الصيانه فى رينو اسكندريه اللى فى العامريه وفعلا ناس محترمين جدا وكانوا كلمونى بعد صيانه ال5000 كم وسالونى عن رايى فى الخدمه ولو ليا اى شكاوى بصراحه توكيل محترم جدا وى حاجه بتحببنى فى العربيه اكتر