|
#1
03-12-2010, 12:05 AM
|
|||
|
|||
كام سؤال كدا محيرنى
تحية وتقدير لكل أعضاء هذا المنتدى
عندى كام حاجة كدا عملنلى قلق شوية،، أولا بحس ان الموتور عالى شوية مع ان معنديش ار بى ام فى العربية بس بحس انه ساعات كدا بيعلى معايا وبحس اكنى كابس سنة بنزين مع انى شيكت على الواير والبكرة بتوع البنزين ومفيش فيهم اى مشاكل... ثانيا: ليه العربية اما تكبس لها بنزين ساعات قليلة وانا مثلا على الأول او الثانى وكبست على البنزين بحس ان العربية بتخنق وبعد كدا تكسب عادى مع العلم انى مغير رشاشات اللانوس بأكسنت ثالثا: صوت مجننى من ساعة مجبت العربية ومحدش عارف يوصله وانا بينى وبينكم زهقت وبنسى نفسى وبعلى الكاسيت علشان مسمعهوش... الصوت بقى عامل زى صوت صامولة مفكوكة او مسمار مفكوك من ناحية الفردة الشمال كدا بسمعه امتى بقى فى النقر الصغيرة وانا ماشى على الأول او التانى ولما احب اسمعه ويوحشنى صوته بطلع بالعربية على التانى ترج طبعا العربية وتسمع صوت التنقير الرذل دا ياريت الاقى حد فى النقطة دى بالذات يساعدنى لأنى خلاص تعبت منها... رابعاً: صوت تكة فى الدربياج مع النقلات ساعات بسمعه وانا بشير رجل من على الدبرياج بسمع صوت تك تك تك كدا ومثلا لو ماشى فى اشارة زحمة بشيل رجلى من على الدبرياج خفيف العربية بتطلع معايا خفيف قوى كدا بحس بحاجة بتحك فى الدبرياج وصوت خشونة كدا فى اول طالعة الدبرياج،،، بالإضافة طبعا لصوت ونة مع السلانسيه ودى طبعا بلية ياترى الحكة دى بتكون من الفرش ولا ايه؟؟؟ العربية لانوس 1 موديل 99 عاملة 151 ألف كيلو معلش انا طولت وغلست شوية وأكون شاكر ليكم المساعدة 
|
|
#2
03-12-2010, 12:17 AM
|
||||
|
||||
رد: كام سؤال كدا محيرنى
وتزيتها من جانبى أكس البوابه من الداخل بال wd 40 مع التليين لحركة الأكس من البكره لتحسين أشارة حساس البوابه
أو بوش فى صوابع كالبر فرامل الفرده دى
وحتحتاج تخش فى عمرة دبرياج وخصوصا لو لم يسبق لك عمل عمره للدبرياج والعربيه عامله كيللوات كتير لأن كل حاجه وليها عمر حتى الأنسان مننا وليه عمر محدد عند الله عموما أنصح بمعالجة الصوت الأولانى كما بينت لك لدى عفشجى فاهم وشوف الجديد حيكون أيه
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#3
03-12-2010, 12:26 AM
|
|||
|
|||
|
رد: كام سؤال كدا محيرنى
بشمهندس سمير الغالى والله وحشتنى ردودك الجميلة تسلم يا اخى الكبير العزيز على ردك السريع
بالنسبة لتنظيف البلف والبوابة نظفتهم بإيدى بمنظف كاربرتير و WD 40 للتزيت زى مقولت بالظبط بس برضوا بحس بعلو فى الموتور ساعات... بالنسبة طيب فى موضوع الدبرياج الصراحة انا شاريها عاملة 145 الف عملت 6 الاف كيلو بس ومعرفش هو كان متغير قبل كدا ولا لاء الديس والإسطوانة بس البلية واضح انها فى اخر عمرها الخشونة والحكة اللى بحس بيها وانا بشيل رجلى من على الدبرياج خفيف جدا فى الأولانى دى ممكن الفرش علشان وانا فاكك مرة واحدة بالمرة؟؟؟
__________________
|
|
#4
03-12-2010, 12:40 AM
|
||||
|
||||
|
رد: كام سؤال كدا محيرنى
حقولك على حاجه لفتت نظرى يا أبو آدم ( بارك الله لك فيه وجعله ولدا صالحا وقرة عين لك )
طالما أنت شاكك فى الدبرياج وإللى بيعمله معاك فوارد جدا مع عمل عمره جيده له تشمل تغيير الأسطوانه والبليه والديسك والفورش تتلاشى المشكله دى كمان
مع عدم وجود أستجابه جيده فى السحب مع تعب سوست الديسك عمر الدبرياج صح وستجد كل مشاكل السحب وعلو المكنه والرجرجه راحت بأذن الله
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#5
03-12-2010, 01:23 AM
|
|||
|
|||
رد: كام سؤال كدا محيرنى
ربنا يخليك يا بشمهندس سمير ويبارك فيك يارب ويطمن قلبك دايما زى منتا مطمن قلوبنا ومريحنا دايما كدا...
إن شاء الله كل اللى يجيبه ربنا خير بأمر الله واللى فيه الخير يقدمهولنا وجزاك الله كل خير ويخليك لينا ياكبير 
__________________
|
 |
|
|
و أصبحت 
عندى كام حاجة كدا عملنلى قلق شوية،، أولا بحس ان الموتور عالى شوية مع ان معنديش ار بى ام فى العربية بس بحس انه ساعات كدا بيعلى معايا وبحس اكنى كابس سنة بنزين مع انى شيكت على الواير والبكرة بتوع البنزين ومفيش فيهم اى مشاكل...
