|
|||||||
| رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
 |
|
|
أدوات الموضوع |
|
#1
06-07-2011, 02:00 AM
|
|||
|
|||
نويت وعزمت النية ومحتاج مساعدتكم بشدة
السلام عليكم زملاء المنتدي الكرام
بعد بحث طويل وشاق للحصول علي اول عربية ليه ومع خبريتي الضئيلة في القيادة وخبرتي في انواع السيارات اللي اكتسبتها من منتداكم الكريم وبعد فشلي في العثور علي سيارة مستعملة محترمة متتعبنيش ويكون في نفس الوقت سعرها لقطة(وفشلت في هذا) فقررت ان اشتري سيارة جديدة وابتدي معها واحدة واحدة في السواقة وبعد الفحص والتمحيص الشديد ومع الامكانيات المحدودة استخرت الله في شراء لوجان(وربنا يستر) (بعد سهر ليالي مع مقارنات مع اللانوس والفرنا و الساجا معلش اول عربية ليه والفلوس مابتجيش بالساهل) فكنت عاوز من حضراتكم تنصحوني ,انا ان شاء الله ناوي اجيبها كاش(توتو علي كبوتو) بعد عمل جمعيه رهيبة بدل وجع دماغ التقسيط والناس اللي بتقول حرام وكنت عاوز اروح احجزها الاسبوع اللي جاي فكنت عاوز اعرف احسن مكان في اسكندرية احجزها منه (انا كنت رحت المصرية النهاردة وبداءو الكلام علي 71 الف موديل 2011 وقاللولي ممكن مع الجدية السعر ينزل شوية والتسليم بعد يومين بالظبط) فهل كدة معقول ولا ممكن الاقي مكان احسن اجيبها منه زي التوكيل او طارق او اباظه فكنت عاوز نصيحتكم , ثانيا ايه هي احسن الوان لللوجان وايه هي الحاجات اللي بستلمها مع العربية وايه هو الورق اللي همضي عليه وقت الحجز وقت دفع باقي المبلغ والاستلام معلش انا بتقل عليكم بس ده من عشمي وشكرا اخوكم دكتور محمود 
|
|
#2
06-07-2011, 02:11 AM
|
|||
|
|||
|
رد: نويت وعزمت النية ومحتاج مساعدتكم بشدة
انا داخل بس اقول لحضرتك الف مبروك وربنا يديك خيرها ويكفيك شرها والعربية بسم الله ما شاء الله انتشرت بطريقة كبيرة جدا ولو ان سعرها رفع جامد يجي 3000 جنيه بس هيه تستاهل وقريب ان شاء الله قطع غيارها هتبقي متوفرة زيها زي الفيرنا والانوس انا بقولك كدا وانا معايا الفيرنا علي فكرة مش معايا لوجن
ويارتني كنت من اسكندرية علشان اقدر افيدك وبعدين حبايبنا الاسكندرانية مغرقين المنتدي ان شاء الله واحد منهم هيقدر يفيدك في المكان الصحيح
|
|
#3
06-07-2011, 10:01 AM
|
||||
|
||||
|
رد: نويت وعزمت النية ومحتاج مساعدتكم بشدة
اسكندرية فيها كذا واحد بص نصحتي ليك روح هاتها من عند الطارق اللي في ستي سنتر (كارفور) عشان بخفضها 500ج عن تمنها وعنده منها باذن الله كل الالوان والموديلات وبيخلص ورقها في اقل من 3ايام - ومبروك عليك اللوجان مقدما ربنا يديك خيرها ويكفيك شرها ونشوفك بيها منور اسكندرية
__________________
فى كل شارع فى بلادى صوت الحريه بينادى     Ashraf Kerima
|
|
#4
06-07-2011, 11:06 AM
|
|||
|
|||
|
رد: نويت وعزمت النية ومحتاج مساعدتكم بشدة
مبروك مقدما و ربنا يباركلك فيها و يكفيك شرها .
و بالنسبة لمكان الشراء فأبعد عن المصرية تماما و روح احجز من عند الطارق اسماعيل _ كارفور و هيديلك موديل 2012 ب 71000 جنيه و بلاش المصرية هناك شوية نصابين .
|
|
#5
06-07-2011, 12:12 PM
|
|||
|
|||
|
رد: نويت وعزمت النية ومحتاج مساعدتكم بشدة
الف مبروك مقدما وربنا يبارك لك فيها ويعطيك خيرها ويكفيك شرها
انا للاسف مش من اسكندرية ومقدرش افيدك فى جزئية المعرض لكن بالنسبة للاوراق طبعا تاخد منهم عقد الشراء وتتاكد من رقم الشاسيه والموتور المكتوب فى العقد يكون مطابق مع شهادة الافراج الجمركى والسيارة اللى انت هاتستلمها وده شيء مهم جدا علشان المرور بالنسبة للالوان اعتقد ان الالوان كلها حلوة والاختيار راجع الى ذوقك اما الاشياء اللى تراجعها فى السيارة ( كتالوج السيارة - شوف قراءة عداد الكيلومتر - تستلم كوريك واستبن ومفتاح عجل - راجع على السيارة من الخارج مفيش خدوش او خبطات - طاسات الحلية للعجل ) وفى النهاية راجع مع المعرض كيفية استخدام الزراير والاوبشن اللى فى السيارة - بعد استلامك للسيارة باذن الله يوجد بعض النصائح عند القيادة اول 1000 كم وده للمحافظة على السيارة وهى * اولا خلى القيادة هادئة وبلاش التسارع المفاجيء * ثانيا لا تتخطى 3 rpm فى الالف الاولى * ثالثا بلاش تشغل التكييف بعد ما تخلص الالف كيلو تمتع بالقيادة وربنا يبارك لك فيها
|
|
|
|
