اللي يفهم في السمكرة ياريت يتفضل و يقولي هل الخبطة ديه تترد عادي ولا صعب

[AbOnOrA]

بص يا باشا انت عندك 3 حلول ملهمش رابع

1- تسيبها على كدة وتحافظ على فلوسك وعلى دهان الفابريكا وخليها تاخد العين زى ما بيقولو

2- تردها على البارد وديه اوفر حاجة (100ج) مثلا وهتبقى برضو حافظت على دهان الفابريكا بس خد بالك هتفضل باينة خاصة الاثار اللى على طرف الباب

3- تترد على السخن (واشغل هيبقى فى حدود الباب بس خد بالك علشان محدش يخليك ترش العربيه كلها ) يستعدل الباب ع النار ويدقه مرة واتنين وعشرة لحد ما يظبطه بعدين معجون ودهان بس طبعاً يجيب نفس درجة اللون علشان لما يركب الباب بعد الدهان ميبقاش لونة باين مختلف عن باقى العربيه
وانصحك فى حالتك ديه تفكله الباب ويشتغل فيه لوحدة متسيبش العربيه كلها

فى الحالة التالتة هتبقى احسن نتيجة بس اعلى مصروف فلوس وهتاخد وقت اطول فى الاستعدال والدهان وهيبقى الباب مش فابريكا طبعاً
بس كنضافة خليه يرشلك الباب دواخل كمان

[Toyota Corolla]

ألف شكر علي الرد يا أستاذ وائل

أنا مش باصصلها من ناحية التكلفة أنا بفكر دلوقتي في انها لو اترشت ده هينزل من سعرها و هتقرفني علي ما تتباع فا غالبا هعملها عالبارد و امري لله و شكرا مرة أخري علي الافادة .

[AbOnOrA]

انا فاهم قصدك بس عموماً رش الجوانب مش قضيه كبيرة لانها حاجات ممكن استبدالها يعنى ممكن تغير باب او رفرف امامى بس المشكلة فى الاساسيات حلوق الباب والعتب وقوائم وحوض وشنطة ديه الحاجات اللى تنزل من السعر جامد

[Toyota Corolla]

يعني حضرتك شايف انه لما يترد عالساخن و يترش السعر مش هيتأثر جامد ؟

[مصطفي توني]

ردها علي الساخن ورش الباب وسعر العربية مش هيتأثر اوي يعني زي مالاخوة الافاضل وضحوا لك وبعدين طالما مش راشة دواخل مفيش مشكلة ساعتها يعني باذن الله