العودة   مصر موتورز مجتمع السيارات > السيارات اليابانية > سوزوكى Suzuki

سوزوكى Suzuki بدات شركة سوزوكى نشاطها فى عام 1909 كشركة اقمشة لاكن مع الثورة الصناعية فى اليابان تحولت لانتاج السيارات عام 1952 وهيا تخضع حاليا لشركة جنرال موتورز حيث تملك الاخيرة نسبة 20% من اسهمها كما تمتلك سوزوكى شركة ماروتى الهندية Maruti من اشهر موديلاتها: سويفت ماروتى التو ليانا وايجنيس وجيمنى وجراند فيتارا و SX4 XL7


إضافة رد
 
أدوات الموضوع
  #1  
قديم 05-07-2016, 11:23 PM
الصورة الرمزية ezzat2002mo
ezzat2002mo ezzat2002mo غير متواجد حالياً
التخصص العملى: محاسب فى هيئه قناة السويس
 
تاريخ التسجيل: May 2009
الموقع: الاسماعيليه
المشاركات: 444
ezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant future
افتراضي اشتريت التو 2008 انجكشن

السلام عليكم اعضاء المنتدى الكرام


انا بفضل الله اشتريت التو 2008 1100 سي سي النجكشن مكيفة وحبيت انقل تجربتى مع العربية دى بعد تجارب سابقة من 128 الى نيسان صنى 2008 و اليارس 2009 اوتوماتيك حتى الالتو


انا طبعا كان المبلغ معى لا يتجاوز ال 40 الف جنية وانا مقتنع بانى اجيب موديل عالى والعربية تكون صغيرة عن انى اجيب عربية كبيرة والموديل يكون بعيد



كان قدامى عدة اختيارات منها الفليشيا 99 مكيفة لكن سمعت عن مشاكل موتورها فبلاش وكمان كان قدامى السيينا لكن مش عارف لية انا مش حاببها وكمان العربية دى صاجها زبالة وبتجيب بارومة بسرعة والاكسنت والاكسيل بس ملقتش يومها حاجة كويسة والحلوة كانت ب 47 الف يعنى مش قد امكاناتى

بصراحة انا رايح وناوى على الالتو لانى بجد عاوز عربية صغيرة ومحندقة لان مشاويرى فى الاسماعيلية قليلة جدا ومبسافرش كتير اخرى هايبر وكارفور مرة كل كام شهر وكمان علشان مراتى ناوية تتعلم السواقة وتدخلنى السجن لانى عارف سواقتها هتكون ازاى ربنا يستر

[SIZE="4"]
المهم رحت سوق مدينة نصر الحى العاشر ولفيت شوية ملقتش حاجة عدلة غير واحدة حمراء 2008 مكيفة انجكشن 4 سلندر باور وازاز كهرباء وحالتها كويسة فاصلت فيها واخدتها على 38 الف جنية
[/SIZE



ملاحظاتى على السيارة
السحب ممتاز جاى بيها من القاهرة على 100 وثباتها كويس جدا لكن فى وسط المدينة التكييف بياثر على السحب ولازم تزود رجلك على البنزين علشان تجيب معاك
التكييف بتاعها ثلاجة بمعنى الكلمة وعندى احسن من النيسان لانه تقريبا كان عاوز يتشحن وبرضة احسن من اليارس بصراحة رائع
الصوت مكتوم لانها عربية انجكشن بس مع التكييف الصوت بيعلى شوية لكن عادى ومقبول ومع قفلة الازاز مش بسمع صوت عالى
الصالون جميل وكويس لكن فى رايي لا يصلح الا لاسرة صغيرة اخرها اربعة افراد بالغيىن وللسفر مانصحش بيها لان السحب هيكون ضعيف مع العدد 4 يعنى اخرها مشوار القاهرة 120 كم كل شهر مرة لانها عربية صغيرة ومعمولة للمشاوير القصيرة

التابلوة جميل تقليدى انوارة هادئة فية كل المؤشرات اللى الواحد بيحتاجها يعنى الزيت والبطارية والابواب والبنزين وال rpm والكم وفرامل اليد والحرارة والتكييف

الموتور هادئ جدا وكل حاجة فية واضحة انا لسة ماشتغلتش فى حاجة فيه الا البوجيهات بس ولما غيرتها لقيتها مقاس 14 والمحل قالى دى بتاعة الشارك والرينو وجبتها والله ب 140 جم

الشنطة الخلفية صغيرة جدا جدا جدا يادوب تحط فيها شنطة متوسطة او 2 صغيرين وممكن تشيل الرف اللى موجود فيه سماعتين ورا وساعتها المساحة هتتضاعف معاك

الصاج بتاعها بحس انه متين جدا عدا الرفارف حاسس انها ضعيفة ومش بتستحمل

استهلاك البنزين رائع وافضل بعد تغيير البوجيهات يعنى انا حسبتها تقريبا التانك 35 لتر مشلا حوالى 450 الى 500 كم معظمها والتكييف شغال وساعات بشغل العربية واقف بيها واسيب التكييف شغال يعنى استهلاك من 13-14.50 كم للتر فى رايي مع العلم انى مشيت نص التانك بالبويجات القديمة وكانت مهببة

طبعا الاكسسوارات ازاز كهرباء مساحات خلفية فتح الشنطة والتانك من الداخل لمبة الصالون مكانها جميل ومناسب فية درج فى التابلوة واسع ويشيل وكمان فى درج خارج التابلوة مفتوح بصراحة ملوش ريحة اللازمة ولو كانو خلوة زى اى تابلوة عادى كان اشيك وافضل وطبعا فى الموديلات الجديدة تلافوا الموضوع دة

لقيت الباب الخلفى اللى على مساعدين مبيفتحش للاخر وطبعا اللى باع لى العربية عامل اختراع عبقرى علشان يفضل مفتوح وميترزعش على دماغ الواحد جايب (دراع مقشة ) شفتوا العظمة المهم انا عملت حركة صايعة هبقى اقولكم عليها بعدين واستغنين عن دراع المقشة لانى سالت على المساعدين فى الاسماعيلية عندنا بيقولى 270 جم وانا شايف ان دة كتير جدا لان اخويا جايبهم للاسكودا فليشيا جداد ب 100 جم

عموما العربية جميلة ودمها خفيف والواحد حاسس انه سايق حمامة صغيرة بس المشكلة فى التعليقات من الناس اللى شافتنى معايا نيسات وتويوتا واول مشافونى بالالتو حسيت فى كلامهم بنوع من المواساة كان الحال اتقلب بيا وبقيت بشحت مثلا يا جماعة دى عربية زى اى عربية تانية فيها 4 كوتش و4 باب و4 سلنر

باذن الله لما اغير حاجة فيها هكتب تقرير علطول وحاسس ان العربية دى هتعمر معايا


رد مع اقتباس
  #2  
قديم 07-07-2016, 06:21 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: اشتريت التو 2008 انجكشن

والله انت راجل زى العسل كل سنة وانت طيب وبخير يارب والف مبروك ربنا يهبك خيرها ويكفيك شرها

اختيارك موفق وسيبك من هبل الناس اللى بتقدر العربية بالحجم وبس واحسن علشان متاخدش عين فيها بس الاخطر من العين عليك دلوقتى هو اللى انت قولته عن تعليم المدام السواقة ع العربيه .... اوعى تعمل كده انا بقولك اهوه جيبلها عربية 127 تخبط فيها براحتها

__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #3  
قديم 07-07-2016, 09:01 PM
الصورة الرمزية ezzat2002mo
ezzat2002mo ezzat2002mo غير متواجد حالياً
التخصص العملى: محاسب فى هيئه قناة السويس
 
تاريخ التسجيل: May 2009
الموقع: الاسماعيليه
المشاركات: 444
ezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant futureezzat2002mo has a brilliant future
افتراضي رد: اشتريت التو 2008 انجكشن

شكرا استاذ ابو نورا على زوقك
لكن للاسف معنديش استعداد اجيب عربية تانية علشان تتعلم عليها هغامر بالالتو وامرى لله واى حاجة هتحصل فيها هقول
(انا اللى جبت دة كله لنفسى)
رد مع اقتباس
  #4  
قديم 10-08-2018, 04:22 PM
kokololososo kokololososo غير متواجد حالياً
 
تاريخ التسجيل: Mar 2015
المشاركات: 27
kokololososo is on a distinguished road
افتراضي رد: اشتريت التو 2008 انجكشن

أنت راجل بتفهم إنك جبت التو وفعلا زي الأستاذ مقال وانا بضيف إن الناس فيهم غباء بيحبوا الفشخره والعربيه الكبيره والموتور ال 1600 أو 2000 وبعد كده تتطلع عينهم بتبأه عربيات زي التهمه....إنما الألتو كانت معاياه 2009 كانت ممتازه وإقتصاديه .....ومش مكلفه في الصيانة خالص....ولو لسه معاك أوعه تبعها وتفرط فيها ....
ولو حافظت علي موتورها ودورة التبريد العربيه تمشي معاك زي الفل.....
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
افضل عشر محركات فى العالم لعام 2008 AbOnOrA موضوعات متميزة 28 15-03-2012 11:34 AM
..... 30 غيغا بايت لسباقات 2008 !!!!!!!!!!!! SuMo رياضة المحركات 7 07-03-2009 05:23 PM
اسعار السيارات من بعد شهر 6 -2008 AbOnOrA سوق السيارات المصرية 55 12-02-2009 08:16 PM
اشتريت دايو 2008 kareem ميكانيكا السيارة 7 14-08-2008 07:00 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:41 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017