كام مصنعيه تغيير طقم الدبرياج ولو حد يعرف ميكانيكى لانوس فى جسر السويس

[maio_do]

السلام عليكم ورحمه الله وبركاته

يا رجالة انا الدبرياج عندى فصل كل مادوس عليه بيعمل صوت عالى

روحت سالت ميكانيكى قالى دا هيكون طقم دبرياج مع ان فيه ناس هنا قالت انوا ممكن يكون حاجه تانى


المشكلة انى مش فى مكانى والعربية مركونة فى جسر السويس وماعرفش حد هناك وسهل اوى ان اى حد يغير اى حاجه حتى لو هو مش خبره وينصب وياخد مصنعيه اكتر

فك الطقم دا بيبقى ليه مصنعيه فحدود كام ؟؟؟؟ ولو اى حد يعرف ميكانيكى كويس للانوس فى جسر السويس ويكون بيتقى ربنا يقولى عليه

[رامي ناجي]

المشاركة الأصلية كتبت بواسطة maio_do السلام عليكم ورحمه الله وبركاته يا رجالة انا الدبرياج عندى فصل كل مادوس عليه بيعمل صوت عالى روحت سالت ميكانيكى قالى دا هيكون طقم دبرياج مع ان فيه ناس هنا قالت انوا ممكن يكون حاجه تانى المشكلة انى مش فى مكانى والعربية مركونة فى جسر السويس وماعرفش حد هناك وسهل اوى ان اى حد يغير اى حاجه حتى لو هو مش خبره وينصب وياخد مصنعيه اكتر فك الطقم دا بيبقى ليه مصنعيه فحدود كام ؟؟؟؟ ولو اى حد يعرف ميكانيكى كويس للانوس فى جسر السويس ويكون بيتقى ربنا يقولى عليه

100ج زي الفل ولو فية صنيعي بيساعد وهو بيشتغل كدة لاغية ب 10 ج ووصية

[maio_do]

المشاركة الأصلية كتبت بواسطة رامي ناجي 100ج زي الفل ولو فية صنيعي بيساعد وهو بيشتغل كدة لاغية ب 10 ج ووصية

تمام يا معلم يا رب بس يكون الحوار خفيف لان العربيه لسه واخد 1600 جنية موبينه ووشوية اطقم كده

شكرا يا معلم لردك واهتمامك

[mr_astra]

انت محتاج تغير الماستر بس
اية اللى دخل طقم الدبرياج
كل مشاركاتك بتدل على العيب فى المساتر الرئيسى او الفرعى وممكن يكون حاجة بسيطة كمان زى تاخد هواء من دايرة الدبرياج
اما تروح للميكانيكى ما تقولوش عاوز اغير كذا ....خلية هو يجرب ويؤلك محتاجة اية

[maio_do]

المشاركة الأصلية كتبت بواسطة mr_astra انت محتاج تغير الماستر بس اية اللى دخل طقم الدبرياج كل مشاركاتك بتدل على العيب فى المساتر الرئيسى او الفرعى وممكن يكون حاجة بسيطة كمان زى تاخد هواء من دايرة الدبرياج اما تروح للميكانيكى ما تقولوش عاوز اغير كذا ....خلية هو يجرب ويؤلك محتاجة اية

يا معلم كلوا قال طقم دبرياج كذا ميكانيكى وهل الماستر بيكون الدبرياج بيروح ويجى فى العادى

وبيعمل صوت عالى كل مادوس دبرياج مع العلم ان الدبرياج مش ساقط؟