حاسس اني قرفان من العربية :(

[elwasty]

والله يا جماعة ضحكتوني انا كمان زميلكم في الكفاح بقالي سنتين الا حاجة بسيطة بس فعلا لازم الواحد يتعايش معاها ويستحملها لانها بجد في بعض الاوقات تسوى تقلها دهب رغم قلة الاصل اللي بتعملها معايا وربنا يكفينا شر الطريق ويوسع رزقنا جميعا ونقدر نغيرها للأحدث

[nasser rezk]

أ/ احمد قلبت علينا المواجع انصحك تتعايش معاها وتفتكردايما ان عمرها ما هتبقي زي العربية الحديثة اهم حاجة تخلي بالك من الميه والزيت وتظبط العفشة
اما موضوع الاصوات ده طبيعي جدا
وموضوع القرف ده كلنا مرينا بيه خد راحة شوية من المصاريف وان شاء الله نفسك تتفتح تاني

[ahmed oqda]

ههههههههههههههههههههههههه ه زمييييييييل فى الكفاح انا كمان بس مش فيات 28 دى نيسان داتسون بولسار 120A بس بصراحة العربية اصيييله جدااا بس الاصوات دى مضايقانى يعنى انا عندى طلعت على حجر خلعلى الرفرف الشمال من تحت فطول ما انا ماشى هو شغال درامز وازاز البابين لانها بابين اتنين بس الازازين دول عاملنلى روشه فى دماغى لدرجة انى بقفلهم واتفهم جوا العربية من الحر ولا انى اسمع الصوت دا
: crying:

[tata33]

السلام عليكم ورحمة الله انا قرأت كل المشاركات والحقيقة الموضوع اثار انتباهى جدا وحابب اقول رأيى . الحقيقة انا عندى سيارتين الحديث والقديم ماتريكس و127. مش هتصدقوا لو قلتولكو انى بحب ال 127 اكتر وباستمتع بيها . الفكرة ياجماعة ان كل حاجة وليها دور بتأديه يعنى مثلا تعالوا نحسب لما ال 128 وال 127 بتعطل شوفوا بنصرف كام والسيارة الحديثة بتصرف كام انا ب افول ال 127 ب 23 جنيه اما الماتريكس حلوفة بنزين . على فكرة السيارة القديمة بتروح للصنايعية بس حسب حالتها يعنى كل ماتشترى نظيف هتريح بالك انا بقالى سنة ماروحتش بال 127 لصنايعى الا امبارح بس .
اما بالنسبة للاصوات والاعطال فعاوز اقول ان كل حاجة وليها حل وليها علاج

[احمد الجارحـي]

كلنا لهاااااااااااا