فيات بترا!!!!!!!!

[ultra111]

المشاركة الأصلية كتبت بواسطة محمدصلاح القاضى اولا لن اتكلم على طريقة حوار حضرتك او اسلوب كلامك لكن اوضح شىء للاعضاء الكرام انا عمرى ما اختلقت حورات او كلام او بألف قصص وبعدين احنا هنا بنتعامل بمبدأ المشاركه لا النقد يعنى كل واحد يشارك ويقول رأيه ولا يملك احد الحق فى صد زميله او الرد عليه باسلوب ساخر او بشكل مش لطيف ثانيا واحب اقول دا شكل الموتور اللى بتكلم عليه ولو عند حضرتك الموتور دا فى عربية معاليك ياريت تصوره عشان نشوفه على كام صوره للعربيه عشان نشوف حالتها وياريت بدل ما حضرتك بتسخر من كلامى حط عنوان الميكانيكى بتاع حضرتك ورقم تليفونه واماكن تواجد قطع الغيار بكثره زى ما حضرتك بتقول ؟؟؟؟؟

و الله انا ما فاهم سبب انفعال حضرتك دة لية
انا مش شايف طريقتي في الحوار ولا اسلوب كلامي فية اي اساءة او سخرية او طريقة مش لطيفة
و لو حضرتك شايف غير كدة انا بعتذر
ولو اني شايف ان ردك هو اللي بطريقة مش لطيفة و غير مبررة
بس ما زي ما معاليك بتقول اننا بنتعامل بمبداء المشاركة فانا لقيت الزميل العزيز بيسال عن عربية انا بملكها و مجربها و مصلحها قبل كدة شاري لها قطع غيار و الحمد للة اقدر اقول اني ملم بيها اتجاوب علية من اعضاء افاضل برضة اجابات انا شايف انها مضللة و بحس نية لقلة معرفة بالعربية فبوضح للاخ تجربتي معاها و واجب عليا اني ابين وجهة نظري و ممكن اكون انا اللي غلطان بس برضة بقول وجهة نظري و دة حقه عليا

و بعدين انا لا اتهمت حضرتك باختلاق حوارات او كلام او تاليف قصص انا كل ما في الامر ان حضرتك بتقول (اشترى طقم مفاتيح لمسامير الموتور ب 1000 جنيه ) فاستغربت جدا من الرقم لانة فعلا مش منطقى

و بالنسبة (ولو عند حضرتك الموتور دا فى عربية معاليك ياريت تصوره عشان نشوفه على كام صوره للعربيه عشان نشوف حالتها ) ان شاء الله هصورة و انزل الصور

و بالنسبة برضو (ياريت بدل ما حضرتك بتسخر من كلامى حط عنوان الميكانيكى بتاع حضرتك ورقم تليفونه واماكن تواجد قطع الغيار بكثره زى ما حضرتك بتقول ؟؟؟؟؟) انا بتعامل مع اكتر من ميكانيني بس حاليا بتعامل مع واحد اسمة مجدي و دة راجل شغلة تمام في الحرفيين جنب نوفا بتاع قطع الغيار على طول و دة كان بيشتغلي في السيينا كمان و قطع الغيار من الابرة للصاروخ موجودة عند الموجي في الحرفيين و الصعيدي و عند الابيض قطع الغيار الاستيراد و كل حاجة موجودة و اسعارها معقولة جدا جدا يعني انا هغير طلمبة الباور موجودة جديدة عند الصعيدي بـ 850 و استيراد عند الابيض بـ325 و لسة ما فاصلتش و لسة كنت مغير بطاحات الاتنين بـ 200 من شارع دمشق و في هناك صحيح جرجس زكي و الحاج على و كل دول عندهم كل حاجة ده غير 5 او 6 محلات تاني في شارع دمشق لوحدة و غيرت مساعد امامي نفس مساعد السيينا الـ1400 جبتة بـ 140 استيراد و سير الدينمو ب 75 و سير الباور 35

و بكرر الاعتذار لو حضرتك شايف في كلامي اي اهانة

[محمدصلاح القاضى]

المشاركة الأصلية كتبت بواسطة ultra111 و الله انا ما فاهم سبب انفعال حضرتك دة لية انا مش شايف طريقتي في الحوار ولا اسلوب كلامي فية اي اساءة او سخرية او طريقة مش لطيفة و لو حضرتك شايف غير كدة انا بعتذر ولو اني شايف ان ردك هو اللي بطريقة مش لطيفة و غير مبررة بس ما زي ما معاليك بتقول اننا بنتعامل بمبداء المشاركة فانا لقيت الزميل العزيز بيسال عن عربية انا بملكها و مجربها و مصلحها قبل كدة شاري لها قطع غيار و الحمد للة اقدر اقول اني ملم بيها اتجاوب علية من اعضاء افاضل برضة اجابات انا شايف انها مضللة و بحس نية لقلة معرفة بالعربية فبوضح للاخ تجربتي معاها و واجب عليا اني ابين وجهة نظري و ممكن اكون انا اللي غلطان بس برضة بقول وجهة نظري و دة حقه عليا و بعدين انا لا اتهمت حضرتك باختلاق حوارات او كلام او تاليف قصص انا كل ما في الامر ان حضرتك بتقول (اشترى طقم مفاتيح لمسامير الموتور ب 1000 جنيه ) فاستغربت جدا من الرقم لانة فعلا مش منطقى و بالنسبة (ولو عند حضرتك الموتور دا فى عربية معاليك ياريت تصوره عشان نشوفه على كام صوره للعربيه عشان نشوف حالتها ) ان شاء الله هصورة و انزل الصور و بالنسبة برضو (ياريت بدل ما حضرتك بتسخر من كلامى حط عنوان الميكانيكى بتاع حضرتك ورقم تليفونه واماكن تواجد قطع الغيار بكثره زى ما حضرتك بتقول ؟؟؟؟؟) انا بتعامل مع اكتر من ميكانيني بس حاليا بتعامل مع واحد اسمة مجدي و دة راجل شغلة تمام في الحرفيين جنب نوفا بتاع قطع الغيار على طول و دة كان بيشتغلي في السيينا كمان و قطع الغيار من الابرة للصاروخ موجودة عند الموجي في الحرفيين و الصعيدي و عند الابيض قطع الغيار الاستيراد و كل حاجة موجودة و اسعارها معقولة جدا جدا يعني انا هغير طلمبة الباور موجودة جديدة عند الصعيدي بـ 850 و استيراد عند الابيض بـ325 و لسة ما فاصلتش و لسة كنت مغير بطاحات الاتنين بـ 200 من شارع دمشق و في هناك صحيح جرجس زكي و الحاج على و كل دول عندهم كل حاجة ده غير 5 او 6 محلات تاني في شارع دمشق لوحدة و غيرت مساعد امامي نفس مساعد السيينا الـ1400 جبتة بـ 140 استيراد و سير الدينمو ب 75 و سير الباور 35 و بكرر الاعتذار لو حضرتك شايف في كلامي اي اهانة

عموما ياباشا حصل خير
لكن انا عاوز اعرف موتور عربيتك نفس اللى فى الصوره ولا شكل تانى
والحمد لله الذى لايحمد على مكروه سواه
وبعدين لو طقم المفاتيح مستغرب من سعره
ابقى اسأل عليه فى الحرفين لانه لا محصل النكيه ولا محصل صواميل !!!!!

[ultra111]

المشاركة الأصلية كتبت بواسطة محمدصلاح القاضى عموما ياباشا حصل خير لكن انا عاوز اعرف موتور عربيتك نفس اللى فى الصوره ولا شكل تانى والحمد لله الذى لايحمد على مكروه سواه وبعدين لو طقم المفاتيح مستغرب من سعره ابقى اسأل عليه فى الحرفين لانه لا محصل النكيه ولا محصل صواميل !!!!!

خير خير ان شاء الله و الحمد لله على كل الاحوال
انا موتور عربيتي ان شاء الله بكرة هصورة و ارفع الصورة
و بالمناسبة مركز روكسان اللي في المطار متخصص في العربية دي و الفيات عموما و عندة كل قطع الغيار اللي ممكن تتخيلها و شغلة زي التوكيل و سعرة زي الميكانيكي العادي او يمكن اغلى حاجة بسيطة جدا يعني مفيش اي مشاكل.
و العربية و الله للامانة لو هتتقارن بالسيينا ودة عن تجربة لاني امتلكت الاتنين احسن بكتير و دة مش معناة ان السيينا وحشة بالعكس عربية جميلة قعدت معايا 4 سنين شغل ما تعبتنيش و كنت بحبها جدا و عمري ما اشتكيت من قطع غيار ولا صيانة ولا اعتمادية غير بس انها كانت خفيفة على الطريق بعد الـ120 و التكييف ضعيف ولما غيرت و جبت البترا حسيت انها احسن كمان و خصوصا في الثبات و الاتساع الداخلي و التقفيل و الشكل من قدام و من ورا و الكماليات و التكييف و السحب و رغم ان البترا 1600 و السيينا 1400 انا على حساباتي استهلاك البنزين متساوي ان لم يكن احسن من السيينا برغم من ان السيينا كانت ما فيهاش مشاكل و دة حضرتك تجربتي و رايي للافادة و احب اضيف حاجة كمان عن تجربة برضة بس مش حاجة علمية ان في الاول و الاخر العربيات قرف اه والله قرف يعني تجيب عربية تطلع عينك و نفس العربية مع واحد تاني مريحاة اخر راحة بس برضة الموضوع مرتبط بطريقة التعامل مع العربية من ناحية الاهتمام و طريقة السواقة و شكرا

[محمدصلاح القاضى]

كلام مظبووووط وموزووووون
لكن الناس اللى فى الاقاليم طالع عين اهلها على قطعة غيار واحده
وبيزهقوا من نزول الحرفين

[ultra111]

انا مع حضرتك تماما في حكاية الاقاليم دي بس دة مش معنا اننا نبخس العربية
و على فكرة عربيات كتير محترمة جدا اتخسفت في الارض بسبب كدة
منها على سبيل المثال الستروين c3 و النيون و الفورد مونديو و السوزوكي بالينيو و عربيات تانية كتير محترمة