الحقونى العربيه غول بنزين

[احمد على 1999]

اهم حاجة فعلا تتاكد ان مفيش تسريب ربنا يسترها علينا و عليك
دور العربية و هى واقفة فليها من عند التانك و من تحت و جوه عند الماتور و الكاربريتور و حاول تشم اى ريحة بنزين

[mr_astra]

مش ممكن يكون دة استهلاك بنزين
مليون فى المية تسريب منين بقى دى انت وشطرتك بس غالبا هايكون التانك مخروم او وصلة بنزين سوا فى السحب او الراجع مقطوعة

[boshah]

استحالة تكون العربية استهلكت ده كله لازم فى تسريب من التانك او من اى خرطوم بنزين

[mar mar]

فعلا زي ما الاعضاء قالو
استحاله ده يكون استهلاك العربيه للبنزين
اكيييييييييد في تسريب ابقي بص برضوا تحت العربيه وهي ركنه
انا مره حصل معايا تسريب في البنزين وعرفتوا لانها وقعتوا علي الارض

[ezzat2002mo]

بص ياباشا اكيد عندك مشكله لان الاستهلاك غير طبيعى لانك اكيد بتحط 80 وده بيقعد اكتر من ال 90 بكتير يعنى انا عندى 128 بحط ب 20 جم بيقعد معايا من 7-10 ايام وبتشقلب بالعربيه ليل نهار :
اولا ممكن يكون التنك مخروم
ثانيا ممكن يكون احد خراطيم البنزين مخروم وبيسرب
ثالثا والاهم الكاربراتير ممكن تكون البك بتاعه كبير وبياكل بنزين وحصل معايا الموضوع ده اول ما جبت العربيه كنت بحط ب 20 جم بنزين 90 كل ثلاثه ايام ايام ما كان اللتر ب جنيه لو الكاربراتير بايظ ريح دماغك زى مانا عملت وهات واحد جديد ب 300 جم
رابعا شوف كابلات البوجيهات والبوجيهات لو مزيته وقديمه غيرها علشان يكون الاحتراق تمام بحوالى 30 جم النظيف
خامسا كاوتشات العربيه بتفرق قليلا فى الاستهلاك لو قديمه وناعمه
بس انت عاوز رايي النهائى انا متاكد ان عندك حاجه بتسيل بنزين لان ده غير طبيعى