ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره

[ehabxp10]

انا كان معايا سيات 133 بصراحة كانت ممتازة بس لما تعمل القلة بتبقى وحشة بلاش نتكلم عنها اصل مشاكلها كتير خلينى احكيلكم اغرب موقف حصلى
كنت رايح زفه فى فرح بالعربية طبعا كنت لسه جايب العربية ومش عارف فيها ايه لبست واتشيكت وناس ركبت معايا المهم وصلت لقبل الكوافير بشوية والحلوة عطلت ومش راضية تدور حاولت ادور كذا مرة دارت ومشيت 100 متر ووقف تانى احراج بقا وانا مش متعود على كده نزلت الناس اللى معايا وركبتهم مع العربيات اللى راجعه وفتحت الكابوت واحولت معرفتش اتنين معديين بموتسيكل وقفوا وكان فيهم سمكرى سيارات قعد يحاول شمال يمين مفيش فاتت ساعه محاولات مفيش العربيةه فيها مارش وكهربا بس مش بتدور خالص كان مفيهاش بنزين مع العلم انى متاكد ان فيها بنزين وكمان السمكرى اتاكد المهم الراجل طلع محترم كمل معايا ومفيش امل فكان فى راجل معدى وبيشرب سيجارة ريحتها مش ولا بد المهم الراجل ده مسطول وقعد يضحك وبيقولنا العربيه دى مفيهاش بنزين السمكرى قالى اكيد الراجل ده كلامه صح قلتله ازاى قالى ماهو مقدمناش غير كده راح جاب 5 لتر بنزين وجه والعربيه دارت فى ثوانى طلعت افولها اخدت كمان 10 لتر وامتلات على الاخر يعنى العيب مش عيب بنزين المهم قلت اروح بلدى بقا وبعدين ابقى اشوف الحوار على مدخل البلد الفرده اليمينقدام نامت وده محصلش من اربع شهور قلعت البدله ولسه هشتغل قابلنى واحد قالى فى بتاع كاوتش على النصية رحت جبته حلها وظبطها وركبها واخد 10 جنيه استغلال بس مش مهم وغيرت كمان زيت للعربية وهى واقفه المهم وصلت البيت بالسلام وطلعت اكلت ونزلت مسافر مشوار تانى لقيت الفرده نامت تانى هى واللى قصادها حلفت مانا راكب العربية النهارده وطلعت نمت وقلت الحمد لله

معلش طولت عليكم
بس من الحق العيب كان عيب طرمبة بنزين وعيب خراطيم اللى واصله للتنك متبدله

[طارق ابوذيد]

بارك الله فيك واشكرك لكتابه تجربتك معنا

[ahmed.counselor]

السلام عليكم
انسب حاجة تتقال دلوقتى (ياما دقت على الراس طبول)
مبدأيا يبدوز ان عطل سلك البرياج دة متداول وصعب جدا حد معاة فيات ومقطعتش منة سلك دبرياج
لذلك انصح الاخوة بتغييرة بصفة دورية كل 25000 كيلو وكذا سير الدينمو وسير التكييف وكل 50000 سير الكاتينة

[vr.w32i]

يا سلام دا الموضوع اللى مستنيه من بدرى عشان احكى زكريات عربيه بقالها 10 شهور بس تخيلو بقا ابدا منين والله مانا عارف :D
نبتدى ونقول ياساتر ومش عايزين قر دى محروصه (128) ياعنى :D
المهم العربيه لسه جايبها وفرحان بيها وجبتها بقا وقولت اول مشوار اروح بيه المعادى مع الاصدقاء ونروش بقا شويه
المهم الصبحيه كدا وفى يوم جمعه جميل ( مبحبش يوم الجمعه دا اصلا ) المهم وقبل طره كدا ( انا جاى من حلوان ) وماشى 90 وبتمخطر مع سواقين المكروباص والاقى العربيه بتفصل بنزين طب ايه الجنان دا العربيه فول تانك المهم شمال يمين فوق وتحت العربيه مش قايمه والساعه 8 الصبح مافيش حد فاتح المهم اجيب بنزين من التانج واحط فى الكرباتير انها تجيب بنزين من الطرمبه مافيش قولت بس ادور على الطرمبه واشوفها فين وافكها وانضفها كدا واركب وامشى تجي المفاجاء ان خرطوم البنزين اللى رايح للطرمبه واقع اصل الكوليه بتاعو مش موجود هههههههه مشكله انا واقف من الساعه 8 للساعه 10 عشان كدا المهم ركبتها وظبتها ومشيت دى كانت اول قصه للسياره معايا :D
التانيه بعدها بشهرين بردو سكه حلوان المعادى بس استوراد المهم معرفش ايه حكايه المعادى معايا :D وعند طره بردو وقدام السجن اللى فيه الكبار الاقى العربيه بتكركر على الرابع وهى ماشيه على 80 ههههههه انزل ابص مافيش حاجه اتارى ان فى زيت ضرب على بوجهين بس متقلقوش كان معايا 6 احطياطى ماهو اللى يركبها لازم يكون عامل حسابو
والمره التالته ودى اهم مره فى حياتى وكونت فرحان اوى ساعتها ماشى على الدائرى فى الزحمه والاقى العجله اللى قدام يمين بطقطق ايه المشكله بقا اتارى فى مسمرين واقعين طيب مش مشكله معانا المسامير المهم بقا ان فيهم مكان مفوت ومعيش صليبه وفين بقا يقف عشان يدينى صليبه فى الزحمه والحر والقرف ومين يستحمل لحد ماجه واحد ابن حلال واقف قال فى ايه يابنى قلتلو صليبه ياحاج ضحك ومشى لحد مابعدها بساعه واحد وقف وادانى صليبه ومشينا ومن ساعتها معايا مسامير وصلبتين وكل حاجه بزياده
نصيحه لكل مالكى هذه السياره انو يشيل من كل حاجه كتير فيها زى مقال zamanan2000 ياعنى 20 فيوز على 10 مسامير كوتش على كام كويل على كام ازازه بيبسى عشان لو عطلت ومعرفتش حل تلاقى حل تتسلى بيه
ولسه فى كتير بس شكل ماحدش فاضى وشكرا ياحاج طارق على الموضوع دا الواحد كان نفسو يطلع اللى جواه من العربيه دى

[طارق ابوذيد]

: THUMBS~220: