|
#21
14-01-2009, 11:34 PM
|
|||
|
|||
رد: الاسد الجريح .... يصبح اكثر ضراوه ..... مازيراتي
كلاااام جمييييل ... ومنطقي و مقنع جدا ....
لكن من ساعه ما قريت و انا عمال افكر .... طيب ما هي الشركه فلست اكتر من مره و كانت بتضيع لولا التدخل الايطالي ... و حتى لما مسكها اليساندرو دي توماسو ... و كان يقال عنه انه رجل اعمال يعرف يجيب فلوس ... برضو مصمدتش الشركه معاه و يادوبك فضلت عايمه ... لحد ما مسكتها فيات و قعدت سنين عاشان تقومها على رجليها ..... بصراحه قريت كلام حضراتكم الصبح و قعدت افكر شويه .... مرضتش استعجل في الرد ... وكل شويه الموضوع ييجي على بالي زي لمبه تنور وتطفي لكن موضوع اجماع حضراتكم انها للامرا و الصفوه وجهني لنقطه مهمه اوي .... ايه هي عربيات الصفوه بنتلي ... رولز رويس ... مايباخ ... وممكن برضو نقول لامبورجيني و فيراري كمنافسين لمازيراتي في وقت من الاوقات طيب الشركات دي اغلبها كان على وشك الافلاس ... لكن وضعهم النهارده مختلف ... يعني ايه .... يعني بنتلي و بوجاتي وراهم فولكس مايباخ .... مرسيدس رولز رويس وراها بي ام لامبورجيني وراها اودي مازيراتي وراها فيات و فيراري وزي ما قال حازم باشا .... بس كنت محتاج اقلبها في دماغي شويه ... ايه معنى ان فيات تدعم مازيراتي ... فعلا تفرق كتيييير وكدا يبقى الكلام مظبوط تمام مازيراتي كانت بتفلس لأنها كانت معتمده على نفسها و بتنافس فيراري و صعب جدا تطور نفسها مع مبيعات ضعيفه مهما كان سعرها لكن النهارده مازيراتي وراها تقنيه فيراري و دعم فيات و بالتالي استثمار ناجح لانها بتستغل تقنيه و هندسه فيراري في انتاج عربيه فاخره للصفوه ... زيها زي بقيت الشركات وبالتالي صعب ان اي شركه مهما كانت مميزه او غاليه انها تقف على رجليها لوحدها ولازم راعي رسمي كدا انا هضمت المسأله .... ومتشكر جدا على اهتمامكم و الرد بس انت عارفني يا ابونورا ... مبجيبش قسط حتى لو كات 3 مليون جنيه .... جمعيه بقى على 300 سنه يكونو اخترعو حاجه جديده و لغو العربيات
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 14-01-2009 الساعة 11:48 PM 
|
|
#22
15-01-2009, 01:01 AM
|
||||
|
||||
|
رد: الاسد الجريح .... يصبح اكثر ضراوه ..... مازيراتي
بالضبط يا سامح باشا
فيات لو تلاحظ ما تلاقيش عربيتين في مجموعتها بينافسوا بعض و دا اللي فولكس حاولت تعمله و فشلت بمعني ايه؟؟ فيات بتنتج سيارات سيدان اقتصاديه و صغيره بكميات تجيب فلوس و مفيش مانع بين كل فتره و التانيه ينزل منها فلته زي الفيات كوبيه او البونتو ابارث لعشاق اسم فيات و الناس اللي زي حلاتي بيتعلقوا بالماضي. الفاروميو لانتاج سيارات سيدان فيها نفس رياضي بحت و تقنيات و بوكسر و توين سبارك و مواتير فوق ال 2000(قليل اوي لو لقيت عربيه فيات فوق ال 2000 سي سي ) تعالي بقي علي لانشيا دا الفرع الفخم لفيات بص كده للانشيا دلتا الجديده و الفيات برافو تلاقي اللانشيا فخمه جدا و تحسها فئه غير البرافو نهائي لكن الاتنين علي نفس الشاسيه و احتمال نفس المواتير نيجي للحصان الجامح فيراري و دي عربيات رياضيه بحته عربيه مقعدين فقط و موتور وسطي في الغالبو تاديه خارقه و برضه مافيش مانع ان يبقي في موديل كوبيه اربع مقاعد وي ال 456 ام و ال 612 سكيلاتي كده و كل عشر سنين ينزلوا في الاحتفال بالشركه موديل خارق زي ال اف 40 لما الشركه اختفلت ب 40 سنه و اف 50 لما الشركه احتفلت ب 50 سنه و فيراري انزو لما الشركه احتفلت ب 60 سنه . مازيراتي بقي موال تاني غير دول اللي عاوز يركب عربيه فخمه و رياضيه يبقي الكواتربوتا(4 ابواب بالايطاليه) و الجي تي الرياضي لكن مش متطرف زي الفيراري في تصميماتها. فكل شركه من دول ليها طعم مختلف عن اختها و كلهم تحت لواء فيات و مكسب فيات من العربيات الصغيره هو اللي خلاها تشتري كل الشركات دي!!!!!!
__________________
حـازم خـضـر
|
|
#23
15-01-2009, 03:09 AM
|
|||
|
|||
|
رد: الاسد الجريح .... يصبح اكثر ضراوه ..... مازيراتي
يا باشا مش عارف اقولك ايه ... استاذ والله .. انا لو بأيدي اديك جائزه خاصه عن الابداع في مجال السيارات .. زي جوايز المهرجانات
بس اللي لاحظته على مازيراتي و بالصدفه من يومين شفت برنامج عن الكواترو ... انها بتستخدم تقنيه فيراري لتحقيق اداء رياضي .. لكن الاساس ونمره واحد تحقيق الفخامه و الراحه والرفاهيه و بالتالي زياده الوزن متفرقش معاهم ... لأن معدلات الاداء بيتجي في مرحله تاليه بس هل المبداء في العلاقه بين مازيراتي و فيراري هو نفس المبداء بين بين لانشيا و فيات ... ولا دي قصه ودي قصه بمعنى التضحيه بجزء من قوه الاداء في سبيل تحقيق فخامه ورفاهيه اعلا .... خصوصا ان لانشيا في فتره كانت بتحمل لواء فيات الرياضي ؟؟
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#24
15-01-2009, 04:40 AM
|
||||
|
||||
رد: الاسد الجريح .... يصبح اكثر ضراوه ..... مازيراتي
انت اللي مواضيعك بتدخل الدماغ و تحفر فيه و تخلي الواحد يفكر و يفتكر ايام جميله  .بالنسبه للعلاقه بين فيات و لانشيا و فيراري و مازيراتي فاعتقد ان مجموعه فيات حاليا مركزه في الفورميلا واحد اكتر من خلال فيراري لان الفورميلا وان تعتبر هيا راس الحربه لرياضه السيارات (شوف الشركات دي داخله من امتي و الشركات الاسيويه دخلت امتي و مراكزها ايه) فتوزيع الادوار الرياضيه اعتقد انه فيه خلل شويه و دا ناتج عن الازمات اللي فيات مرت بيها لكن اعتقد ان الفتره الجايه حيبقي فيها كلام تاني كون ان لانشيا استعادت اسم دلتا تاني في موديل من موديلاتها فدا بيؤكد انها ناويه تشارك في الراليات من تاني و لما تحقق مكاسب دا حيعود علي المبيعات بتقدم كبير. خد بالك اوائل السبعينات لانشيا دخلت بالستراتوس قطعت الكل وبعدها فيات دخلت بال 131 و عملت معجزات و بعدين لانشيا دخلت بالدلتا وانت عارف اللي حصل متهيالي دا اللي حيحصل قريب برضه انا عن نفسي اتمني
__________________
حـازم خـضـر
|
|
#25
15-01-2009, 10:51 PM
|
|||
|
|||
|
رد: الاسد الجريح .... يصبح اكثر ضراوه ..... مازيراتي
ربنا يخليك يا حازم باشا .... لا يا ريس مش كتير عليك ... وكفايه ذوقك
يا سلام لو لانشيا فعلا ترجع الراليات ..... يااااه ptmnlo123per1105 وتبقى فيراري في الفورميلا 1 ... و لانشيا في الراليات و لا عزاء للمنافسين
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 15-01-2009 الساعة 11:15 PM
|
 |
|
|
