فيات لينيا ولا رينو فلونس؟

[alhashash]

فعلا الموضوع شيق جدا و ممتع اننا نتناقش بالاسلوب المحترم دا رغم اني من عاشقيين فيات و بالاخص اللينيا و البرافو لا ان العربيتين دول للاسف كانو ناقصين حجات كتير تخدمهم :
اولا: الاعلانات و الانتشار عربيتين زي دول لا كان ليهم اعلانات ولا عروض ولا حد سمع عنهم لا الي عارف فيات لكن شوف الفلوانس اول مانزلت وقبل ما تنزل عملينلها شغل جامد او اعلانات وتست درايف و انتشار في كل المجلات و عروض علي الاسعار و هو دا الي ناقص فيات بكل انوعها مع ان فيات لو اهتمت شويه بالناحيه دي هتفرق معاها جامد والدليل علي كلامي ان لما عملو عروض علي الاسعار حاليا مافيش لينيا في مصر كلها و الناس مستنيا الدفعه الجديده لما تنزل بس ياريت مايزودوش الاسعار تاني ............
ثانيا : المقارنه بين العربيتين صعب بس من ناحيه الاعتماديه و العمليه انا شايف ان اللينا اعتماديه اكبر من ناحيه قطع الغيار و الصيانه بس هم في مركز الصيانه يهتمو شويه و انا بقول الكلام دا من طبيعه عملي و احتكاكي بالسوق

و اخيرا انا بشكر كل واحد قال رئيو في الموضوع ده لاني بجد استفدت من رئي كل واحد و اتمنا المزيد من التقدم للمنتدي ولفيات طبعا

[ahema]

المشاركة الأصلية كتبت بواسطة wawoo مهو انت بتحكم على الموديل من سنة اصدارة مش سنوات تكرار الموديل ..يعنى الميجان 2 هى تصميم و هندسة 2001 حتى لم حصل شوية تعديلات و تطوير فيها . بالنسبة اللينا " مهو السعر المبالغة فية دة كمان سياسة خاطىء من التوكيل " ما اكثرالسيارات التى تقضى عليها التوكيلات بسبب تسعيرات خاطىء من البداية ".. لكن لية هى مش متوفرة فى مودلات 2010 حتى على كونتاكت كار ..لا وجود للمودلات الجديدة ولا حتى اى موصفات او اسعار عنها , يعنى لو كان التوكيل مهتم باستمرار بالسيارة ومهتم بتسوقها ..كان عمل المفوضات اللى انت بتقول عليها دى من بدرى و نزل الموديل الجديد فى معرض فورمولا مثلا و خصوصا انها سيارة موجودة يعنى مش موديل ليسة حينزل جديد السنة دى فيبقى علية طلب كبير فى الخارج مثلا ...دة غير ان اليورو اسعارة نزلت و هى بتتصنع فى تركيا زى الفلويس يعنى اعتقد مفروض اسعارها تكون اقتصادية اكتر

هيا فعلا كانت هتنزل أول السنه لكن الحكومة الإيطاليه إدت دعم ٢٥ ٪ من تمن السياره للي هيبدل عربيته بعربيه إيطالي جديدة وبالتالي السحب زاد جدا في إيطاليا فإيطاليا علت السعر وطبعا هتقولي بس اللينيا مبتنزلش إيطاليا بس اللينيا نفس قطع الجراند بونتو بالملي وبتروح لتركيا عن طريق إيطاليا (تركيا بتجمع بس وبتعمل الفرش) وبالتالي إنتاج تركيا قل بسبب إن القطع الي جيالهم من إيطاليا أقل عشان فيات تعرف تغطي السوق هناك
والمفروض على كلام التوكيل العربيه هيبتدي تسليمها ١\٤
والإيفو هتنزل في معرض أوتوماك وفيه عربيتين منها دلوقتي في الصيانه في جسر السويس

وعلى فكرة الفلوينس نفس الميجان ميكانيكيا بالملي مع تعديلات بسيطه

[krim71]

شكلي كده هجيب سيراتو :|

[wawoo]

المشاركة الأصلية كتبت بواسطة ahema وعلى فكرة الفلوينس نفس الميجان ميكانيكيا بالملي مع تعديلات بسيطه

- الموتور مختلف و الفتيس مختلف " نسخ احدث مع تلافى العيوب السابقة "
- الشاسية مختلف و انظمة التعليقة بها تعديلات
- هو اللى مختلفة فعلا تدخل نيسان فى العربية و دة اللى حنشوف تاثيرة بعد كدة لو كان ايجابى او لا ..

[sam ram]

اللينيا مش ناقصها الا الفتيس الاوتو .... و لو نزل ديوال لوجيك ... يبقى باي باي فلونس ...مع السلامه سيراتو ...

بس على الله متبقاش بتمن السيفيك ptmnlo123per111
يعني 120 الف ديوال لوجيك احوشلها من دلوقتي ptmnlo123per122