فيات لينيا ولا رينو فلونس؟

[ahema]

الفيات الي معايا تربو ١٢٠ حصان ممكن تشوف التقييم ده وعلى فكرة الستوك كله خلص من التوكيل إزاي معليهاش سحب!!!!
ممكن تشوف التقييم ده

http://www.masrmotors.com/vb/showthread.php?t=21684

ومش عشان إحنا في قسم فيات لازم أبقى متحيز لفيات أنا بتكلم من منطلق إن العربيتين راكنين تحت البيت اللينيا والميجان (النسخة الأصليه من فلوينس) والفلونس أوسع سنه من اللينيا بس مش كتير

وأنا هعمل صيانة ال١٠ ألاف كمان كام يوم فمش بتكلم من فراغ

[ahema]

والعربيه منزلتش لحد دلوقتي عشان الأسعار غليت في إيطاليا والتوكيل لسه بيتفاوض على الأسعار أما موضوع الأوتو فالعربيه السنة دي أول سنه تنزل أوتو في العالم كله مش بسبب التوكيل وده إسلوب فيات عموما إنها بتنزل مانيوال الأول وهيه هتنزله ديوال لوجيك مش أوتو عادي

ده غير فرق السعر الي بين العربيتين

[wawoo]

المشاركة الأصلية كتبت بواسطة ahema انا بتكلم من منطلق إن العربيتين راكنين تحت البيت اللينيا والميجان (النسخة الأصليه من فلوينس)

لو تقصد الميجان السيدان 2 يبقى كدة انت بظلم الفلوينس كتير ..لانة مينفعش تقارن موديل 2010 بموديل 2001

صحيح ان الاتنين رينو و الاتنين ميجان ..لكن خلال 9 سنوات اعتقد بيحصل فيهم تطوير كتير على المستوى الميكانيكى والتقنى و التصميمى .
اعتقد ان رينو استفادت كتير من خبرتها من الميجان 2 فى مصر و الدول المشابة فى الظروف ..
دة غير ان التعاون مع نيسان عمل فرق كبير على مستوى الموتور و الفتيس و كل الخبرات اليابانية فيما يتعلق بالسيارت المناسبة للمصر والدول المجاورة .

عموما انت قولت رايك وانا كذلك ..لكن المحك الحقيقى حيكون فى الشارع بالنسبة للفلوينس

..بالنسبة لليينا هى اخدت فرصتها لمدة سنتين و لم تحقق النجاح المطلوب او على الاقل النجاح المتوقع منها فى الانتشار و منافسة المودلات الياباينة او حتى الكورية فى الشارع "رغم تقارب الاسعار نسبيا"...

[ahema]

وأنا بحترم رأيك وأنا بتكلم على الميجان ٢ موديل ٢٠٠٨ فأعتقد الفرق مش كبير للدرجة دي واللينيا منتشرتش لإن سعرها كان مبالغ فيه لكن بعد التخفيض الستوك خلص في ثواني (السعر القديم ١٣٦ السعر الجديد ١١٠)

[wawoo]

المشاركة الأصلية كتبت بواسطة ahema وأنا بحترم رأيك وأنا بتكلم على الميجان ٢ موديل ٢٠٠٨ فأعتقد الفرق مش كبير للدرجة دي واللينيا منتشرتش لإن سعرها كان مبالغ فيه لكن بعد التخفيض الستوك خلص في ثواني (السعر القديم ١٣٦ السعر الجديد ١١٠)

مهو انت بتحكم على الموديل من سنة اصدارة مش سنوات تكرار الموديل ..يعنى الميجان 2 هى تصميم و هندسة 2001 حتى لم حصل شوية تعديلات و تطوير فيها .

بالنسبة اللينا " مهو السعر المبالغة فية دة كمان سياسة خاطىء من التوكيل " ما اكثرالسيارات التى تقضى عليها التوكيلات بسبب تسعيرات خاطىء من البداية "..

لكن لية هى مش متوفرة فى مودلات 2010 حتى على كونتاكت كار ..لا وجود للمودلات الجديدة ولا حتى اى موصفات او اسعار عنها , يعنى لو كان التوكيل مهتم باستمرار بالسيارة ومهتم بتسوقها ..كان عمل المفوضات اللى انت بتقول عليها دى من بدرى و نزل الموديل الجديد فى معرض فورمولا مثلا و خصوصا انها سيارة موجودة يعنى مش موديل ليسة حينزل جديد السنة دى فيبقى علية طلب كبير فى الخارج مثلا ...دة غير ان اليورو اسعارة نزلت و هى بتتصنع فى تركيا زى الفلويس يعنى اعتقد مفروض اسعارها تكون اقتصادية اكتر