تقرير مفصل كامل عن فيات لينيا تربو

[sam ram]

أستاذ ايمن على حسب علمي فاللينيا عليها طلب لدرجه ان التوكيل بقاله فتره مش عارف يجيب منها شحنات جديده ... مع ان العربيه كانت ابتدت تنتشر في مصر وتثبت وجودها
وسمعت ان حتنزل على 2011 او 12 بفتيس ديوال لوجيك زي اللي في البرافو
فهل الكلام ده صحيح فعلا أو عندك معلومات جديده عنه
ويا ترى ايه اخبار الصيانه والتوكيل معاك ... هل اوماترا في تحسن مستمر وملموس فعلا

[hazem_khidr]

شامم من سؤالك كده عن التوكيل و متابعتك للاخبار ان ان شاء الله قريب حنسمع خبر حلو
صح ولا انا غلطان يا سامح باشا

[sam ram]

المشاركة الأصلية كتبت بواسطة hazem_khidr شامم من سؤالك كده عن التوكيل و متابعتك للاخبار ان ان شاء الله قريب حنسمع خبر حلو صح ولا انا غلطان يا سامح باشا

يا ريت ... يسمع من بوقك ربنا
العربيه ما شاء الله جميله
ولو فعلا نزلت بفتيس اوتوماتيك وموتور 1600 زي ما سمعت حتبقى خطيره
ويا سلام لو فعلا الفتيس طلع الديوال لوجيك ... مع الموتور ال 1400 تيربو .. حتبقى برافو سيدان
وساعتها حيبقى ملهاش حل و لا منافس
بس هي فين ... العربيه مختفيه بقالها فتره واوماترا شغالين على البونتو و بس

[ayman2]

المشاركة الأصلية كتبت بواسطة sam ram أستاذ ايمن على حسب علمي فاللينيا عليها طلب لدرجه ان التوكيل بقاله فتره مش عارف يجيب منها شحنات جديده ... مع ان العربيه كانت ابتدت تنتشر في مصر وتثبت وجودها وسمعت ان حتنزل على 2011 او 12 بفتيس ديوال لوجيك زي اللي في البرافو فهل الكلام ده صحيح فعلا أو عندك معلومات جديده عنه ويا ترى ايه اخبار الصيانه والتوكيل معاك ... هل اوماترا في تحسن مستمر وملموس فعلا

هى فعلا مانزلتش فى 2010 لأن سعرها زاد فى الخارج وكان ممكن يوصل حتى 130 الف علشان كده التوكيل لم يستوردها لكن كان ممكن يجيبها بالطلب وان شاء الله فى كلام انها سوف تنزل اوائل 2011 اتوماتيك ومانيوال واحتمال تكون 1600 واول السنه سوف يتم تاكيد المعلومات وبالنسيه للتوكيل فهو يعتبر من التوكيلات الجيده وتقريبا المشاكل العاديه البسيطه اللى ممكن تحل بسهوله واى شكوى بتكون مسموعه وتلاقى مسئول تكلمه وانا وبعض الزملاء نعرف ناس هناك ممتازين وبيخدموا اى حد .... وممكن تتابع الأستاذ محمد كامل مدير فرع عباس العقاد ولو عايز نمرته ابعتلى على الخاص وانا اكلمه وقوله انك من طرفى واى خدمه والعربيه تستاهل انك تنتظرها وانشاء الله ربنا يوفقك

[sam ram]

المشاركة الأصلية كتبت بواسطة ayman2 هى فعلا مانزلتش فى 2010 لأن سعرها زاد فى الخارج وكان ممكن يوصل حتى 130 الف علشان كده التوكيل لم يستوردها لكن كان ممكن يجيبها بالطلب وان شاء الله فى كلام انها سوف تنزل اوائل 2011 اتوماتيك ومانيوال واحتمال تكون 1600 واول السنه سوف يتم تاكيد المعلومات وبالنسيه للتوكيل فهو يعتبر من التوكيلات الجيده وتقريبا المشاكل العاديه البسيطه اللى ممكن تحل بسهوله واى شكوى بتكون مسموعه وتلاقى مسئول تكلمه وانا وبعض الزملاء نعرف ناس هناك ممتازين وبيخدموا اى حد .... وممكن تتابع الأستاذ محمد كامل مدير فرع عباس العقاد ولو عايز نمرته ابعتلى على الخاص وانا اكلمه وقوله انك من طرفى واى خدمه والعربيه تستاهل انك تنتظرها وانشاء الله ربنا يوفقك

الف شكر يا ايمن باشا ..
انت بتشجعني كده على العربيه .. وهي فعلا جميله وتستحق الواحد يستناها .. واهي فرصه يحوش لها برضو
بس يا ريت متوصلش لل 130 الف ...
ان شاء الرحمن لو ربنا كاتبهالي ... اكيد حيكون فيه اتصال بحضرتك ...