|
#6
02-07-2009, 11:44 AM
|
|||
|
|||
رد: محتاجه رأيكم
اولا الف شكرا لردودكم
ptmnlo123per14 يا جماعه انا قريت عن البولو سيدان في المنتدي بس لقيت ان فيه نااس بتشكر فيها وناس بتقول عليها كلام يقلق بالنسبه للتوكيل انا عارفه ان توكيلها فيه بعض المشاكل بس ايه هي نوع المشاكل دي انا مش عارفه !!! امّا بالنسبه لصاحبتي هي بتشكر فيها اوي وانها مريحه كمان شكلها حلو قريب للباسات ممكن ادفع 60000 والباقي من البنك لاني مش عاوزة مستعمل لأني كنت بعاني منه..علي فكره كان معايا ابيزا علشان كده بحترم العربيه لأداء الماتور ( احيانا بكون مجنونه سواقه ) ههههههه وستخدامي بيكون عادي بس احيانا بسافر كتير لو في حد معاه العربيه او يعرف حد استخدمها شخصيا يقولي علشان التجربه خير دليل بلييييييييييييييز قولولي علشان محتاجه عربيه بسرعهptmnlo123per1127 
|
|
#7
02-07-2009, 12:19 PM
|
||||
|
||||
|
رد: محتاجه رأيكم
بصى يا دكتورة العربية ممتازة كاداء وتقفيل وستايل وخامات معقولة جداً
لكن العربية مكلفة فى صيانتها وقطع غيارها خاصة لو من التوكيل لانة غالى ومش بيجيب قطع غيار كتير لعربياتة (ديه مشكلة التوكيل) وطبعاً حضرتك لازم تتابعى التوكيل فى الصيانات الدورية علشان متفقديش الضمان فيه ناس بتشترى العربية خليجى وبالتالى بسعر ارخص وبتعتمد على مراكز الخدمة فى الصيانة وعلى السوق فى قطع الغيار بالنسبة لمراكز الخدمة الغير معتمدة اشهرهم محمد سمير ده استاذ الفولكس وعائلتها (ابيزا وسكودا) فى القاهرة ومكانة خلف حديقة بدر اخر جسر السويس وانا قابلت عندة واحد معاة العربية وسالتة عليها والراجل شكر فيها بس قال انها مش بتاعة بهدلة وانة شاريها لبنتة وهى طلعت بيها فوق الرصيف وبقالها (العربية) اسبوع مغلباه فى تغيير الشمعدان الخلفى الخلاصة عربية جميلة بطعم السيارات الالمانية لكن مكلفة فى صيانتها وقطع غيارها واعتماديتها متوسطة
|
|
#8
02-07-2009, 01:21 PM
|
|||
|
|||
|
رد: محتاجه رأيكم
انا برده كنت بفكر فيها و كنت عايز اعرف هل قطع غيارها موجودة برة التوكيل ولا لأ و هل ممكن يركب عليها قطع غيار موديلات البولو القديمة
لان انا من بورسعيد و صعب ان اروح للتوكيل كل شوية و ياريت لو حد يعرف معدل استهلاكها للبنزين عامل ازاى ؟؟؟
|
|
#9
04-07-2009, 10:42 AM
|
|||
|
|||
|
رد: محتاجه رأيكم
ايه يا جماعة لسه مفيش حد يعرف هل قطع غيارها موجودة برة التوكيل ولا لأ و هل ممكن يركب عليها قطع غيار موديلات البولو القديمة ولا لأ ولا معدل استهلاكها للبنزين عامل ازاى ؟؟؟
|
|
#10
04-07-2009, 11:10 AM
|
||||
|
||||
|
رد: محتاجه رأيكم
بصي يا دكتوره
زمان جيل الابهات يحترموا الالماني اي تقفيل للجوده و القوة و الاعتماديه و جيل الشباب الي بيحب يجري يعتمد على الالماني علشان عوامل الامان و القوة و الثبات من تجربتي للفولكس فاجن عمري ما حطيت المفتاح و مادارتش من 99 لحد النهرده زي الفل بس عربيه بتتهربد بسرعه في العفشه تلاقي نفسك عاوزة تربطي عفشه كل شويه لا تغيري بيض مقصات بس في نفس الوقت تلاقيها ساعه الاخطار عربيه جدعه و مافيش حاجه بتفك من العفشه يعني واحد صاحبي طلع بعربيه جولف فوق الرصيف على 160 الصاج اتدمر بس العفشه سليمه ازاي مش عارف لحد النهرده استهلاك البنزين عمرك ماتقلقي منه لان الفولكس اكتر عربيه موفره شوفتها لحد النهرده و دي اساليني انا لاني هارس عربيتي سفر لما تتعودي عليها هتلاقي نفسك مش هاتعرفي تركبي غيرها انا فكرت اغير لتويوتا او اخد النيسان بتاعت بابا لقيت نفسي مش عارف اسوقها يعني عربيتي و هيا متكسره احسن مليون مره من الياباني الجديد لو ايه الي حصل البولو عندنا في دمياط العربيه الاولى في كل شئ بيعتمدوا عليها في المقام الاول مع اننا بنهرس العربيات سفر و تحميل و خروجات يعني عربيتي كانت سعات بتفضل بال 24 ساعه دايره عمري ما لقيتها مربعه ههههههههههههههههههههههه الالماني بيديك العربيه تقعد معاك 5 سنين من غير مشاكل حتى لو ماعملتيش صيانه و ممكن تقعد 7 لو استعمالك حلو بعد كده يا تجديديها بمبلغ و قدره قد يصل ل 10000 مستريح لو انك تغيريها و تريحي دماغك احسن عربيه بتخسر فلوس الفولكس فاجن و عمرها ماتمسك سعر انا شاري عربيتي مستعمل ب 115 الف لو جاتلي بيعه ب 75 الف هابيع بس العربيات الفولكس دي ادمان هاغير ل جيتا ان شاء الله الصاج و عوامل الامان بسم الله ما شاء الله مش هاتكلم فيها عمرها ما هاتقل معاكي و خديها مني كلمه عمرك ما هاتقولي انا رايحه مشوار و هاتقولك لا مش هاتروحي ايه تاني ايه تاني قطع الغيار هيا غاليه و موجوده عند ناس معينه بس قطع غيار الياباني و الكوري وصلوا للالماني يعني الي هايجيب ياباني علشان يوفر نقبه جه على شونه الفولكس فاجن قطع غياره اغلى من الياباني بحجات بسيطه محمد سمير بعد التوكيل على طول بس مابقاش حلو زي الاول بقى مكبر دماغه و بيتعامل مع الواحد بطريقه مش حلوة باعتبار ان مافيش غيره بس خلاص طوب الارض بقى بيفهم في الفولكس هاتروحيله بس علشان تكشفي او تغيري الحساسات او تغيري زيت الفتيس او حاجه معصلجه محدش عارف يعملها هو الي هايعملها يعني الصيانه العاديه بقت اشطه كله هايعملها بس لو حساس زيت فتيس هاتروحيله الموضوع مابقاش صعب زي الاول شوفي كده و خدي قرارك و خدي بالك ان بسعر بولو سيدان عند نيسان صني و تويوتا يارس و لانسر بومه و سيات كوردوبا و بالتوفيق
__________________
ازا اردت الحكمه فالزم الصمت و ازا اردت الرزق فالزم الاستغفار ازا اردت المهابه فالزم قايم الليل لا اله الا انت سبحانك اني كنت من الظالمين دكتور احمد العشماوي 
|
 |
|
|
