اختبار التصادم للجاك b15

[mohamed arafa]

ana astalamt al 3rabia dy 3rabia gada awi awi

[احمد بدر1978]

تقرير ممتاز تسلم ايدك
بس بصراحة بخاف من الصينى

[ayman62]

أنا استلمت العربية من حوالى عشرة ايام ورخصتها يوم 1-6-2010
والعربية عملة لحد دلوقتى 270 كيلو وهى نعمة جدا الموتور متسوبيشى اجزاء الكهرباء شركة بوش الألمانية التصميم ايطالى المصمم الحصرى لسيارات فيرارى المكونات الداخلية محترمة ولاتقل جوده عن السيارات الأوربية من حيث المكونات الداخلية المصنعة من البلاستيك الفرش الداخلى جلد العيب الوحيد ان سقف السيارة من الداخل مبطن بلقطيفة وده فى معظم السيارات حتى الأوربى واليابانى والكورى ولكن هناك بعض السيارات التى يكون فرش السقف من البلاستيك او الجلد وده كان عندى فى سيارتى النوبيرة 1 الكورى لأن النوبيرا التقفيل المصرى سقفها ايضا من القطيفة وانا بشوف التكسيات مثل الأكسنت والفيرنا بيكسى السقف بمشمع شفاف لأن للأسف جونا ميستحملش نوعية القطيفة لأنه بيلم عفر وايضا الشمس والسخنية بتتلف ماده القطيفة وبعد مده تجده يفرول وبيبقى شكله وحش جدا المهم ربنا يسهل ونجد حل لهذه المشكلة غير كده كله تمام انا سقتها من مصر الى بورسعيد كانت زى الفل والثبات ميه ميه واستهلاك البنزين تمام انا فولت 92 وتسعين من البنزينه الموجوده بجوار التوكيل فى شارع البطل احمد عبد العزيز وتوكلت على الله هى بتاخد حوالى 55 لتر المهم دفعت ال100 جنيه بنزين وتوكلت على الله وكان استهلاكها الى بورسعيد وطبعا بعد السير داخل القاهرة يدوبك مكمل صفيحة حتى بورسعيد يعنى يمكن تقول 240 كيلو فى الصفيحة او 250 بجد الى الأن البنزين لم يعدى النصف عداد البنزين مقسم الى ثلاث شرط الى الأن مازالت لم تعدى نصف التقسيم الثانى يعنى استهلاك نموزجى حتى الأن مع الوضع فى الأعتباران السيارة لسه فى التليين ---المهم انا دفعت الفلوس واستلمت ومشيت فى نفس اليوم الموضوع كله لم يستغرق سوى سعاتين يعنى اتفرجنا على الألوان وقلبنا فى كل السارات الموجوده كأنك فى مول بتشترى وتقلب زى ماانت عايز وفى نهاية المطاف تستقر على سيارةانت ارتحتلها اخزتها ومسئول النظافة غسلها وتركتها امام التوكيل واحذت الأولاد واخذنا تاكسى وتمشينا شوية فى وسط البلد لأننا كنا فى التوكيل حوالى الساعة الواحده ضهرا فا اتفقت مع الأولاد اننا نمشى من مصر بعد العصر تكون الشمس هديت شويه ونتفصح شويه فى مصر المهم رجعنا للتوكيل حوالى الساعة السادسه مساء وأخذنا السيارة بعد متغسلت وكله تمام والأستيكرات ماذالت موجوده عليها الى الأن حتى بعد الترخيص لأن العيال عيزين يخلو الأستكرات شويه زى مكانو بيشوفو السيارات الجديده عمله كده وكان نفسهم يبقى العربيه الجديده هليها استيكرات الهههههههههههم الحمد لله كله تمام وربنا يكرم الجميع ويحقق له امنيته فى امتلاكه للسيارة اتى تناسبه ماديا لأنى مش هخبى عليكم انا كنت ناوى اجيب تيجو 1600 ولكنى وجدت ان السيارة ضيقه من جوه بلزات الكنبه الخلفيه لأن النوبيرا اوسع منها بالأضافة للمكونات الداخليه والتقفيل عموما مش تما على الأطلاق حاجة تحزن لأن هذه السيارة لو اتقفلت كويس ومكوناتها كانت جيده كانت هتبقى سيارة كامله من جميع الوجوه ولكن يخسارة الحلو ميكملش ---وان شاء الله سوف اوافيكم بباقى اخبارالسيارة جاك b15 class ---اخيكم ايمن السلام عليكم ورحمة الله وبركاته

[luckyman]

على فكرة انا كنت اتفرجت على العربية شهر مارس اللى فات فى معرض شارع البطل احمد عبد العزيز بالمهندسين بغض النظر عن التصميم والشكل العربية بصراحة تعبانة جدا مستوى التشطيب وجودة المواد الداخله فى بناءها لا تصل الى المستوى ان لم تكن رديئة وكمان التوكيل ضعيف ومراكز الخدمة وبالتالى البعد عنها غنيمة لانى كنت رايح اتفرج على البيك اب هى ممكن الشركة تكون موزع كويس للشاحنات الخفيفة والمتوسطة انما فى سيارات الركوب لسة على فكرة فى عربية صينى كويسة بس للاسف مش منتشرة بتكنولوجيا من مازدا اليابانية اسمها هيما او حاجة زى كدة تشطيب عالى ومستوى بناء السيارة محترم جدا بس عيب العربية اسمها مش فاهم قله اسماء جيلى وشيرى وهيما حاجة تعر والله العظيم

[حازم شاهين]

مبروك يا أستاذ أيمن
ربنا يديك خيرها و يكفيك شرها

و طالما إحنا بلديات يبقى يسعدنى أتعرف على حضرتك