الأعزاء ملاك jac b15 class اليكم اسعار قطع الغيار

[ahmed1981]

شكراً جزيلاً

لو حد يقدر يقول هل هذه القطع مشتركة مع أي سيارة أخرى حتى نستطيع الشراء من مكان آخر خارج التوكيل؟

[سيف الدين سعيد]

المشاركة الأصلية كتبت بواسطة ahmed1981 شكراً جزيلاً لو حد يقدر يقول هل هذه القطع مشتركة مع أي سيارة أخرى حتى نستطيع الشراء من مكان آخر خارج التوكيل؟

ياباشا : أولا أهلا بيك . نورتنا ..
وثانيا : المشترك ممكن يكون فى الموتور والفتيس والعفشه . أما ما غير ذلك فأعتقد مافيش مشترك بينه وبين اى عربيه تانيه .
بس انا عايز اقوللك ان احنا مستعجلين عليها أوى . الكورى كله اول ما نزل مصر ماكانش له قطع غير غير فى توكيلاته . وكمان سبيرانزا وال بى واى دى كذلك . بس دلوقتى أصبح لهم قطع غير خارج التوكيل . فياريت لو ندى العربيه فرصتها ووقتها .
وتحياتى . .

[aymanlaw]

المشاركة الأصلية كتبت بواسطة سيف الدين سعيد ياباشا : أولا أهلا بيك . نورتنا .. وثانيا : المشترك ممكن يكون فى الموتور والفتيس والعفشه . أما ما غير ذلك فأعتقد مافيش مشترك بينه وبين اى عربيه تانيه . بس انا عايز اقوللك ان احنا مستعجلين عليها أوى . الكورى كله اول ما نزل مصر ماكانش له قطع غير غير فى توكيلاته . وكمان سبيرانزا وال بى واى دى كذلك . بس دلوقتى أصبح لهم قطع غير خارج التوكيل . فياريت لو ندى العربيه فرصتها ووقتها . وتحياتى . .

كلام حضرتك تمام يابشمهندس --سيف ,وهذا ماحدث معى لما اشتريت النوبيرا(1) الكلام ده كان سنة 1999 --وحدث ان طلمبة البنزين عطلت وكنت ايامها فى القاهرة ,ورحت توكيل ابوغالى طريق مصر الأسماعليه وتم تغيير الطلمبه عنده لأنه لم يكن لها قطع غيار إلا عنده هو فقط وكان لسه هو هيبدأ ينزل اللانوس وحتى الطلمبه الركبها كانت خاصه بللانوس لأنه كان لسه منزلش النوبيرا (2) لأنها كانت لسه منزلتش اساسا فى كوريا وكان بيستورد بعض من سيارت النوبيرا (1) المهم كانت الطلمبه بكام بقى؟؟؟؟؟؟؟؟؟؟؟؟؟؟؟؟؟؟؟؟؟؟ ؟ كلفتنى بتركيبها بحوالى 1250 وطبعا انا تنفست الصعداء لأنى استلمت العربيه ثانى يوم لأنهم قلولى هنشوف فيه طلمبه متوفره ولالأ المهم --هذا الوضع استمر حوالى اكثر من ثلاثة سنوات __وأقصد هنا عن عدم توافر قطع الغيار الى ان تم دخول قطع الغيار الأسكراب فى بورسعيد ثم بدا انتشار قطع الغيار الجديده والتقليد والأريجينال --يعنى ما نحن فيه هو ارحم مما رأيناه زمان من عدم توافر قطع الغيار للموديلات الجديده --لأنه فى الزمان القريب لم تكن مصر متعوده على نزول موديلات السنه ولكن كان الموديل ينزل بعد نزوله فى بلد المنشأ بحوالى اربع سنوات --

[مهندس محمود صابر]

بسم الله الرحمن الرحيم

السلام عليكم ورحمة الله وبركاته
ياجماعة فى مشكلة خطيرة ظهرة معى فى العربية الجاك أرجو الافادة فيها
العربية بتفصل خالص ومبتشتغلش ويكون مؤشر البنزين فوق علامةF أحط فيها 5 لتر وادور تدور واروح افولها الاقيها فيه اصلا بنزين
وانا بعتها التوكيل قالولى صلحنا العيب وذلك كان يوم الاثنين الموافق14/2/2011 والنهاردة الخميس الموافق17/2/2011 وحصل معى نفس العيب والعربية مش عاوز تشتغل جبت 4 لتر فى جركن وحطتهم ودورتها زق ورحت البنزيمة وفولت أخدت 27 لتر يعنى اجمالى المضاف 31 لتر يعنى العربية كان فيها بنزين ومع ذلك بطلت وموشر البنزين فوق علامة F الحل ايه ياجماعة
انا عاوز اشتيكهم فى حماية المستهلك
أرجوكم الافادة على اميلى او تليفونى
ولكم جزيل الشكر
mahmoud_073@hotmail.com
abomostafa73@yahoo.com
0121405295
0144102943

[د.كمال]

باشمهندس محمود ....تحياتى ليك
أعتقد إن العيب إما بوجيهات أو طلمبه بنزين أو تسديد فى الرشاشات أو تظبيط كمبيوتر .
أرجو أن تذهب بنفسك للتوكيل لحل المشكله .
وياريت تقولنا عربيتك ماشيه كام وبتعمل صيانه فين .
على العموم العيب ده مظهرش عند حد فينا ......أنا عربيتى ماشيه 7000 ك.
فى حاجه مهمه إنت بتحط بنزين كام .