-O( كرسى الاعتراف )O-

[AbOnOrA]

1- حالتك الاجتماعية بالتفصيل

متزوج وربنا رزقنى بنورا سنتين واسلام اسلام سنة

2- دراستك و حياتك المهنية بالتفصيل برده

دراستى بكالريوس نظم + دبلومات متخصصة فى ادارة النظم من معاهد اجنبية بالمراسلة + دراسات متخصصة فى ادارة النظم والشبكات من مايكروسوفت وسيسكو و IBM

بشتغل من بعد ما خلصت الثانوى تقريبا 96 اشتغلت فى كل حاجة فى الكمبيوتر لان اياميها كان مهندس الكمبيوتر بيعمل كل حاجة

تخصصت فى الشبكات وكمحاضر لمواد الشبكات وادارة نظم التشغيل بداية من 2000
درست فى يات - نيو هورايزون - كيت - اى تى فالى ومراكز اى بى ام
بس حافظت الحمد لله على انى اكون دائما مدرس وممارس فى نفس الوقت فكنت بشتغل بايدى دايما والتدريس عمل اضافى

بداية من 2003 بدات شغلى كأستشارى وبرى سيلز Pre-Sales وبدأت اتعلم يعنى ايه مناقصات وازاى الشغل الكبير ده بيطبخ

فى 2003 بردو اديت اول كورس لفودفون فى نظام تشغيل اسمة لينكس وبعدها ركزت فية فى كل شغلى سواء تدريس او حلول مبنية عليه

فى 2005 بدأت كأستشارى لمجموعة شركات خاصة (شركات تجزئةوتوكيلات) ولسه معاهم لحد دلوقتى

اعمل حالياً على تأسيس شركة متخصصة فى انشاء وادارة المواقع التفاعلية والحلول التجارية على الانترنت

3- علقتك بالمنتديات ابتدت ازاي و بتحلم بايه

علاقتى بالمنتديات ابدت بالبحث عن المعلومة زى اى حد بس انا تحديدا اشتركت فى منتديات ال Linux سواء المصرية او الاجنبية لتبادل الخبرات فى التخصص ده

علاقتى بمنتديات السيارات بدأت بكونتكت كارز ايام ما كنت بدور على معلومات عن السابا واتعرفت فيه على ناس ساعدتنى فى اتخاذ قرارى ولما عرفت ان فيه مقابلات روحت واتعرفت على الناس كلها واعجبت بالجروب جدا

الوقت ده كان طفرة فى كونتكت والناس بدأت تزيد بشكل غير عادى والحوارات طبعا وخاصة عن الاسبيرانزا وده سبب ان الموقع يقع كذا مرة ففكرنا انا واستاذ سعيد الفار وبايو اننا نعمل منتدى خاص بينا وبخواص اكثر تقدما واكثر ثباتا كبديل لكونتكت







تحمس للفكرة معانا بعد كده بالترتيب كريم منير - حازم حزة - حفناوى - سبعاوى ومن ثم بدأنا الخطوات الاولى لتأسيس المنتدى نايل موتورز

عملنا المنتدى وسيبنا ادارتة لكريم وحفناوى وتفرغت انا لتكملة الموقع وفكره المجلة وبايو تفرغ لجلب العروض والدعايا للمنتدى لاكن بمرور الوقت المشاكل والنوايا اتبدلت وفوجئنا بان الدومين اللى دفعنا فلوسة مع بعض اتحول واتغيرت الباسورد بتاعتة وبموضوع الاستيكرات ولم الفلوس وده مكانش اتفاقنا فأثرنا السلامة وانسحبنا انا وبايو

فى الوقت ده كنت لسه بادى فى مجلة اوتوماسترز فاضطريت الحق بيها منتدى بنفس الاسم وبعدها بناء على نصائح الاخوة رجعت تانى اخلى تركيزى الاساسى على المنتدى وعملنا مصر موتورز

بس يا بيه والله ديه كل الحكاية ptmnlo123per1106

الأسئلة السياراتيه ،،

1- ليه بتحب السيارات الصغيرة

والله مش عارف يا احمد ليه بالظبط انا من صغرى كنت بحب المصغرات بتاعة العربيات وكان عمى عنده منها كتييييير جدا وكنت دائما اشبط فيها واختلس الوقت اللى العب بيها فيه من غير ما يشوفنى

ولما كبرت لقيت نفسى بميل اكتر للعربيات المحندقة او المدكوكة (ان جازت التعبيرات ديه) فمثلا استلطف شكل المرسيدس 200 الزلموكة اوى عن باقى المارسيدس الفارهة
بحب شكل المازدا 3 جدا ومش بحب خالص شكل المازدا 6
بحب ابعاد ال 128 جدا وابعاد عربيتى البرايد سيدان وشايف ان ديه اطول عربية ممكن اسوقها غير كده لو هاتش باك يكون افضل فاجمالا ممكن يكون ذوق شخصى قبل ما اقولك انها موفرة او اقتصادية او اى حاجة تانية بصراحة



2- ايه خططك للسيارة القادمة في حدود امكانياتك و خارج حدود امكانياتك

فى حدود امكانياتى بفكر اجيب ماروتى للعيال بس مش عارف اقنعهم بالسواقة اساسا وبصراحة انا كمان مشفق عليهم منها

واذا المشروع ده منفعش مفيش قدامى غير انى اشد العربية بتاعتى والعب فيها شوية فى الميكانيكا والعفشة

واذا قلبى مطاوعنيش او حسيت انها اقتصاديا مش مناسبة هبيعها واجيب جولف 3 مستعمل

خارج حدود امكانياتى يبقى جولف بردو بس جديدة


3- تفضيلاتك و ارائك عموما في السيارات كبلاد صناعة أو ماركات

والله يا احمد بعد الشعب اليابانى والشعب الالمانى مفيش حد تانى اثق فيه تماما من حيث الجوده والتفانى فى العمل

اما من حيث الماركات فانا بعشق فولكس تاريخا وشعبا وعربياتا وكل حاجة
وبحب الامريكانى بتاع الخمسينات والستينات
وبحب اليابانى كله تقريبا بس اكتر بحب هوندا - مازدا - ثم نيسان

اراء شاذة وعدائية

بحب الموديلات الحديثة من البى ام فقط القديم بكرهههههههههههههههه
وبحس ان الجديد ده برده بعد فترة هكرههههههههه

ولاول مرة بعترف بكره تويوتاااااااا جدا وبالتالى عربياتها كلها (ما عدا الكامرى) بس بكره الكورولا جدا وكنت بكره الايكو جداااااااااااااااااا جداااااااااااااااااااااا

كان موقفى حيادى من العربيات الكورى عامة مع تشجيعى واحترامى لكيا لانها بتاخد من مازدا بس بعد بيعها لهيونداى وسيطرة جى ام الكاملة على دايو تحت علامة شيفرولية بقيت اكرهه هيونداى وحاسس انها سرقت كيا من الناس وبقرف من هيونداى وحاسس انهم حطوا زوقهم المقرف على عربيات كيا وبقيت اكرهه شيفرولية لانى بكرهها من زمان اصلا ايام ما كانت امريكية فبقيت احس انها عربيات ماسخة ملهاش اى طعم

انا قولت انها اراء شاذة وعدائية محدش يزعل او يناقشنى فيها بس علشان الصراحة انا حبيت افضفض لكو



كفاية كده دلوقتي

انا كمان كافية ولازم الحق الفطاااااااااااار

صوما مقبولا للجميع ان شاء الله ونتقابل بعد الفطار

[MoSHaX]

اية حبيبى على كرسى الاعتراف ......ptmnlo123per1136... ...طيب تعالى!!
على فكرة انا كنت عاوز اتصل بيك من بعد اتكلمنا على المنتدى اما كنت فى الاسكندرية ...بس قلت تلاقيك مشغول ولا حاجة ؟
طيب شوية اسئلة سهلين كدة ومش هتقل عليك على السريع ؟؟؟
1-انت كنت شغال قبل كدة فى شركة c&co بتاعة النضارات؟؟
2-انا لاحظت انك متحيز للنيسان بانواعها زى التيدا والصنى ...صحيح الكلام دة ولامجرد احساس غلط منى؟؟ptmnlo123per151
3-انا برضوا زيك بكرة التويتا كلها...مع انها ماركة محترمة واسم تثق فية بس لو افترضنا معاك 150 الف هتشترى اية فى الحدود دى ؟؟ ماذا-سيفك-لانسر اية اكس-نيسان تيدا ptmnlo123per140 ولا استرا ولا اية؟؟ولية
4-انت لية مش موافق على حكاية الاستيكرات......ptmnlo123 per113........؟؟
5-اية اخر اخبار موضوع المجلة ووصل لغاية فين؟؟

[AbOnOrA]

جالى زبون تانى الحمد لله ptmnlo123per154

اولا يا باشا تكلمنى فى اى وقت انا مش ممكن انشغل عنكم ابداً

ثانيا يا باشا تقل براحتك زى ما انت شايف من ساعة ما قعدت على الكرسى ومحدش عايز يسأل باين الناس خايفة تسألنى ولا ايه مش عارف

نيجى بقى للرد على الاسئلة

1-انت كنت شغال قبل كدة فى شركة c&co بتاعة النضارات؟؟

انا استشارى لمجموعة شركات منها شركة سى اند كو بالاضافة لمجموعة تانية من الشركات بس مينفعش اقول اساميها كلها هنا لو تحب تعرف هابعتلك على الخاص

2-انا لاحظت انك متحيز للنيسان بانواعها زى التيدا والصنى ...صحيح الكلام دة ولامجرد احساس غلط منى؟؟
منكرش انى معجب بشركة نيسان عامة وبتطورها فى الفترة الاخيرة بعد الاندماج وتحت قيادة كارلوس غصن وبالتالى كل موديلاتها الجديدة بدا من التيدا الى GT-R

من ناحية تانية تقييمى للعربيات دايما براعى فيه انى يكون تقييم شامل للجوده والاداء والتصميم الخارجى ومواصفات الامان والسعر والنواحى الاقتصادية والتوكيل طبعا وديه حاجات متوفرة فى نيسان

3-انا برضوا زيك بكرة التويتا كلها...مع انها ماركة محترمة واسم تثق فية بس لو افترضنا معاك 150 الف هتشترى اية فى الحدود دى ؟؟ ماذا-سيفك-لانسر اية اكس-نيسان تيدا ولا استرا ولا اية؟؟ولية
مش هقولك التيدا

سؤالك ده اصعب سؤال اتسألتة لحد دلوقتى بجد

بص يا سيدى لو فعلا معايا 150 بصراحة عينى هتزوغ على انى اجيب جولف او جيتا واقسط الفرق ptmnlo123per1104

او لو 150 بالظبط هبقى محتار شوية بين السيات ليون وبين السيفيك بس فى الاخر هشترى السيفيك ptmnlo123per193

الانسر والتيدا فى فئة 120 حرام تحطهم مع العربيات ام 150

لاكن لو فى الفئة ديه برضو مش هختار التيدا (مش علشان وحشة ابدا بس علشان ميولى وجيناتى ورغباتى وهفواتى هتتجة للامبريزا ptmnlo123per1104

4-انت لية مش موافق على حكاية الاستيكرات..............؟؟

علشان سبب اساسى للخلافات فى نايل كان الاستيكرز وان اختلف اسلوب التطبيق بين اللى اقترحتوه وبين اللى بيتعمل هناك بس الموضوع ده واى موضوع فيه لم فلوس بيعملى حساسية ptmnlo123per127

5-اية اخر اخبار موضوع المجلة ووصل لغاية فين؟؟

والله يا صديقى المجلة حاليا مقفولة خالص ضبة ومفتاح

اولا لان الادارة الحالية رايها ان لازم نركز فى حاجة واحدة يا المجلة يا المنتدى

ثانيا لان عندنا لستة طويلة من التطويرات فى سوفت وير المنتدى نفسة وبعدين فى الواجهه بتاعة الموقع وعايزين نضيف برامج تانية غير المنتدى للموقع وفى الاخر المجلة هتلم كل ده فى صفحة واحدة فالمفروض نشتغل من تحت لفوق

على اى حال قدامنا مباشرة دلوقتى موضوع تحديث المنتدى ونقلة لسيرفر اقوى واداريا فيه انتخابات تجديد الادارة واختيار المشرفين وبأذن الله تطوير المجلة هيكون من اهم المواضيع اللى هتتناقش فى الدورة الادارية الجديدة

[Nile_Storm]

اوباااااااا كرسي الاعتراف في منتدي سيارات
متابع باهتمام

[MosTafaFox]

ليه ابو نورا مش ابو اسلام ptmnlo123per1147

ليه اخترت مجال الكمبيوتر ليه متخصصتش فى العربيات مثلا بدام بتحب العربيات اوى كده