انا هولع في نفسي لو محدش رد علي سرالي عن الفابيا

[mohamed.89]

المشاركة الأصلية كتبت بواسطة yahiaashraf بص يا باشا السكودا فابيا الموتور ال 1200 سى سى فيها وحش جدا جدا و هتلاحظوا من صوت الموتور ولا كانها 128 لكن الموتور ال 1400 سى سى فيها جميل جدا و هو نفس موتور الفولكس بولو العربيه عيبها ندرة قطع غيارها

شكرا لرد حضرتك

[mohamed.89]

المشاركة الأصلية كتبت بواسطة tarek/ لو حضرتك من هواه الهاتش باك وعايز عربيه قمه فى الاحترام هات بولو 2001 ووتكون سليمه بجد والله عربيه حلال فيها كل جنيه قعدت معايا 6 سنين قمه فى الاحترم والاداء بدون مشاكل وقطع غيار نادر مابتطلب وسعرها معقول انا قولت لك كده لانك فكرت فى الابيزا

فكرت فعلا في البولو بس المشكله في السعر بتاعها لما دورت غاليه حوالي 44 او 45

[mohamed.89]

المشاركة الأصلية كتبت بواسطة ابو الشوق كاديلك فولكس بولو او اوبل كورسا او هيونداي اكسنت

شكرا لحضرتك

[mohamed.89]

المشاركة الأصلية كتبت بواسطة osama-x استهدى بالله و صلي على النبي كده و بلاش تولع في نفسك لانك مش هتلاقي بنزين على فكرة انا قابلت من الناس دي كتييير و يحسسك فيها انه المفتش كرومبو و عارف اللي الناس متعرفهوش و يعملك من البي ام توكتوك كل ده علشان سمع كلمة من واحد عنده مشكلة او بيفتي بص يا باشا الاحسن تمشي بدماغك و فكك من الكلام الكتيان اللي لا بيجيب ولا بيودي اول حاجة الابيزا قطع غيارها ممكن تكون مشكلة و ممكن ماتكونش و ده على حسب المنطقة اللي انت فيها لو عندك حد عنده قطع غيارها و بيفهم فيها يبقى توكل على الله و دوس فيها و على فكرة دي الماني يعني الحاجة اللي بتحطها تمنها فيها السيينا فعلا سمعت ان فيها مشاكل بس برده ليها ناسها و كل مشكلة و ليها حل اول مرة اسمع ان الفرنساوي غالية قوي هي ممكن تكون غالية بالنسبة لموديلات تانية بس مش اغلي من الالماني بس برده الحاجة الغالية بتعمر و لما تجيبها بتنساها يعني عندك ال128 فيها حاجات بتمن علبة سجاير بس كل يوم عند الميكانيكي بص يا باشا احسن واحدة في اللي انت كاتبها الابيزا بس تكون حالة و بعدها الفابيا 1400 و الكليو انشاء الله تقع في ايدك واحدة حالتها كويسة و رمضان كريم

اولا عليه الصلاه و السلام وبالنسبه للبنزين نستني طالما فيه ازمه انا اول عربيه فكرت فيها لابيزا طبعا بدون منازع بس ملقتش حاجه حالتها نضيفه
ففكرت في الفابيا عربيه بردو الماني وشكلها شيك جدا سكودا علي صغير يعني
انما الرينو اللي عرفته عنها ان الرفارف فيبر يعني لو اتخبطت لقدر الله وانا لسه جديد في السواقه هتغير الرفرف بالكامل انما لو حضرتك تعرف الفابيا ال 1400 تمناه في حدود كام لان انا ادامي وحده 2001 - 1400 سي سي ماشيه 146000 مطلوب فيها 41000
والتانهي 2003- 1400 سي سي مطالوب فيها 43000
كل دي اسعار مبدئيه ليها ولسه هشوف العربيتين

[eng.salama95]

المشاركة الأصلية كتبت بواسطة mohamed.89 نويت ان شاء اله اجيب عربيه وكل ما اقول علي عربيه واسئل حد يطلعلي القطط الفاطسه واقول طيب كل اللي راكبين العربيه دول محدش فيهم فاهم الكلام ده ؟؟؟؟؟؟؟؟؟؟ يعني قولت ابيزا 94 قالو العربيه قديمه وقطع الغيار غاليه قولت يا واد ماشي زودت الفلوس شويه ودورت لقيت لافيات السينا قالك سوقها واقع وقطع غيار غاليه وبتسخن طيب رينو كليو قالك لا الفرنساوي غالي اوي و الكليو الرفارف بتاعتها فيبر مش صج قلت طيب الحمد لله عديت من ال 3 عربيات دول قلت يا واد زود اكتر لقيت السكودا الفابيا شكلها بصراحه تحفه زي السكودا الجديده قالك قطع الغيار غاليه قلت مش مشكله ماهي بتعيش علي حد ما عرفت لكن قالولي في منها 1200 و 1400 العربيه اللي قدامي 1200 فول اوبشن استخرت ربنا وقلت خلاص هيا دي طلعو قالولي ال 1200 دي 3 سلندر وقطع غيارها قليله انا دلوقت مش فاهم بما ن دي اول عربيه 3 سلندر دي حاجه وحشه ولا حاجه حلوه ولا عادي انا حاسس ان فقري هوا كل واحد بيجيب عربيه بيطلع عينه كده حد يفهمني يا جدعان حوار الماتور ده خصوصا اني مش عاوز اجيب هيونداي او دايو بغض النظر عن كل المميزات اللي فيهم وعارفهم كلهم حد يرد عليا لان لو العربيه دي موضوعها باظ انا قررت ان شاء الله اجيب عجله بسرعات بدلها

بص يا باشا
الفابيا ال 3 سلندر مش حلوه
و هقولك نصيحه
خليك ف العربيات اللي السوق بيطلبها
يعني العربيات اللي ليها سوق ف البيع و الشراء و ليها قطع غيار
بإختصار عربيات متداوله
و مش معني كدا ان باقي العربيات اللي مش منتشره انها مش حلوه
بالعكس تماما في عربيات مش منتشره و احسن من عربيات كتير موجوده ف السوق
eNg.salama