عايز اركب سماعات لللانوس

[omarsami2009]

انا كنت عايز اركب سماعات لللانوس و تكون نفس الحجم بتاع الفابريكا المهم الحمد للله جبت جوز كينود
المشكله بقى انى مش عارف اركبهم
للسبب بسيط و هو ان مسامير السماعات القديمه تحت الرف الخلفى و انا مش عارف افكه خالص
فياريت اللى عارف اذاى افكه ميبخلش عليا

[waleedrahmy]

فك ظهر الكنبة الاول

[elnaser_m]

فكو من الشنطة من جوا
يا اما
تفك ضهر الكنبة وتشيل البلستكة وحتلاقى الشنطة والجء اللى ورا بقى كلهم حتة واحدة
نام براحتك وشوف المسامي فى اي مكان وفك ( طبعا مينفعش الكلام دا الا لو عندك جراج خاص .. مينفعش فى الشارع)

بالتوفيق

[Injection]

زى مالرجالة قالوا بالظبط, لازم تخلع ظهر الكنبة وبعدين تشيل الرف الأسود, وتخلع السماعات القديمة وتركب الجديدة, وترجع كل حاجة مكانها.

ونصيحة من مجرب, وديها لمتخصص أحسن, هتتعب جدا ومش هتعرف ترجع كل حاجة لمكانها بسهولة, ولو حصلت أى مشكلة تخص مقاس السماعات أو مكان تركيب المسامير يبقى كده الموضوع كله وقف.

[omarsami2009]

متشكر لرد حضارتكم انا الحمد لله ركبت السماعات بس للاسف معرفتش اركب الكنبه صح الظهر بتاع الكنبه ركبتو بس باقى الكنبه مش راضى يخوش فى المكان بتاعو فى الارض و كمان ملاحظ زنه غريبه مش عارف من السماعات ولا الكاسيت ولا انا عامل حاجه غلط