كيف تفوقت هيونداي على اليابانيين والغربيين؟! - منقول

[ahmed_su]

احمد باشا انور

اسمحلى اشد على يديك تحية لك على تحليلك للمقال

و اتفق مع رايك فيه تماما والذى عبر عن ماكنت اريد ان اقوله .... وفرت على الكتابة ياباشا ptmnlo123per1127

فلك جزيل الشكر

[Nour_peugeot]

يااااااااااااااااااه

بجد كلامك حكم يا احمد باشا

انت جبت من الاخر

و نفس الكلام انا متاكد ان احمد كار هيقوله لانه قالهولي

قالي انا عيز عربيه ترحمني من بهدله الموصلات و متوقفنيش عند الميكانيكي كتير



اما لو حد ربنا فتحها عليه و عيز يركب عربيه ليه قيمه عليه و علي الاوربي

[Ahmed Anwer]

أ / سام رام ،،

بالضبط كده ،،

قارن

Apple to Apple

و حط البراند برده في المقارنة

بس متخلهوش نمرة 1 و العنصر الرئيسي

علي فكرة انا فيه عربيات هيونداي كتير مبحبهاش

الفيرنا و الماتريكس و النيو اكسنت ............. مبحبهمشي


أ / محمد ،،، ماتيما ،،

ممكن تقول صعب جدا لكن متقولشي مستحيل ،،

زي ما سامسونج عملتها مع سوني

انا عارف ان فيه فروقات كتيره

كفاية اني دي بتبيع 10 مليون عربية في السنة و دي بتبيع 4 مليون عربية

اكتر من الضعف ،،

و عموما اللي هيعملها في وجهة نظري

القادم المجهول بدون شك من الصين و الهند

واحد صيني قالهالي

انا مش عارف ليه بتقارنونا باليابان و كوريا

اليابان و كوريا دول جزر معندهومشي موارد

احنا دولة قارة

بالبلدي كده هيقطعوهم بس اديهم وقت

و برده لازم تعترف لهيونداي بالتطور

أ / أحمد ،،

ده احنا اللي نشكرك علي نقل هذا المقال الجميل

انا اساسا محرج اني كتبت رد طويل حول النقاش عن المقال الجميل


أ / نور باشا ،،

الشعب المصري اتجاهاته اوربية اساسا

بس نتيجة لان احنا سوق مش مهم عالميا

فمبيتاخدشي متطلباتنا في الاعتبار

و بالتالي الشركات الاوربية طنشتنا

و اهتموا اكتر باسواق الصين و امريكا الجنوبية و الهند و ايران

كمان مع وقوع التوكيلات الاوربية للاسف في ايدين توكيلات علي ادها في وجهة نظري كمان مع اليورو المولع

و برده عايز اقوك عالحاجة ، الموضوع مش عام كده ، حسب متطلبات كل واحد

انا فاكر مرة د / احمد عشماوي ( عيشو ) صديقي العزيز عاشق الالماني

كان واحد بيسأل قدامه فولكس بورا مستعمله مش فاكر تقريبا علي 75 الف

اجيبها و لا اجيب حاجة زيرو

فطبعا قاله البورا ركوبه و كيت و كيت و الماني

بس انتا لو من النوع اللي بتحب تريح دماغك و متقفشي عندي ميكانيكي و كمان متخصيين بس و متدوخشي علي قطع غيار

هات الزيرو احسن

و مفهموم طبعا الزيرو في الرينج ده هيكون ايه ،،

[AbOnOrA]

يظهر انى انا بس اللى فى الاتجاة المعاكس ptmnlo123per1127

الجزء الأول فعلا قصه نجاح هيونداي حكاية غير طبيعيه و تطورها السريع و تطور الجودة و التقنيات مش محتاجه اضافه

اولا مش عارف ليه يا جماعة بتعصب لما حد يقول هيونداى ويسكت اسمها (هيونداى - كيا) مش هيونداى بس وكيا ديه مش كليك واشترتها فودافون فتتنسى كليك وتفضل فودافون لاء كيا براند وتكنولوجيا وصناعة وكيان اقتصادى يمثل نصف ان لم يكن قلب التحالف (هيونداى كيا)

غير كده والاهم من كل ده ان هيوندى دلوقتى مش هيوندى زمان هيونداى كيا دلوقتى هى رمز الصناعة الكورية عامة بعد بيع دايو لجنرال بالظبط زى بروتون بالنسبة لماليزيا يعنى كيان اكبر من مجرد شركة او براند ديه صناعة دولة وركن من اركانها الاقتصادية فيحق لها انها تكون فى مصاف الخمسة الكبار مش علشان هيونداى خارقة للعادة او غير طبيعية اطلاقاً لكن لانها هيونداى - كيا ولانها الصناعة الكورية (الجنوبية) ولانها المدافع الاساسى عن المصالح الراسمالية فى اسيا ولانها حاجات كتير اوى برة العربيات اساساً

الجزء الثاني العربيات الآسيويه خاليه من الابداع ،، و متعة القيادة و طبعا بالنسبة للفئات اللي بنركبها في مصر هيكون ده واضح اكتر واكتر هيا وسيلة مواصلات عملية مريحة ...................... وبس و ده اللي انا بقوله من زمااااااااااااااااااااااا ااااااااااان

المقال بيتكلم عن خلو عربيات هيونداى من الابداع مش عارف ليه يا احمد انت عممت على العربيات الاسيوية كلها وبعدين حددت العربيات اليابانى

اسمحلى اختلف معاك وبشدة على النقطة ديه الابداع اليابانى قائم ولا ينكر سواء فى التصميم الشكلى والجمالى او فكر استخدام المساحات اللى هما رواد فيه او الابداع الهندسى والميكانيكى والابداع فى طرق التصنيع نفسها ومعدلات ونسب المكونات المعيبة بما يعكس مقاييس جودة مش موجوده لا عند الالمان ولا الامريكان

الابداع ليس حكرا على شعب معين والصناعة اليابانية عامة مبدعة ورائدة هيونداى مش مبدعة ومعندهاش وقت ولا جدوى اقتصادية من الابداع ماشى وهما صح برضو لكن الاسيوى كله خالى من الابداع ........ !!! مستحيل

بشكل اكثر دقة لما تكون بتتكلم عن فئة معينة من العربيات او الفئة الشعبية او اللى بنركبها فى مصر فانا برضو مش قادر افهم قصدك بالظبط السيرون - الانسر - التيدا - الامبيريزا - المازدا 3 - السيفيك - ال SX4 - والسويفت - والتريوس
كل دول عربيات متميزة شكلا وموضوعا وتكنولوجيا وجودة وطعم وكل حاجة وكل العربيات ديه فى مصر وكلها فى فى نفس الشريحة تقريباً عالمياً على الاقل وكلهم عمليين وكلهم مريحين واكثر من ده جودة وخامات واعتمادية والاهم من ده كله فى رائى على الاقل تصميم يعكس خبرة سنين وفكر يضع الجودة فى مقدمة اولوياتة

ليه بتدفعوا كل الفلوس دي و مصاريف الاقتناء دي في العربيات الياباني لا شكل و لا روح و لا اداء يا عم ما عندك بديل ارخص و الاتنين تصنيفهم وسائل مواصلات هتقولي بس الجودة و العمر انا هاصدق علي كلامك بس هوا انتا عايز ايه من العربية غير خمس سنين بافتراض ان العربية الياباني بتعيش عشره و الكوري بتعيش خمسة

تانى بتقول لاشكل ولا روح ولا اداء !!!

وبعدين ازاى بتحسب ان الجودة معناها عربية بتقعد خمسة والتانية بتقعد عشرة

ديه الجودة ديه وانت اعلم بتبداء من ملمس زرار فى التابلوه وصوت حركة دراع الاشارة مثلا لحد طريقة تقفيل الموتور وكفائة العاملين على تركيبة ونظم الاختبار وقياس الاداء

يعنى انا التيل عندى بيقعد 20 الف كم واليابانى بيقعد 50 الف يبقى اشترى اتنين كورى وكده حققت الجودة !!
هو اداء الكورى وهو حتى عامل 1000 كم زى اداء اليابانى وهو عامل نفس المسافة لاء طبعاً

خلاصة القول هيونداى - كيا يعنى الصناعة الكورية ودايو فكر امريكى باقتصاد كورى وكوريا يعنى تلميذ يابانى نجيب بدعم امريكى قوى ولو الهند ايران او ماليزا او اى دولة تانية اتوفرلها نفس المناخ فى نفس الوقت كانت هتبقى زيها دلوقتى ومش بعيد اكتر لكن لا انكر ان التلميذ الكورى تلميذ نجيب اكرر ويتجلى ذكائة فى مرونتة اللى خلتة يكون سباق بزرع نفسة فى الهند كمصنع قبل مايكون مورد للسيارات لانة (التلميذ الكورى) على يقين بان الهند والصين اهم اعمدة ارتكاز عالم السيارات الجديد (صناعياً وتجارياً) فاذا كان التلميذ نجيب فالفضل دائما يرجع للمعلم ولا تصح المقارنة بين الاصل والفرع اطلاقاً

[AHMEDCAR]

انا هاقول كلمه واحده بس و كنت قريتها لبايو هنا فى المنتدى

اللى يشترى هيونداى او كورى يبقى مسك العصايا من النصف