ناوي اشتري باسات 2009 ومحتاج استشارة اهل الخبرة

[Webmaster]

السلام عليكم ورحمة الله
يا جماعة انا ناويت اشتري باسات 2009 او 2010 ان شاءالله بس كنت عايز اعرف منكم شوية حاجات كدة عشان انا معلوماتي شبه صفر فيهم
اولا هو فيه فرق كبير بين المودلين ولا زي بعض
ثانيا انا كنت عايز اعرف انواع الموتور وهل كلهم 1400 سي سي ولا فيهم 1600 وايهم افضل يعني شوية معلومات كدة عن المواتير والفيتيس وايهم افضل عشان وانا بدور يكون عندي شوية معلومات
اخيرا بالنسبة للبنزين لازم لكل المواتير بنزين 95 وهل استهلاكه عالي ولو اتحطيت في ظروف زي سفر البلد 10ايام كدة ومفيش غير بنزين 90 او92 فيه مشكلة ؟؟
معلشي طولت عليكم وجزاكم الله خير

[Webmaster]

معلشي سؤال اخير بالنسبة للبنزين 95 هل فعلا هيرفعوا الدعم عنه ؟؟ ولو حبيت اجيب عربية تانية ايه اللي يكون زي الباسات وفي نفس الاداء والسعر بس بنزين 92 ؟؟

[mshamy]

المشاركة الأصلية كتبت بواسطة Webmaster السلام عليكم ورحمة الله يا جماعة انا ناويت اشتري باسات 2009 او 2010 ان شاءالله بس كنت عايز اعرف منكم شوية حاجات كدة عشان انا معلوماتي شبه صفر فيهم اولا هو فيه فرق كبير بين المودلين ولا زي بعض ثانيا انا كنت عايز اعرف انواع الموتور وهل كلهم 1400 سي سي ولا فيهم 1600 وايهم افضل يعني شوية معلومات كدة عن المواتير والفيتيس وايهم افضل عشان وانا بدور يكون عندي شوية معلومات اخيرا بالنسبة للبنزين لازم لكل المواتير بنزين 95 وهل استهلاكه عالي ولو اتحطيت في ظروف زي سفر البلد 10ايام كدة ومفيش غير بنزين 90 او92 فيه مشكلة ؟؟ معلشي طولت عليكم وجزاكم الله خير

و عليكم السلام ورحمة الله وبركاته
الفروق بين 2009 و 2010 تنحصر في شكل العدادات و شكل الطارة
و ميكانيكيا 2009 الفتيس دي اس جي 6 سرعات و 2010 دي اس جي 7 سرعات و كلهم 1400 سي سي تيربو و طبعا لازم 95 و لكن لو في حالة ضرورة حطيت 92 مش حتقولك لأ بس على حساب الأداء ( التنك بياخد حوالي 80 لتر) ممكن العربية تمشي بيهم من 750 الى 850 كيلو حسب السرعة و خلافه ..يعنى طالما التنك مليان أنت في الأمان
لمعلومات حضرتك موديل 2009 كان الفتيس فيه مشكله خطيره تصل لحد إستبدال الفتيس بالكامل و تم حل المشكلة في موديلات 2010 اللي ظهر في بعض السيارات مشكلة تغيير الكلاتش فقط
لكن لو حتشتري لازم تشتري سيارة بضمان الوكيل و ابعد تماما عن الخليجي - هو بيكون رخيص- بس مالوش ضمان

بالنسبة لموضوع رفع العم انا كنت قرأت في الأهرام انهم لسه بيدرسوا الموضوع ده بس المقترح هو إعطاء كل صاحب سيارة تعمل ببنزين 95 كوبونات في حدود 200 لتر شهريا بالسعر المدعم 2.75 و اذا تم تجاوز هذا الرقم يتم البيع بالسعر التجاري

ولو محتاج اي معلومات تانية انا في الخدمة
ربنا يوفقك

[Webmaster]

شكرا ليك يا باشا بجد علي الرد السريع دة
بس انا مشكلتي كلها في حكاية البنزين يعني لو علي كلام حضرتك 80 لتر يعملو 750-850 كم دة كتير بالنسبة لسعر البنزين العالي لاني كان معايا تويوتا كورولا كنت بحطلها بنزين 92 كان 20 لتر بيعملو حوالي230-250 كم يعني اكتر من الباسات دة غير ان سعر البنزين اقل .. عشان كدة كنت عايز اتأكد من حضرتك من حكاية البنزين دي بالظبط
حتي البيانات اللي حضرتك كاتبها عن العربية في موضوع قديم ليك كان 100 ك يستهلكوا حوالي 6.6 لتر بنزين

[mshamy]

المشاركة الأصلية كتبت بواسطة Webmaster شكرا ليك يا باشا بجد علي الرد السريع دة بس انا مشكلتي كلها في حكاية البنزين يعني لو علي كلام حضرتك 80 لتر يعملو 750-850 كم دة كتير بالنسبة لسعر البنزين العالي لاني كان معايا تويوتا كورولا كنت بحطلها بنزين 92 كان 20 لتر بيعملو حوالي230-250 كم يعني اكتر من الباسات دة غير ان سعر البنزين اقل .. عشان كدة كنت عايز اتأكد من حضرتك من حكاية البنزين دي بالظبط حتي البيانات اللي حضرتك كاتبها عن العربية في موضوع قديم ليك كان 100 ك يستهلكوا حوالي 6.6 لتر بنزين

لا شكر على واجب
فعلا الإستهلاك المثالي هو 6.6 لتر لكل 100 كيلو
بس الإستهلاك الفعلي - وده من واقع عربيتي - في المتوسط 7.9 لتر لكل 100 كيلو
وزي ما قلت لحضرتك في عوامل كتيره بتتحكم في استهلاك البنزين منهها على سبيل المثال لا الحصر الظروف الجوية و الحركة المرورية و طريقة قيادة السائق و مدى صلاحية السيارة و محركها و حساساتها ...