السمكرى بيشتغلنى........نرجو الأفادة

[sayed2077]

بص حضرتك فيه فى دار السلام سمكرى تحفه بجد وسعره معقول جداااا ويعملك اى حاجه فى العربيه و فيه ادامه على طول بوهيجى اكثر من ممتاز وبرضوا اسعاره جميله جدا بس اللى انت بتتكلم فيه ده حرام بمعنى الكلمه 3000 سمكرة بس ليه يعنى ووالله فعلا السمكرى والبوهيجى اللى بكلمك عليهم اكثر من ممتازين بجد وشغلهم نضيف جدا وهيطلعلوك العربيه تمام التمام وانصحك فعلا تيجى تعمل الشغل عندهم والعنوان بتعهم فى شارع الجسر البرانى فى دار السلام وده شارع كبيير جداا مليان سمكرية وميكانيكيه وعفشجية و بوهيجية وكل حاجه تتخيلها والسمكرى والميكانيكى اللى بقولك عليهم اتعملت ماعهم قبل كده وشغلهم تمام بجد وسعرهم زى ما بقولك جميل واى حاجه ابعتلى رسالة على الخاص واشرحلك العنون بالظبط

[mohamed ibiza]

الشغل اللي هو بيقوله صح و ده الشغل النضيف فعلا عشان عربيتك تطلع حلوة و رايقه لازم المعجون اللي عليها كله ينزل و البوية تنزل و تتسمكر صح و البوهيجي بعد كده يديها سكينة معجون رقيقة اوي و يسحقها و سكينة تانية و يسحقها و شكرا علي كده و بعد كده فيلر و يتسحق و تخش بالسلامة علي الكابينة

انما السمكري ياخد 3000 جنيه ده سرقة و نصب .. الليلة اللي عندك دي كلها الحرق بالكامل و السمكرة و الدق علي اي حاجة في العربية و البارومة لو سمكري نضيف و شغل كويس اخرهم 800 و انت كده كارمو اوي اوي يعني

[eng.mena]

المشاركة الأصلية كتبت بواسطة mohamed ibiza الشغل اللي هو بيقوله صح و ده الشغل النضيف فعلا عشان عربيتك تطلع حلوة و رايقه لازم المعجون اللي عليها كله ينزل و البوية تنزل و تتسمكر صح و البوهيجي بعد كده يديها سكينة معجون رقيقة اوي و يسحقها و سكينة تانية و يسحقها و شكرا علي كده و بعد كده فيلر و يتسحق و تخش بالسلامة علي الكابينة انما السمكري ياخد 3000 جنيه ده سرقة و نصب .. الليلة اللي عندك دي كلها الحرق بالكامل و السمكرة و الدق علي اي حاجة في العربية و البارومة لو سمكري نضيف و شغل كويس اخرهم 800 و انت كده كارمو اوي اوي يعني

استاذ محمد انا متشكر جدا جدا على الافادة......بس ياريت حضرتك تكمل جميلك و تدلنى على سمكرى كويس و مش غالى قوى كده علشان أروحله.....أكون متشكر جدا جدا

[AbOnOrA]

المشاركة الأصلية كتبت بواسطة mohamed ibiza الشغل اللي هو بيقوله صح و ده الشغل النضيف فعلا عشان عربيتك تطلع حلوة و رايقه لازم المعجون اللي عليها كله ينزل و البوية تنزل و تتسمكر صح و البوهيجي بعد كده يديها سكينة معجون رقيقة اوي و يسحقها و سكينة تانية و يسحقها و شكرا علي كده و بعد كده فيلر و يتسحق و تخش بالسلامة علي الكابينة انما السمكري ياخد 3000 جنيه ده سرقة و نصب .. الليلة اللي عندك دي كلها الحرق بالكامل و السمكرة و الدق علي اي حاجة في العربية و البارومة لو سمكري نضيف و شغل كويس اخرهم 800 و انت كده كارمو اوي اوي يعني

كلام ابيزا هو الصح. ..
تاسيس العربية ده الصح بس المبلغ هو اللى مضروب فى اتنين او تلاتة
وده على حسب شغل مرمات البرومة قد ايه وفين