عربيتى شيفروليه لانوس 2012 اتخبطت وهى مركونة تحت البيت ..... ساعدونى ؟

[soltanfriend]

اللينك دا فيه احكام قبول العوض http://www.yemen-nic.info/contents/s...il.php?ID=2120
ولكن انا كلامى مش المقصود به انه بفتى ولا حاجة وانا اعتذرت انى بتدخل قبل ما اقول كدا
بس انا قصدى انه طالما انك ممن تصلح عربيتك بسعر اقل وبقطع بحالة الجديدة يبقى دا افضل وارحم للست (لو ظروفها لا تسمح) وانا زى ما قولت لحضرتك الحاجات اللى حضرتك ذكرتها بالكتير اوى ها تاخد 1500 جينه فى الشونه فى بورسعيد وكمان ها تبقى بنفس لون العربية يعنى مش ها ترش
عموما انا اسف تانى والاختيار الاول والاخير يرجعلك وربنا يعوض عليك خير ان شاء الله

[alsahabamasged]

جزاكم الله خير أنا فعلاً كنت ناوى أروح الفرع بتاع ابو رواش بس مش فاهم حتة انبه عليهم على حجات تخلى العربية متبنش ؟ هى اصلاً الحمد لله مفيش مشكلة جوة المشكلة كلها فى الصاج والفانوس معلش وضحلى اكتر اخوك جديد .

[ahmed_hamdy673]

المشاركة الأصلية كتبت بواسطة alsahabamasged جزاكم الله خير أنا فعلاً كنت ناوى أروح الفرع بتاع ابو رواش بس مش فاهم حتة انبه عليهم على حجات تخلى العربية متبنش ؟ هى اصلاً الحمد لله مفيش مشكلة جوة المشكلة كلها فى الصاج والفانوس معلش وضحلى اكتر اخوك جديد .

بص حضرتك اللي انا فهمته ان المشكلة في رفرف وكبوت واكصدام وفانوس .هوا كده كده الاكصدام مش هيبان خالص انه اتغير والكبوت لازم تنبه عليهم لان بيكون في حاجه اسمها فليتو في الداير بتاع الكبوت لازم يكون زي اللي في القديم بالظبط والكبوت بيكون لونه مطفي من جوه اما بالنسبه للرفرف الحته اللي بيطربط منها الرفرف اللي هيا جوه الكبوت بردو بتكون مطفيه والاهم ان المسامير ميكونش متخربشه مكان الربط وتنبه عليهم ان كل الحجات دي تترش بره العربيه يعني متكنش ركبه علي العربيه هما كده كده بيعملو كده بس لازم تنبه عليهم بردو وبالنسبة للون متقلقش ادام العربية لسه جديدة هيجيبو اللون بالظبط بس الكلام ده بناءا علي خبرتي الصغيرة وياريت لو حد عنده معلومه تاني يضيفها

[alsahabamasged]

المشاركة الأصلية كتبت بواسطة ahmed_hamdy673 بص حضرتك اللي انا فهمته ان المشكلة في رفرف وكبوت واكصدام وفانوس .هوا كده كده الاكصدام مش هيبان خالص انه اتغير والكبوت لازم تنبه عليهم لان بيكون في حاجه اسمها فليتو في الداير بتاع الكبوت لازم يكون زي اللي في القديم بالظبط والكبوت بيكون لونه مطفي من جوه اما بالنسبه للرفرف الحته اللي بيطربط منها الرفرف اللي هيا جوه الكبوت بردو بتكون مطفيه والاهم ان المسامير ميكونش متخربشه مكان الربط وتنبه عليهم ان كل الحجات دي تترش بره العربيه يعني متكنش ركبه علي العربيه هما كده كده بيعملو كده بس لازم تنبه عليهم بردو وبالنسبة للون متقلقش ادام العربية لسه جديدة هيجيبو اللون بالظبط بس الكلام ده بناءا علي خبرتي الصغيرة وياريت لو حد عنده معلومه تاني يضيفها

أنا الحمد لله روحت امبارح للتوكيل ولاد ل................... وغيرت رفرف وكبوت واكصدام وفانوس المهم أنا سألتهم هترشوا برة ولا ايه قالى بنرش الداخلى برة وبعد كدة بنركب ونرش الخارجى فى العربية الله المستعان ادعولى بالله عليكم العربية ترجع زى مكانت الموضوع هيتكلف حوالى 6 الاف جنية , بس فى سؤال هل كدة سعر العربية هينزل ولا لاء العربية عاملة 5000 كيلوا .

[alsahabamasged]

عربيتى شيفرولية لانوس 2012 اتخبطت وهى راكنة تحت البيت , وديتها التوكيل اتغير كبود ورفرف واكصدام وفانوس وكلفتنى 6000 جنيه السؤال كدة سعرها هينزل ولا لاء العربية مكملتش 5000 كيلو ! ارجوكم افيدونى ؟