طوبه اتحدفت عملت نقره فى الشنطه

[kimo10]

المشاركة الأصلية كتبت بواسطة tonsy1979 والله انت جيت على الجرح انا معايا فيرنا 2011 وكانت لسة عاملة 300ك ومبقالهاش 3اسابيع ونزلت لقيت الكبوت فيه نقرتين بعدها باسبوع عيل ابن تيت حدف طوبة من فوق نفق الهرم تقوم راشقة جنب اخواتها والحمد لله الكبوت بقى شبه الكحك المنقرش وحياتك روحت ل2 سمكارية حبايبى صعب عليهم العربية انها زيرو وتترش قالولى سيبها ومن ساعتها سايبها وعمالة تاخد حكة من هنا خبطة من هنا وقولت والله ما انا عاملها غير على الفحص لانها بصراحة حاجة مملة بس الميزة فى اول خبطة او نقرة انها بتقوى قلبك بعد كدة

عدك حق اول خبطة بتجمد القلب برده انا كمان قبل العربية متكمل 1000 كيلو وقعت قطعة خشب من سيارة نقل على ههههه القائم الامامى يمين عملت فيه مطبين زعلت وركنت العربية يومين وكنت اول ماروح للعربية عينى تجى على الخبطة وازعل بس بعد فترة واحد زميلى قالى ازاى العربية اتخبطت من وراء طبعا قولته مش مخبوطة ونزلت روحت البركنج لقيتها مخبوطة وهى واقفة بس بقى عادى اول خبطة بتزعل جامد والحمد لله انها بتيجى على قد كده

[M.TONSY]

الجمعة اللى فاتت والعربية واقفة فى الجراج وقعت طوبة على سقف العربية والحمد لله قدر الله وما شاء فعل

[goudai]

المشاركة الأصلية كتبت بواسطة ehab_nnnn السلام عليكم فيرنا 2012 لسه حتى ما لينتش يادوب 600 كيلو بس اتحدف عليها طوبه عملت نقره بسيطه فى الشنطه شكلها غبى وبصراحه مزعلانى جدا ..حد عنده حل وكمان فى خط بويه خضرا على الاكصدام الورانى.. مش حكه ..هى زى ما يكون واحد جاب فرشه وعملها.. حد يعرف تطلع ازاى من غير ما الدهان يجرب؟؟؟

بالنسبة لخط البوية الخضرا ممكن يطلع بالكومباوند وياريت تشمع العربية بالمرة هتلاقيها لمعت معاك وتحافظ على الدهان
اما النقرة دية ممكن تشترى قلم دوكو بلون العربية وياريت تشتريه من وطنية لانك بتختاره من كتالوج بلون وماركة وموديل العربية

[goudai]

المشاركة الأصلية كتبت بواسطة azzat 55 بالنسبة للبويه (طبعاَ بوية سيارتك فابريكة) استخدم فوطة مبللة بقليل من التنر وأمسح بيها وبعدين اشطف مكان التنر بالمياه ومتخافش مش هايطلع البوية الأصلية طالما بوية الفابريكة

حضرتك متاكد من النقطة دى لانها فيها مخاطرة نوعا ما