العودة   مصر موتورز مجتمع السيارات > سوق السيارات فى مصر موتورز > سوق السيارات المصرية

سوق السيارات المصرية نصائح عامة وتجارب واخبار عن بيع وشراء السيارات فى السوق المصرى


إضافة رد
 
أدوات الموضوع
  #1  
قديم 11-03-2010, 02:53 PM
corsair
Guest
 
المشاركات: n/a
افتراضي لو نويت تنزل سوق السيارات لازم تدخل هنا

حبيت اني اخدم اعضاء المنتدي الجميل ده بشوية نصايح ومعلومات ممكن تفيدة قبل ما يروح يشتري عربية مستعملة علشان بجد النصب دلوقتي بقا للركب





1:اول حاجه تعملها صلى ركعتين لله قبل ماتنزل وادعى ربنا يكرمك






2:حاول تاخد معاك مبلغ صغير تربط بيه كلام عشان ماينفعش تخرج عربيه من السوق الا لما تكتب عقد ابتدائى وده بعد ما العربيه تعجبك وحاول تخبى المبلغ ده كويس عشان لاقدر الله السرقه





3:حاول تاخد لفه تمام ولو عجبتك حاجه برضه لف تانى عشان هاتسمع اسعار مختلفه









4:لو عايز تعرف العربيه بتاعت تاجر ولا خرج بيت (يعنى من مالكها) اساله رخصه ولا توكيل لو قالك رخصه تبقى العربيه بيتى لو توكيل اعرف انه تاجر وده عشان التسجيل بيبقى غالى والتوكيل ارخص فالتاجر بيعمل توكيل ويبيع بيه






5:التجار بيبقى ليهم شكل مميز ولغه مميزه مثلا هاتلاقيه لابس طاقية الصيادين وليهم الفاظ مميزه مثلا (ياباشا الاتومبيل ده ايه وان مافيهوش كلمه)
(ياباشا العربيه دى دواخلها الماظ)
(بص ياباشا انا هاقولك ناهيتها)
وشوية كلام تانى وعايز اوضح حاجه مش معنى كلامى ان التجار كلهم نصابين فى منهم كويس بس انا شخصيا مش بثق فى التعامل معاهم عشان بيبقى فى عربيات متبهدله وبيشدوها شده محترمه فانتا لو عايز تاخد من تاجر هات معاك عوكل الجن يتفرج على العربيه






6:وانت فى السوق اول ماتقرب على عربيه هتلاقى اتنين تلاته جم جنبك والاشتغالات تبتدى ودول اغلبهم بيكون تجار لو العربيه عجبته هتلاقيه بيقولك (يالهوى العربيه مغيره عربيه)سيبك منه طبعا انتا ليك نظره ولو عايز يطمعك فيها هايقولك(العربيه دواخل الماظ)برضه سيبك منه وممكن تلاقيه بعد مانتا تسمع السعر ويعجبك مثلا 30000 تلاقيه يقول لصاحب العربيه انا هاخلص ب30500 طبعا انتا العربيه عجبتك فهتدفع اكتر وفى الاخر تكتشف ان الى قال السعر ده مع صاحب العربيه (قديمه)






7:لو نازل لوحدك ماتخليش نضافة العربيه من بره تخدعك تلاقيها مش مكلفاه عشين جنيه تمن الكومبوند(ملمع السيارات)وماتخليش نضافة الحوض يخدعك بيتغسل وبيرجع جديد وده بتعرفه من ريحة الجاز اهم حاجه بص على اساسيات العربيه وماتسمعش كلام الى يقولك وحياة عيالى يارب اعدمهم يارب مااوعى اروحلهم العربيه دى ماتلمست من جوه انتا الى هاتشترى فانتا الى تحكم وخلى بالك اسهل حاجه ممكن يتلعب فيها عداد الكيلومتر اوعى تتخدع بانه قليل وفى ناس بتقلله






8:عند حرف الباب من جوه بيبقى فى برشام عامل زى السيليكون ده الفابريقه بيحطوه عشان المياه لو البرشام ده مفرقع تعرف ان الباب اتخبط لان البرشام ده استحاله يرجع زى الاول ودى طريقه سهله مش محتاجه صنعه والبرشام ده بيكون على حرف الابواب الاربعه وكمان الشنطه والكبوت





9:وانتا بتفتح الكبوت حسيت انه تقيل زياده عن اللزوم اعرف ان الكبوت ده اترش والتقل ده بيكون من المعجون






10:امسك خرطوم الفايز بتاع الموتور وخلى حد يزود لو خرج دخان ابيض يبقى الموتور خفيف






واخيرا ياجماعه اى حاجه بقى ليها علاج يعنى دلوقتى العربيه لو مقلوبه ورشت دواخل بيدعكوا دواخلها بعد ماتترش ببطاس عشان يكوى ومايبانش انها ادهنت فخلى باللك واتفرج عالعربيه الف مره وبلاش تثق فى البنزينه
رد مع اقتباس
  #2  
قديم 11-03-2010, 02:59 PM
الصورة الرمزية خالداعزالناس
خالداعزالناس خالداعزالناس غير متواجد حالياً
من انا؟: مهندس/ خالد
التخصص العملى: مهندس اتصالات
هواياتي: التنزه - السفر
 
تاريخ التسجيل: Feb 2009
الموقع: القاهره
المشاركات: 3,679
خالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond reputeخالداعزالناس has a reputation beyond repute
افتراضي رد: لو نويت تنزل سوق السيارات لازم تدخل هنا

والله الواحد خايف من سوق المستعمل والنصب اللى فى السوق
يعنى الواحد يستنى ويجيب جديد احسن والله
وعن تجربه شخصيه
بهدله كبيره
فى عمليه البيع والتسجيل ومشاكل للصبح
رد مع اقتباس
  #3  
قديم 11-03-2010, 03:09 PM
الصورة الرمزية MANDO09
MANDO09 MANDO09 غير متواجد حالياً
من انا؟: محمد سعيد
التخصص العملى: طالب هندسة معمارية
هواياتي: القراءة
 
تاريخ التسجيل: Dec 2009
الموقع: حلوان
المشاركات: 383
MANDO09 has much to be proud ofMANDO09 has much to be proud ofMANDO09 has much to be proud ofMANDO09 has much to be proud ofMANDO09 has much to be proud ofMANDO09 has much to be proud ofMANDO09 has much to be proud ofMANDO09 has much to be proud ofMANDO09 has much to be proud ofMANDO09 has much to be proud of
افتراضي رد: لو نويت تنزل سوق السيارات لازم تدخل هنا

كل مواضيعك و ردودك محترمة يا كروزير
رد مع اقتباس
  #4  
قديم 11-03-2010, 03:46 PM
الصورة الرمزية Bendary
Bendary Bendary غير متواجد حالياً
من انا؟: مصرى مكافح بشرف
التخصص العملى: Trading - Buiness Development
هواياتي: طوابع - رسم - قراءة ، لكن بعد الشغل والجواز بقت الهوايه : أكل العيش
 
تاريخ التسجيل: Nov 2008
الموقع: دايما بين احبابى
المشاركات: 1,066
Bendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond reputeBendary has a reputation beyond repute
افتراضي رد: لو نويت تنزل سوق السيارات لازم تدخل هنا

استاذ يا تهامى باشا
قصدى يا قرصان باشا
__________________

Mohamed Bendary
اللهم فرغنى لما خلقتنى له ولا تشغلنى بما خلقته لى
اللهم ولا تحرمنى وانا أسألك ولا تعذبنى وانا استغفرك
مصر هاتفضل غاليه عليا
رد مع اقتباس
  #5  
قديم 11-03-2010, 03:52 PM
corsair
Guest
 
المشاركات: n/a
افتراضي رد: لو نويت تنزل سوق السيارات لازم تدخل هنا


المشاركة الأصلية كتبت بواسطة خالداعزالناس مشاهدة المشاركة

والله الواحد خايف من سوق المستعمل والنصب اللى فى السوق
يعنى الواحد يستنى ويجيب جديد احسن والله
وعن تجربه شخصيه
بهدله كبيره
فى عمليه البيع والتسجيل ومشاكل للصبح

اه والله يا استاذ خالد بهدلة ما بعدها بهدلة اسئلني انا 5 شهور جمعه وحد جمعه وحد كل جمعه وحد في السوق ببيع عربيتي لما خلاص حاسيت اني لابستها بس الحمد لله اتباعت بعيد عن السوق في الاخر بعد البهدلة اللي شوفتها
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 06:25 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017