تكييف سوزوكي ماروتي 800 cc

[faten6]

السلام عليكم و رحمة الله جزاكم الله خيرا جميعا طمنتوني اني مش وحيدة
اخي hm414 ربنا يوفقك و تكون الامتحانات سهلة بامر الله اخي حبيب الناس و كل من معانا من اول امس العربية فيها رجة شديدة جدا لما بادورها و حتي لما بتسخن و بالاحظ انها زي ما يكون شغالة بالعافية يعني لازم استمر دايسة بنزين و لو وانا واقفة رفعت رجلي من عالبنزين تترج جامد جدا و تبطل. ممكن يكون ايه ده حاجة في الكهربة و للا ايه افيدوني الله يكرمكم جميعا و اخي حبيب الناس ما تحرمنيش من ردودك

[حبيب الناس]

المشاركة الأصلية كتبت بواسطة faten6 السلام عليكم و رحمة الله جزاكم الله خيرا جميعا طمنتوني اني مش وحيدة اخي hm414 ربنا يوفقك و تكون الامتحانات سهلة بامر الله اخي حبيب الناس و كل من معانا من اول امس العربية فيها رجة شديدة جدا لما بادورها و حتي لما بتسخن و بالاحظ انها زي ما يكون شغالة بالعافية يعني لازم استمر دايسة بنزين و لو وانا واقفة رفعت رجلي من عالبنزين تترج جامد جدا و تبطل. ممكن يكون ايه ده حاجة في الكهربة و للا ايه افيدوني الله يكرمكم جميعا و اخي حبيب الناس ما تحرمنيش من ردودك

الوضع اللي بتوصفيه يا اما كهربتة السيارة مش مظبوطه او ان فيه بوجيه فصل مش شغال فبكده العربيه شغاله 2 سلندر فقط روحي لميكانيكي ثقه وخليه يشيك علي العربيه كلها تفاديا لاي اعطال في المستققبل

[aymanay32]

فعلا كلامك مظبوط و دى حالة بوجيه فاصل او بوبينة بتقطع او كهرباء الاسبراتير واطية بس دة مش منطقى لانها مالعبتش فى حاجة فممكن يكون بوجية فصل السلك بتاعة من المطبات و عاوز يتوصل تانى
بس سؤالى ممكن تكون فيه مشكلة فى البنزين بتعمل الحركة دى بك مسدود او طلمبة تعبت او المسمار بتاع الهواء مش مظبوط

[حبيب الناس]

بالظبط يا استاذ ايمن زي ما حضرتك قولت
العيب ده بيكون سببه حاجات كتير وربنا يستر

[aymanay32]

المشاركة الأصلية كتبت بواسطة حبيب الناس بالظبط يا استاذ ايمن زي ما حضرتك قولت العيب ده بيكون سببه حاجات كتير وربنا يستر

حكيت لكهربائى زميلى فى الشغل قاللى كمان ممكن يكون سلك الارضى بتاع الموتور فاصل و الحل الامثل بتاعة بتعمل كابل بين البطارية و الموتور فى اى مكان فيه و يتربط كويس