ربنا ستر ومتعجنتش.

[بدر بسيونى]

الف حمدلله على سلامتك

وقدر الله وماشاء فعل ورنا يسترها معاك ومعانا

[Injection]

الله يسلمكوا يارجالة, ده وأنا معدى من جنب الصندوق شفت الماضى والمستقبل وشفت اللى عمرى ماشفته, وبقيت عمال أفكر هعمل أيه فى العربية لو خبطت بس الحمد لله ربنا ستر.

والغريبة أنى أنزل الصبح علشان أتفادى الزحمة وأريح أعصابى وبرضه مافيش فايدة, .

ثانياً، الدروس المستفادة: 1- عينك في وسط راسك عند القيادة في دهاليز المهروسة على مدار الساعة (أو كما يقول الفرنجة 24/7) 2- صناديق الزبالة وضعت بهذه الصورة وصممت بتلك الأذرع الطويلة ليس لتحمل منها بل لتصطاد كل عابث تسول له نفسه أن يسير بجوارها (يا عابث يا شرير!) 3- حاول قدر المستطاع توقع الأسوء دائماً في دهاليز القاهرة، فمن الطبيعي جداً أن تسقط عليك قنبلة عنقودية أو رشة نابالم ظريفة أو على أقل تقدير لغم أرضي مضاد للطائرات (متسألنيش إزاي) 4- اقرأ دعاء الركوب عند الركوب وانطق الشهادتين وتوكل على الله. <!-- / message --> <!-- controls -->

ههههههههههه, الحاجات دى فى العراق, هنا أنت ممكن تبقى ماشى وتلاقى مقطورة وقعت عليك من حيث لا تدرى, أو تبقى واقف فى أشارة وتسمع "دب" وتلاقى شنطة عربيتك أتهرست, الشارع مينفعش يتنزل بأقل من مدرعة.

وشكرا لأستاذ طارق وأستاذ أحمد وأستاذ بدر وxabi و crypt بس برضه محدش حكى عن "شبه حادثة" كانت هتحصله, أيه يارجالة مكسلين ولا أيه.

<!-- controls -->

[ابو جودة]

ربنا يسترها علينا من السلبيات الموجوده فى البلد

الف سلامه عليك يا جميل وربنا ستر وخلي بالك ومتسرحش واحنا كل يوم بنشوف البلاوي ديه وفعلا مدينة نصر ديه اعوز بالله كل واحد رامي عربيته ولا يعمل حساب لشارع ولا لاي حاجه وتلاقيهم واقفين في اليو تيرن وقافلين اللفه بس تصدق انا بفرح اوي لما عربيات الزباله بتدخل الشارع بتروقهم كلهم كل واحد مش راكن زي الناس بيتباس من عربيات الزبالة ودول مبيهزروش وممكن تنزل تلاقي الاكصدام واقع في الارض بسببهم بس بيني وبينك بيخلوا الناس تحترم نفسها في ركن العربيات

[Injection]

ربنا يسترها علينا من السلبيات الموجوده فى البلد

أمين يارب.

المشاركة الأصلية كتبت بواسطة corsair الف سلامه عليك يا جميل وربنا ستر وخلي بالك ومتسرحش واحنا كل يوم بنشوف البلاوي ديه وفعلا مدينة نصر ديه اعوز بالله كل واحد رامي عربيته ولا يعمل حساب لشارع ولا لاي حاجه وتلاقيهم واقفين في اليو تيرن وقافلين اللفه بس تصدق انا بفرح اوي لما عربيات الزباله بتدخل الشارع بتروقهم كلهم كل واحد مش راكن زي الناس بيتباس من عربيات الزبالة ودول مبيهزروش وممكن تنزل تلاقي الاكصدام واقع في الارض بسببهم بس بيني وبينك بيخلوا الناس تحترم نفسها في ركن العربيات

أبو الكراسييييييييييييير, ربنا يخليك ويحفظك من الطرق العجيبة بتاعتنا, وصناديق الزبالة الحديد المرمية فى كل حتة.

وبوس عربيات الزبالة مش أى بوس, وعربيات الزبالة ما بتهزرش فى الحاجات دى, فرينش على طول.

وفيه مطبين دايما لازم أخدهم رزع على 40 أو 50, المطب الغبى ده, والمطب بتاع حدائق القبة اللى فى الشارع بتاع البنك الأهلى, الأثنين معمولين علشان تفاجأ بيه بيهد العربية ولا تشوفه الصبح ولا بالليل وماتعرفش أنه موجود غير لما تحس بيه.

ربنا يحفظنا كلنا من الحوادث, ويهدى الناس العجيبة اللى فى البلد دى.